Filipu 1:20 - Livulu lya Shukulu Kalunga

²⁰ Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

Filipu 1:20 Iomraidhean Croise

Myaso 119:116

Njitakamese ngwe muje muwanjikulaesele, ngeci njiyoye, kesi uzimangane cinyangavili cange embwe!

Myaso 119:80

Mbunge yange ipwe ya vushunga ku mashiko ove, ngeci kesi njizive shwamwa.

Myaso 25:2

Muli yove Njambi yange njinakulaela. Shwamwa kesi injikole, vitozi vange kesi vanjifungulule!

Myaso 62:5

Kukwesi kweka kwakutewela kuvanga kuli Njambi lika, omwo cinyangavili cange citunda kuli ikeye.

Visimo 10:28

Cinyangavili ca muka-vushunga citwamenena kukujolela, oloni vaka-vuvi navimo vyai vakengelela.

Visimo 23:18

Co mwa vushunga vene ukakala na cinyangavili ku matangwa a kulutwe.

Isaya 45:17

Oloni Shukulu Kalunga akamena Isalele, co akahyana ku myaka yoshe, vanu vendi kuvakazivi shwamwa.’ ”

Isaya 50:7

Oloni kunjishaula kucasa kunjizivisa shwamwa, omwo Shukulu Kalunga wa Akamwa ya Vyoshe anjikwasa. Njazivuka ngeci kunjikazivi shwamwa,

Isaya 54:4

Kesi uzive lyova, nambe kuziva shwamwa, kuukashauka lalo embwe. Ukevala kujeneka kulongwa kwove a simbu ya vwanike vwove, kesi uzive shwamwa akupwa ufwile.

Yowano 21:19

(Akwendeka evi, Yesu watumbwile kutsa kuje kwakatsa Petulu nakunena vumpau kuli Njambi.) Co Yesu wendekele kuli ikeye ngwendi, “Njikave!”

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 21:13

Oloni wakumbulwile ngwendi, “Vikajo mulinakulinga? Kulila nakupokola mbunge yange? Njinalivwaesela cimweja kesi lika kunjikuta mu Yelusalema embwe, oloni nameme kutsila vene muje omwo a lizina lya Mwene Yesu.”

Vilinga vya Miluwa 4:31

Co omo vamanesele kulombela, mwela uje vakungulukilile wajajele. Co voshe vashulile na Munzinzime Wakujela, co vambulwile lijwi lya Njambi nakusimpa.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 5:5

Co cinyangavili eci kucasa kutuzivisa shwamwa, omwo Njambi netila cizemo cendi mu vimbunge vyetu ali Munzinzime Wakujela, ikeye napu vwana vwa Njambi kuli yetu.

Loma 6:13

Nambe vilyo vyeni kesi muvyecele ku vuvi mukuvipangesa mu vyuma vya kupenga-penga. Oloni likundikeni kuli Njambi, ngwe vanu vaje vavanatundisa ku kutsa nakuvatwala ku mwonyo, co kundikeni vilyo vyeni vyoshe kuli Njambi ngeci vavipangese mu vyuma vya vushunga.

Loma 6:19

(Njilinakupangesa majwi aasi kuwakwata omwo kuzeya kwa vimbunge vyeni vya vunu.) A simbu imo mwalikundikile muvamutunu kupwa vindungo va vyuma vya mazilo na ku kupenga-penga ngeci mulinge vyuma vya kupenga-penga. Mu ngila eyi vene ololo munapande kulikundika muvamutunu kupwa vindungo va vushunga ngeci mulinge vyuma vya kujela.

Loma 8:19

Omwo vyakutanga vyoshe vili na cizango cakukengelela Njambi ngeci asholole vana vendi.

Loma 9:33

ngwe muvyendeka visoneka ngwavyo, “Kenga, njikaka limanya mu Siyone lije likatanukisa vanu, limanya lije likavawisa. Oloni woshe uje akulaela kuli ikeye kakazivi shwamwa.”

1 Kolinte 15:31

Vavusamba vange, njilinakukengelela kutsa a litangwa na litangwa! Kulyalesa kwange muli yeni, mu mwonyo wetu amo na Kilistu Yesu Mwene yetu, cinjilingisa kwambulula evi.

1 Kolinte 6:20

Omwo wamilandele na ndando. Ngecivene, shangazaleni Njambi mu mivila yeni.

1 Kolinte 7:34

co mbunge yendi ilinakumukokela mu vingila vivali. Muzike wa munakazi nambe mumbanda uje kanda alimone na munalume ali na cishota-mbunge ku vipangi vya Mwene, ngeci ajele ku muvila muvila na munzinzime, oloni munakazi wakushomboka ali na cishota-mbunge ku vyuma vya ano a kaye, omwo ashaka kuvwaelelesa munalume wendi.

2 Kolinte 10:8

Omwo kunjesi na shwamwa, nameme nga njili na kulyalesa manene ngwe a moko ije yanatwana Mwene, moko yakumitunga ngeci muye kulutwe, kesi yakumishandola embwe.

2 Kolinte 3:12

Omo tuli na cinyangavili eci, co tunasimpi manene vene.

2 Kolinte 4:10

A simbu yoshe twambata kutsa kwa Yesu mu mivila yetu, ngeci mwonyo wendi usholoke mu mivila yetu lalo.

2 Kolinte 5:15

Co watsililile vanu voshe, ngecivene, vaje valinakuyoya kuvapandele kuliyoyela vakevo vavenya embwe, oloni vanapande kuyoyela kuli uje wavatsililile, co vamusangwile omwo yetu.

2 Kolinte 7:14

Co njalishashele manene kuli ikeye ali yeni, co yeni kumwanjizivisile shwamwa. Yetu simbu yoshe tunendeka vushunga ali yeni, co mu ngila eyi vene, kulishashela kwetu ali Tito cinasholoka ca vushunga.

2 Kolinte 7:4

Mwa vushunga njinasimpi manene ali yeni, co lalo njilinakujolela ali yeni! Mu tuyando twetu twoshe njinashulu nevi vyakunjizembeleka, njishulu nakujolela.

Filipu 1:14

Co kukala kwange mu kamenga cinakwasa manene vaka-kukulaela kukulaela manene muli Mwene, ngeci vapwe vaka-kusimpa simbu yoshe mukwambulula lijwi kujeneka lyova.

Filipu 2:17

Nambe nga vetila maninga ange ngwe mulambu wa a n̄ombelo ije yakukulaela kweni kuli Njambi, njivwaelela nakujolela amo neni voshe.

Kolose 1:24

Co ololo yange njilinakujolela a tuyando twange omwo yeni, omwo a tuyando twa muvila uno njase kumanesa tuyando twa Kilistu tuje tunasalako twa muvila wendi, ukewo cikungulukilo.

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.

1 Petulu 4:16

Oloni nga uyanda omwo u muka-Yesu, kesi uzive shwamwa, oloni kandelela kuli Njambi ngeci unambata lizina lya Kilistu.

1 Yowano 2:28

Eyo, vana vange, kaleni muli ikeye, ngeci tukashule nakusimpa akajomboloka, kesi tukazive shwamwa ku mesho endi a Litangwa lije omo akaija.