Filipu 1:11 - Livulu lya Shukulu Kalunga

¹¹ Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

Filipu 1:11 Iomraidhean Croise

Myaso 1:3

Munu wa cifwa eci napu ngwe muti wakukuna ku vana va vindonga vya mema, muti uje wima vushuka vwawo a simbu yawo, na maputa awo lalo kuwesi kujujwama. Munu wa cifwa eci avezika mu vyoshe vyakalingi.

Isaya 5:2

Waliminemo nakutundisamo mamanya, co wakunine mikolovozi ya vushuka vwa vinyu yaivwa. Co watungile kaposhi kakuvingilila, wendile mbulu yakukamwinamo vinyu. Wavandamenene vushuka vuhye, oloni vushuka vwoshe vwapwile vwakukamata.

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Yowano 15:2

Ikeye ateta munango woshe uli muli yange uje kuwimi vushuka, co munango woshe wima vushuka awunonga ngeci wime vushuka vwavungi.

Yowano 15:8

Vumpau vwa Tate vusholoka nga mwima vushuka vwavungi, co mu ngila eyi vene mupwa vandongisi vange.

Loma 15:28

Omo njinamanesa vipangi evi nakwetesa vimbongo vyoshe kuli vakevo vije vivavakungulwilile, co njikaya ku Sepeine nakumisikamesa a ngila yange yakuya kuje.

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

1 Kolinte 10:31

Ngecivene, vyoshe ulinga, nambe ulya nambe unwa, vilinge mukwana Njambi vumpau.

2 Kolinte 9:10

Co Njambi, uje mukakwana vimbuto vyakukuva na likende lyakulya, ikeye lalo akamyana vimbuto vyoshe vije munajeneka, co akavikulisa, akamyana kuteja vyavingi manene kutunda ku vungulu vweni.

Efeso 1:12

Ngecivene, yetu vakulivanga twakala na cinyangavili muli Kilistu, tushangazaleni vumpau vwa Njambi!

Efeso 1:14

Munzinzime ikeye cishimbikiya ngeci tukatambule vije Njambi nakulaesa vanu vendi, co tunasimpi ngeci Njambi akana kupatuka kwamutunu kuli vaje vanapu vendi. Tulemeseni vumpau vwendi!

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Efeso 5:9

omwo ceke cikeco cikakunena kuteja kwakama manene kwa muyati woshe wa vyuma vyavivwa, vyakushungama na vushunga.

Filipu 4:17

Kesi ngwe yange njishaka lika vwana kuli yeni embwe, oloni njishaka kumona nganyo yakuwezelela ku mbango yeni.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

Kolose 1:6

Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

2 Tesalonika 1:12

Mu ngila eyi vene lizina lya Mwene yetu Yesu valishangazale ali yeni, neni lalo ali ikeye, a kutetela kwa Njambi yetu na Mwene Yesu Kilistu.

Tito 3:14

Vanu vetu vanapande kulilongesa kukala na simbu yakulinga vipangi vyavivwa, ngeci kesi vajeneke cuma cimo, co kuvapandele kuyoya mu vyuma vyangoco-ngoco.

VaHevelu 12:11

Omo valinakutunyanyamesa, kuli yetu cilinakusholoka ngwe cuma cakutuviililisa, kesi cakutuvwaelelesa embwe. Oloni kulutwe kuli vaje valinakuviilila nakunyanyamesa eci vakatambula cikandelela ca kwoloka ca mwonyo wa vushunga.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 4:14

Vwaeleleni omo vamishaula omwo munapu vaka-kukava Kilistu, eci cinalumbunuka ngeci Munzinzime wa vumpau, na Munzinzime wa Njambi, alinakuyoya amo neni.