Filipu 1:1 - Livulu lya Shukulu Kalunga

¹ Mukanda wakutunda kuli yange Paulu na Timateo, vangamba va Yesu Kilistu. Kuli voshe vanu va Njambi mu Filipu vaje vali muli Kilistu Yesu, amo na vantwama va cikungulukilo na vakwasi.

Filipu 1:1 Iomraidhean Croise

Mako 13:34

Eci cikapwa ngwe munu atunda ku njuvo yendi aya vungenzi, omo aseza njuvo yendi, mu mavoko a vangamba vendi, munu na munu wakele na vipangi vyendi vyalingile, co muka-kunyunga ku cikolo wamushikile ngwendi akengelele.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Vilinga vya Miluwa 1:20

“Omwo vanasoneka mu livulu lya Myaso ngwavo, ‘Njuvo yendi ipwe ya mupulungwa, kesi mukale umo mu njuvo yendi.’ Vanasoneka lalo ngwavo, ‘Munu weka akahinge a vipangi vyendi.’

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Vilinga vya Miluwa 9:13

Oloni Ananiyasi wakumbulwile ngwendi, “Mwene, vanu vavangi vananjileka vyowo munalume na vyuma vyavingi vyavikalu vyanalingi ku vanu vove mu Yelusalema.

Loma 1:1

Yange Paulu, ngamba ya Kilistu Yesu na muluwa uje yaangwile nakumusana kuli Njambi mukwambulula Vin̄anda vyendi Vyavivwa.

Loma 1:7

Ngecivene, njilinakusonekela kuli yeni voshe muli mu Loma vaje vaazema Njambi nakumisana ngeci mupwe mu vanu vendi. Njambi Tatetu na Mwene Yesu Kilistu vamyane kutetela na kwoloka.

1 Kolinte 16:10

Nga Timateo aija kuli yeni, mwa vushunga vene mutambuleni mwamuvwa akati keni, omwo ikeye alinakupangela Mwene, ngwe munjilinakupanga yange.

2 Kolinte 1:1

Mukanda wakutunda kuli yange Paulu, muluwa wa Kilistu Yesu ku cizango ca Njambi, unatundu lalo kuli Timateo ndolome yetu. Tulinakusonekela ku cikungulukilo ca Njambi cili mu Kolinte, na kuli vanu va Njambi voshe vali mu Akaya.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Ngalatiya 3:26

Akukulaela ngeci yeni voshe munapu vana va Njambi muli Kilistu Yesu.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Efeso 1:1

Mukanda wakutunda kuli yange Paulu, ku cizango ca Njambi njinapu muluwa wa Kilistu Yesu. Njilinakusonekela kuli vanu va Njambi vaje vali mu Efeso, kuli vaje vaka-kukulaela kuli Kilistu Yesu.

Efeso 1:15

Omwo a vyuma evi, tunde aje njazivile vyakukulaela kweni muli Mwene Yesu na cizemo ceni kuli voshe vanu va Njambi,

Efeso 6:24

Kutetela kwa Njambi kukale na voshe vaje vazema Mwene yetu Yesu Kilistu na cizemo ca ku myaka yoshe.

Filipu 2:19

Nga cinapu cizango ca Mwene, njili na cinyangavili cakutuma Timateo vwasi kuli yeni, ngeci akunjitakamese na vin̄anda vyakutunda kuli yeni.

Filipu 2:5

Akati keni kaleni na mbunge ya cifwa cije cakele naco Kilistu Yesu.

Filipu 3:12

Kunjendeka ngwange njinahyana laja mu cuma eci embwe, nambe ngwange njajele laja embwe. Oloni njilinakukakateya mukweseka kuwana cikandelela cije Kilistu Yesu nanjitambwilaco laja.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Filipu 3:8

Kesi lika a vyuma vije embwe, njilinakulava vyuma vyoshe ngwe vinapu vyangoco omwo seo yakama, yakuzivuka Kilistu Yesu Mwene yange. Omwo ali ikeye njinombila vyuma vyoshe, kuli yange njilinakuviyongola ngwe vinapu mazilo, ngeci njinganyale Kilistu,

1 Tesalonika 1:1

Mukanda wakutunda kuli yange Paulu na Silasi na Timateo. Kuli vanu va cikungulukilo ca mu Tesalonika, vaje vanakundama kuli Njambi Tate na Mwene Yesu Kilistu. Kutetela na kwoloka vikale neni.

1 Tesalonika 2:2

Oloni mwazivuka muvatuyandesele nakutushaula mu Filipu simbu kanda twije kuli yeni mu Tesalonika. Co nambe kwakele kutulwisa kwakama, Njambi yetu watutakamesele mukumyambulwila Vin̄anda Vyavivwa vyakutunda kuli ikeye.

2 Tesalonika 1:1

Mukanda wakutunda kuli Paulu na Silase na Timateo. Kuli vanu va ku cikungulukilo ca mu Tesalonika, vaje vanakundama kuli Njambi Tatetu na Mwene Yesu Kilistu.

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

1 Timateo 1:2

Kuli Timateo, munange wa vushunga mukukulaela. Njambi Tate na Kilistu Yesu Mwene yetu vakwane kutetela na mema ku mbunge na kwoloka.

1 Timateo 3:8

Vakwasi va mu cikungulukilo lalo vanapande kupwa va futisi yaivwa na kasingimiko, kuvapandele kupwa vaka-kunwa manene vinyu nambe vapwe vaka-cipululu ca vimbongo,

Tito 1:1

Mukanda wakutunda kuli yange Paulu, ngamba ya Njambi na muluwa wa Yesu Kilistu. Vanjangwile nakunjituma mukukwasa kukulaela kwa vanu va Njambi vakwangula nakuvatwamenena ku vushunga vuje vuvavalongesele ku futisi yakulemesa Njambi,

Tito 1:7

Omwo ntwama wa cikungulukilo napu kanyungi ka vipangi vya Njambi, napande kupwa wakujeneka mulonga. Kapandele kupwa muka-kulyalesa nambe muka-kuluvala vwasi, nambe muka-kupenda, nambe muka-lwozi, nambe muka-cipululu ku vimbongo,

Filimoni 1:1

Mukanda wakutunda kuli yange Paulu, cinzinda ca Kilistu Yesu, unatundu lalo kuli ndolome yetu Timateo. Kuli Filimoni musamba wetu na mukwetu mu vipangi,

VaHevelu 13:23

Njishaka muzivuke ngeci ndolome yetu Timateo ololo vanamwecela kutunda mu kamenga. Nga naija vwasi, co njikaija nendi omo njiija nakumimona.

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.

1 Petulu 2:25

Yeni mwapwile ngwe mu vimanga vanazimbalesa ngila yavo, oloni ololo muneluka kukava Kanyungi na Muka-Kunyunga myonyo yeni.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

Yunda 1:1

Mukanda wakutunda kuli Yunda, ngamba ya Yesu Kilistu, ikeye lalo ndolome ya Yakomba. Kuli vaje vavanasana kuli Njambi, vaje vayoya mu cizemo ca Njambi Tate namukunyunga kwa Yesu Kilistu.

Kujombolola 1:1

Mu livulu eli vanasonekamo vyuma vije vyajombolwele Yesu Kilistu. Njambi wamwanene kujomboloka oku ngeci avisholole kuli vangamba va Njambi vije vikalingiwa vwasi-vwasi. Kilistu wajombolwele vyuma evi kuli ngamba yendi Yowano akutuma kangelo kendi kuli ikeye,

Kujombolola 1:20

Eci cikeco kulumbunuka kwa cisin̄iko ca vingongonosi vitanu na vivali vije unamono mu livoko lyange lya cilyo, na vitumbikilo vya vindeya vya ngolinde vitanu na vivali, vingongonosi vitanu na vivali vinapu tungelo va vije vikungulukilo vitanu na vivali, co vitumbikilo vya vindeya vitanu na vivali vinapu vije vikungulukilo vitanu na vivali.”

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.

Kujombolola 2:12

“Kuli kangelo wa ku cikungulukilo ca mu Pelengamu soneka ngwove, “Eli likelyo lijwi lyatundu kuli uje ali na moko ya mukwale ya vuvela kuvali.

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.

Kujombolola 22:9

Oloni ikeye wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni vaka-kwimanena na voshe vaje vononoka majwi a mu livulu eli. Lemesa Njambi!”