Filimoni 1:17 - Livulu lya Shukulu Kalunga

¹⁷ Ngecivene, nga ulinakunjiyongola ngwe njapwa nji mukweni mu vipangi, unapande kumutambula ngwe utambula yange vene.

Filimoni 1:17 Iomraidhean Croise

Mateo 10:40

“Woshe uje amitambula, natambula yange, co woshe uje natambula yange, natambula uje wanjitumine.

Mateo 18:5

Woshe atambula mwanike wamundondo ngwe ou mu lizina lyange, co atambula yange vene.

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Vilinga vya Miluwa 16:15

Co omo vamumbwitikile ikeye na vanu va mu njuvo yendi, co watulanyele ngwendi, “Ijeni mukakale mu njuvo yange nga mwayongola ngweni njinapu njimuka-kukulaela kuli Mwene.” Co watusindiiye ngeci tuye.

2 Kolinte 8:23

Nga vamo vehula ali Tito, ikeye mukwetu, lalo mukwasi wange mutukapangela vipangi vyakumikwasa, co nga vehula ali vandolome vetu vakwavo vaje valinakuya amo nendi, vakevo vanapu vaka-kwimanena vikungulukilo nakunena vumpau kuli Kilistu.

Efeso 3:6

Cisin̄iko cije cinapu eci, ngeci a lijwi lya muzimbu wauvwa vaje kesi vaYunda ololo vali na mutambela amo na vaYunda mu vivezikiso vya Njambi, vakevo vanapu vilyo vya muvila umo nakulipangela mu cikulaeso ca Njambi cije calingile ali Kilistu Yesu.

Filipu 1:7

Simbu yoshe yeni kumwatundile mu mbunge yange! Ngecivene, cinapu cacivwa kuli yange kukala na mbunge yangacije ali yeni voshe. Omwo yeni voshe mu vaka-kupanga amo nange mu vipangi vyananjana Njambi, nambe ololo omo njili mu kamenga nambe lalo omo njapwile wakupatuka mukwamena muzimbu wauvwa nakuukolesa mbe.

1 Timateo 6:2

Vindungo vaje vanakundama kuli vashukulu yavo vaje vanapu vaka-Yesu kesi vavayeluwise omwo vakevo vanapu vakwavo. Mu ngila eyi vene, vanapande kuvapangela mwamuvwa, omwo vaje vavezika ku vipangi vyavo vanapu vaka-kukulaela vaje vavazema. Unapande kulongesa nakwambulula vyuma evi.

Filimoni 1:10

Ngecivene, njikulambelela ali Onesimasi, uje napu munange muli Kilistu, omo njakele mu kamenga njapwile nji ishe mu munzinzime.

Filimoni 1:12

Njilinakumwilwisa kuli yove ololo, co alinakwija amo na mbunge yange.

Filimoni 1:18

Nga wakulingile mwamuvi, nambe kukumuna cuma cimo kuli yove, co cilavele ku likongo lyange.

VaHevelu 3:1

Vakwetu muli Yesu, vaje vasanene Njambi! Yongoleni ali Yesu, uje yatumine Njambi kupwa Muka-kukombelela Wakama kukukulaela kuje tunatava.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

1 Petulu 5:1

Yange, akupwako nange lalo nji mukulunu, njilambelela vakulunu va cikungulukilo akati keni. Njinapu nji mukaleo wa tuyando twa Kilistu, co nange njikatambula mutambela wa vumpau vuje vukasholoka. Njimilambelela ngwange,

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.