Filimoni 1:16 - Livulu lya Shukulu Kalunga

¹⁶ Co ololo ikeye kesi ndungo lalo, oloni ololo natuvakana ndungo, ikeye napu musamba wa cizemo na ndolome muli Kilistu. Oloni ololo ali na mbwase kuli yange! Co akakala na mbwase yakama lalo kuli yove, vyoshe vivali, ndungo na ndolome muli Mwene!

Filimoni 1:16 Iomraidhean Croise

Mateo 23:8

Oloni yeni kuvapandele kumitumbula ngwavo, ‘Mulongisi,’ omwo yeni muli na mulongisi weni umolika, co yeni voshe munapu vasamba kuli umo na mukwavo.

Vilinga vya Miluwa 9:17

Ngecivene, Ananiyasi waile, co wakakovelele mu njuvo muje mwakele Saulu, co wakambekele mavoko endi ali ikeye wendekele ngwendi, “Ndolome yange Saulu, Mwene nanjitumu, Yesu vavenya, uje washolokele kuli yove mu ngila omo wakele nakwija kuno. Nanjitumu ngeci wase kumona lalo, co ushule na Munzinzime Wakujela.”

1 Kolinte 7:22

Omwo ndungo uje ivanasana kuli Mwene napu munu wa Mwene wakupatuka, mu ngila imo vene, uje munu wakupatuka ivanasana kuli Kilistu napu ndungo yendi.

Kolose 3:22

Vindungo, ononokeni kuli vashukulu veni va ano asi mu vyuma vyoshe, kesi lika omo vakevo valinakumikengelela omwo mushaka ngeci vamishangale, oloni cilingeni na mbunge ya lyovwa-ovwa mukukomoka Mwene.

1 Timateo 6:2

Vindungo vaje vanakundama kuli vashukulu yavo vaje vanapu vaka-Yesu kesi vavayeluwise omwo vakevo vanapu vakwavo. Mu ngila eyi vene, vanapande kuvapangela mwamuvwa, omwo vaje vavezika ku vipangi vyavo vanapu vaka-kukulaela vaje vavazema. Unapande kulongesa nakwambulula vyuma evi.

VaHevelu 3:1

Vakwetu muli Yesu, vaje vasanene Njambi! Yongoleni ali Yesu, uje yatumine Njambi kupwa Muka-kukombelela Wakama kukukulaela kuje tunatava.

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.