Filimoni 1:14 - Livulu lya Shukulu Kalunga

¹⁴ Oloni kunjishaka kulinga cuma cakujeneka yove kuzivuka, njishaka yove ucilinge na cizango ca mbunge yove. Ngecivene, kunjasa kulinga cuma cimo kuvanga yove unatava.

Filimoni 1:14 Iomraidhean Croise

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

Myaso 110:3

A litangwa lije ukalwisa vitozi vove, mashwalale vove vakakala na cizango cakulwa. Ngwe mbundu ya mutondo-tondo, vakwenje vove vakaija kuli yove a malundu akujela.

1 Kolinte 9:17

Omwo nga njilinga vipangi vyange ngwe akwangula kwange vavenya, nga njasa kutambula fweto, oloni njilinakupanga ngwe vipangi vyange vije vinanjipande, omwo Njambi nanjikundika cipangi eci.

1 Kolinte 9:7

Kuma mashwalale vakalifwetela vakevo vavenya mu vipangi vyavo vya vushwalale ndi? Nambe ndimi muka uje kesi kulya ku vushuka vwa mikolovozi ya vinyu vwa mu lihya lyendi? Nambe kanyungi muka uje kesi kunwa mavele a ku vimanga vendi?

2 Kolinte 1:24

Kesi ngwe tulinakumisindiya vije munapande kukulaela embwe, omwo yetu twazivuka ngeci yeni munemana mbe mukukulaela. Oloni tulinakupanga amo neni mukumivwaelelesa.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

2 Kolinte 9:5

Ngecivene, njayongola ngeci nga citava njitume vwasi vandolome ava kulutwe lwange ngeci vaminangule mulivwaesele cimweja a vwana vuje vumwakulaesele kwana. Asinoni omo njeta, munavuvwaesa laja, co eci cikamwesa ngeci kuma yeni mulinakwana omwo mulinakushaka kucilinga, kesi ngwe omo valinakumisindiya embwe.

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.