Filimoni 1:10 - Livulu lya Shukulu Kalunga

¹⁰ Ngecivene, njikulambelela ali Onesimasi, uje napu munange muli Kilistu, omo njakele mu kamenga njapwile nji ishe mu munzinzime.

Filimoni 1:10 Iomraidhean Croise

2 Samwele 18:5

Ngecivene, mwene washikile Yowave, na Avishai, na Itai ngwendi, “Omwo ali yange, kesi mukavulumune owo mukwenje Avisalome.” Co Mashwalale voshe vazivileko omo Ndaviti washikile vamyata vendi.

Mako 9:17

Co munalume umo wa akati ka mbunga ije wamukumbulwile ngwendi, “Mulongisi, njinanena munange kuli yove, omwo ali na munzinzime wakujwala, co kasa kwendeka.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

1 Kolinte 4:14

Njinasoneka evi vyuma, kesi ngwe njimizivise shwamwa embwe, oloni kumilongesa ngwe vana vange vanjazema.

1 Kolinte 4:15

Omwo nameme muli na valongisi vakupwa 10,000, muli Yesu, oloni muli na ishweni umolika. Omwo mukuyoya kweni muli na Kilistu Yesu yange njinapu nji ishweni akuminenela Vin̄anda Vyavivwa.

Ngalatiya 4:19

Vana vange va cizemo! Njiilukilamo lalo, ngwe munakazi ali na mushongo wakukita mwana, njilinakuziva cifwa cimo ca mushongo omwo yeni noo cisemwa ca Kilistu vanacipanga muli yeni.

Kolose 4:9

Ikeye njinatumu na Onesimasi, ndolome yetu itwazema wa kulongwa, uje wakundama ku munga yeni. Vakevo vakamileka vyuma vyoshe vyalingiwa kuno.

1 Timateo 1:2

Kuli Timateo, munange wa vushunga mukukulaela. Njambi Tate na Kilistu Yesu Mwene yetu vakwane kutetela na mema ku mbunge na kwoloka.

Tito 1:4

Njilinakusonekela kuli Tito, munange wa vushunga mukukulaela kuje tulinakwo yetu voshe. Njambi Tatetu na Kilistu Yesu Muyoyesi wetu vakwane kutetela na kwoloka.

Filimoni 1:11

A simbu ya kunima kakele na seo kuli yove, oloni ololo ali na seo kuli yove na kuli yange.

Filimoni 1:13

Njashakele ngwange akale nange kuno a simbu ino njili mu kamenga omwo a muzimbu, ngeci anjikwase ainge mu mwela wove.

3 Yowano 1:4

Kukwesi cimo cinjinenela kuvwaelela kutuvakana kuziva ngwavo vana vange valinakuyoya mu vushunga.