Ezela 9:8 - Livulu lya Shukulu Kalunga

⁸ Co ololo mu kasimbu lika, yove Shukulu Kalunga Njambi yetu, unatuzivila mema ku mbunge, watavele vamo vetu kuputumuka ku vunzinda, nakuyoya mwamuvwa mu mwela ou wakujela. Unatupatula ku vunzinda nakutwana mwonyo wauha.

Ezela 9:8 Iomraidhean Croise

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Ezela 9:9

Twapwile tu vinzinda, oloni kuwatusezele mu vunzinda embwe. Yove walingisile vimyene va vaPelesha kutuzivilako mema ku mbunge, nakututava tuyoye mwamuvwa, nakutungulula Njuvo yove Shukulu Kalunga, ije yasiwukile, nakukala mwamuvwa muno mu Yunda na mu Yelusalema.

Nehemiya 1:11

Ngeci ololo Shukulu, tolilila ku lilombelo lya ngamba yove na ku malombelo a vangamba vove, ava vashaka kukusingimika. Vezikisa ngamba yove ku litangwa lya lelo, nakulingisa mwene ngeci anjizivileko mema ku mbunge.” A matangwa aje yange njapwile muka-kwana mwene vinyu.

Nehemiya 9:31

Omwo ngozi yove yakama, kuwavasezele nambe kuvanyongesa. Yove Njambi muka-ngozi na mema ku mbunge!

Yombi 33:30

ikeye muka-kwamena mwonyo wa munu ku mbulu, ngeci amone ceke ca mwonyo.

Myaso 13:3

Yove Shukulu Kalunga Njambi yange, kenga ali yange, njikumbulule. Njiilwisile nzili yange, kesi utave ngeci njitse.

Myaso 13:4

Kesi utave vitozi vange vendeke ngwavo, “Tunamufungulula” Kesi utave ngeci vavwaelele omwo njili mu tuyando.

Myaso 138:7

Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

Myaso 34:5

Vaka-kuyanda vakenga kuli ikeye, co vajolela, kuvakazivi shwamwa.

Myaso 85:6

Tupwise vaka-nzili lalo ngeci yetu vanu vove tujolele muli yove.

Visimo 29:13

Munu wa kuutwa na munu uje ayandesa muka-kuutwa, voshe Shukulu Kalunga ikeye akavaana ceke.

Muka-kwambulula 12:11

Visimutwiya vya vaka-mana vinapu ngwe viti vyakushongomoka vije vivakalikwasesa tunyungi mukutwamenena vimanga, co visimo vyoshe vinapu ngwe vimbambo vyakupameyeya manene. Njambi Kanyungi ketu tuvavoshe ikeye natwana evi visimo.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 14:3

Shukulu Kalunga akahwimisa vanu va Isalele kukukemanga kwavo, na ku tuyando twavo, na ku vipangi vyakukaluwa vije vivavasindiiye kupanga.

Isaya 56:5

asinoni lizina lyove vakalyanuka mu Njuvo yange na akati ka vanu vange simbu yoshe kutuvakana nga wakele na vana va vanalume na ava va vanakazi. Naumo wai akakwivala.”

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 6:13

Nameme nga munu umo asalao akati ka vanu likumi mu lifuti, na ikeye lalo vakamunyongesa, akapwa ngwe cimbundi ca muti wa oke uje vanashinji.” (Cije cimbundi cinemanena vushangumukilo vwavuha vwa vanu va Njambi.)

Njelemiya 42:2

co vendekele kuli yange ngwavo, “Mwane tulingile vije vitukulomba. Tulombelele kuli Shukulu Kalunga Njambi yetu. Tulombelele yetu voshe tunasalao na mwonyo. Twapwile tuvavangi, oloni ololo twasalao lika tuvavandondo, ngwe muwamwena.

Njelemiya 44:14

Naumo wai wa ali vanu va mu Yunda vaje vasaleleo vaile kukakala ku Ingito vakayoya nambe kwiluka ku Yunda, kuje valinakushaka ngeci vakakaleko lalo simbu yakama. Naumo wai akelukako kuvanga vavandondo lika.”

Ezekiyele 14:22

Ngecivene, nga mukasala vamo vakovoka, co vakamena vana vavo, munapande kuvakenga mwamuvwa omo vaija kuli yeni. Kengeni vingila vyavo na vilinga vyavo, co taveni ngeci cihiso cinjilinakunena a Yelusalema cinapu ca vushunga,

Hoziya 6:2

Munima ya matangwa avali nambe atatu, akatwindula, ngeci tukayoye ku mesho endi.

Hambakuke 3:2

Yove Shukulu Kalunga, njazivi lutsimo lwavije walingile, co njinazivi lyova. Linga lalo vyuma vije vyakama viwalingile. Kala na mema ku mbunge nameme uluvala.

Zefaniya 3:12

Mu Yelusalema njikasezamo lika vanu vaka-kulilumbilisa na vaka-kulikeesa, vaje vakaija kuli yange mukuvakwasa.

Zakaliya 10:4

Akati kavo akatunda vaka-kushwana, na vantwama, na vaka-kushika mukushwana vanu vange.

Zakaliya 8:12

Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao.

Zakaliya 8:6

“Eci cikapwa ngwe cuma cacikalu ku miyati ya vanu vange vaje vasaleleo, oloni kucikapu cacikalu kuli yange embwe.

Loma 9:27

Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.

1 Samwele 14:27

Oloni Yonatana kazivileko omo ishe wasingile cisingo ku vanu, ngecivene, wakovelesele ku mako shongo ya mulamu wakwatele mu livoko lyendi, waukovelesele a ngenga ya vuki, co walileko tumo tuvuki. Co aje vene wazivileko mwamuvwa.

1 Samwele 14:29

Yonatana wamukumbulwile ngwendi, “Tate nalingi cuma cakukaluwisa manene vanu vetu! Kengeni, ololo njaziviko mwamuvwa omwo njinalile tumo tuvuki!