Ezela 9:7 - Livulu lya Shukulu Kalunga

⁷ Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Ezela 9:7 Iomraidhean Croise

1 Vimyene 8:47

tolilila ku malombelo a vanu vove. Nga mu lifuti lije vatenguluka nakulombela kuli yove, co valitavela ku vuvi vwavo na ku kupenga-penga kwavo kuvanalingi, co ziva malombelo avo, yove Shukulu Kalunga.

2 Mizimbu 29:6

Vakukulwila vetu kuvakulaelele kuli Shukulu Kalunga Njambi yetu, oloni valingile vyavivi ku mesho endi. Vamusezele nakukengesa nima ku mwela kuje kwakala.

2 Mizimbu 30:7

Kesi mupwe ngwe vakukulwila veni na vavushoko vweni vaIsalele vaje kuvakulaelele kuli Shukulu Kalunga, Njambi yavo. Ikeye wavanyanyamesele visimbu vyavingi ngwe mumunamono.

2 Mizimbu 34:24

ngeci Shukulu Kalunga nendeka majwi awa ngwendi, “Njikanyanyamesa Yelusalema na vanu vamwo voshe, ngwe muvanasoneka mu livulu lije livanalavela mwene.

Ezela 9:13

Nameme muvyalingiwile vyuma vyoshe vije kuli yetu omwo cihiso ca vuvi vwetu, na kupenga-penga kwetu, twazivuka ngeci yove, Njambi yetu, watunyanyamesele kamandondo lika kutuvakana vilinga vyetu vya vuvi, co unatutava ngeci tuyoye.

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Isaya 64:4

Naumo wai wamwene nambe wazivile Njambi wakufwa ngwe yove, uje muka-kulingila vyuma vyakukomokesa kuli vaje vaaka cinyangavili cavo muli yove.

Njelemiya 25:18

Yelusalema na vinganda vyoshe vya mu Yunda, amolika na vimyene vamwo, na vamyata, vanwilemo, ngeci vapwe mambo yakukomokesa nakulisimoka, co vanu vakapangesa lizina lyavo kupwa cisingo, ngwe muje muvali nakulinga na simbu ino.

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Njelemiya 32:32

omwo a vuvi vwoshe vuje vuvanalingi vanu va mu Yunda na vanu va mu Yelusalema, amolika na vimyene vavo, na vantwama, na vaka-kukombelela vavo, na vaka-kwimanena.

Njelemiya 44:22

Ku litangwa lya lelo vene, lifuti lyeni linapu vingundu, naumo wai alimo. Linapu lya vunyengwe, vanu vapangesa lizina lyamwo kupwa cisingo, omwo Shukulu Kalunga kasimpile a vilinga vyeni vya vuvi.

Njelemiya 44:9

Kuma munevala vyuma vya kupenga-penga vyoshe vije vivalingile vakukulwila veni mu vinganda vya mu Yunda, na mu vitapalo vya mu Yelusalema, vije vivalingile vimyene va mu Yunda na mashano vavo, neni, na vanakazi veni?

Mbimbi 5:7

Vakukulwila vetu valingile vuvi, oloni ololo voshe vanatsi, co ololo tulinakuyanda omwo vuvi vwavo.

Ezekiyele 11:9

Njikamitundisa mu nganda nakumyana ku mavoko a vangenzi. Njinamisompela kutsa,

Ezekiyele 39:23

Co miyati vakazivuka ngeci vaIsalele vaile mu vunzinda omwo vuvi vuje vuvavulumwine kuli yange. Yange njavakengesele nima, co njatavele vitozi vavo ngeci vavafungulule nakuvatsiila mu nzita.

Kulava 32:14

Co yeni munengi mu mwela wa vaishweni, cisemwa caciha ca vanu vavavi vaje vashaka kunena vukalu vwa Shukulu Kalunga ali vanu va Isalele.

1 Samwele 12:15

Oloni nga kumutolilila ku majwi a Shukulu Kalunga, co kumwononoka mashiko endi, akamilwisa yeni na mwene yeni.