Ezela 9:6 - Livulu lya Shukulu Kalunga

⁶ Co njendekele ngwange, “Yove Shukulu Njambi, njili na shwamwa manene yakwandula mutwe wange ku mesho ove. Vuvi vwetu vunatumu manene kutuvakana mitwe yetu, vunete na mu melu.

Ezela 9:6 Iomraidhean Croise

Kushangumuka 13:13

Vanu va ku Sondoma vapwile vaka-vuvi, valingile vyuma vyavivi manene ku mesho a Shukulu Kalunga.

1 Vimyene 8:47

tolilila ku malombelo a vanu vove. Nga mu lifuti lije vatenguluka nakulombela kuli yove, co valitavela ku vuvi vwavo na ku kupenga-penga kwavo kuvanalingi, co ziva malombelo avo, yove Shukulu Kalunga.

2 Mizimbu 28:9

Munalume umo lizina lyendi Ondende muka-kwimanena wa Shukulu Kalunga, wakele mu nganda ya Samaliya. Waliwanene na mashwalale va vaIsalele valinakwiluka na vinzinda vavo va vaYunda. Omo vakele nakukovela mu nganda, co wendekele kuli vakevo ngwendi, “Shukulu Kalunga Njambi ya vakukulwila veni naluvala na Yunda ngeci navakundika ku mavoko eni, oloni nazivi kukaluka kweni mumunavatsiilamo.

Ezela 9:13

Nameme muvyalingiwile vyuma vyoshe vije kuli yetu omwo cihiso ca vuvi vwetu, na kupenga-penga kwetu, twazivuka ngeci yove, Njambi yetu, watunyanyamesele kamandondo lika kutuvakana vilinga vyetu vya vuvi, co unatutava ngeci tuyoye.

Ezela 9:15

Yove Shukulu Kalunga Njambi ya Isalele, yove muka-vushunga, yove unatava ngeci yetu tuyoye. Tulitavela mulonga wetu kuli yove, kutwapandele kwimana ku mesho ove.”

Nehemiya 1:6

Shukulu Kalunga, njikenge, co ziva lilombelo lyange, omo njilinakulombela vutsiki na mutanya ali vangamba vove, vanu va Isalele. Njalitavela ngeci yetu, vanu va Isalele, tunalingi vuvi. Vakukulwila vange, nange tunalingi vuvi.

Yombi 40:4

“Kenga, yange iyajo ngeci njikukumbulule? Vikajo vinjikukumbulula? Yange nalumo lwai njikendeka lalo.

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Myaso 38:4

Omwo vuvi vwange vunanjihyana, cihiso cange cinanjihyana kutuvakana nzili yange.

Myaso 38:5

Vimbandu vyange vyavolo vilinakunika, omwo vulema vwange.

Kutuuka 32:31

Co Mosesa lalo welukilile kuli Shukulu Kalunga nakwendeka ngwendi, “Ava vanu vanalingi vuvi vwakukomokesa manene. Vakevo vanamungu njambi wa ngolinde nakumulemesa.

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 59:12

“Shukulu Kalunga, milonga yetu ku mesho ove yaingi manene. Vuvi vwetu vulinakutuhisa. Twavuzivuka.

Njelemiya 3:3

Evi vikevyo viyalikelele nyonzi kunyoka, na nyonzi ya vusuku-mbundu kuyanyokele. Unapu ngwe cikwizi, kuwesi na shwamwa.

Njelemiya 31:19

Twakukengesele nima, oloni twatengulukile. Omo watunyanyamesele, twazivile vusiwa. Co twazivile shwamwa na lyova, omwo a vyuma vya vulema vije vitwalingile omo twapwile tu vakwenje.’

Njelemiya 51:9

Vaje vaka-kwija vakele muje vendekele ngwavo, ‘Tuneseka kusaka Mbambilone, oloni tunonwa. Tuyisezeni twilukeni ku membo etu. Njambi nahisa Mbambilone na nzili yendi yoshe, co nayinyongesa yoshe njwa.’ ”

Njelemiya 6:15

Kuma vazivile shwamwa omwo valingile vyuma vya vunyengwe ndi? Embwe, kuvazivile shwamwa omwo kuvesi kuziva shwamwa. Omo njikavanyanyamesa, co vakawa ngwe muvanau vakwavo, co vakanyonga. Yange Kalunga, njinendekamo.”

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Mbimbi 3:42

“Tunalingi vuvi nakukutengulukila, co yove Shukulu Kalunga, kuwatusambesele embwe.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

VaLevi 26:40

“Oloni nga vatekulwila veni vakalitavela vuvi vwavo, na vuvi vwa vakukulwila vavo, vaje vanjivyanene nakunjitengulukila,

Luka 15:21

Co uje mwana wendekele kuli ikeye ngwendi, ‘Tate, njinalingi vuvi ku mesho a Njambi na ku mesho ove, kunjapandele lalo unjitumbule nji munove.’

Luka 18:13

Oloni muka-kutambula lisimu wemanene kulyala, co kasele nambe kwandula mesho endi kwilu, oloni walipupile a nulo yendi wendekele ngwendi, ‘Njambi, njizivileko mema ku mbunge yange muka-vuvi!’

Loma 6:21

Oloni vikajo mwawaneneo akulinga vyuma vije ololo mulinakuvizivila shwamwa? Fweto ya vyuma vije inapu kutsa!

Kujombolola 18:5

Omwo vuvi vwendi vunatumu vunete na mwilu, co Njambi nanuka vingila vyendi vya kupenga-penga.