Ezela 9:3 - Livulu lya Shukulu Kalunga

³ Omo njazivile vyuma evi, co njatavozwele vuzalo vwange mukuviilila, njatetele vin̄ambu vya ku mutwe wange na munjezi wange, njazivile vusiwa, co njatumbamene asi.

Ezela 9:3 Iomraidhean Croise

2 Samwele 1:11

Ndaviti watavwile vuzalo vwendi mukuviilila, co vanu vendi lalo voshe vatavozwele vuzalo vwavo.

2 Vimyene 18:37

Co Elyakime na Shevana na Yowahe vatavozwele vuzalo vwavo mukuviilila, co valekele mwene vije vyendekele Lambashake mwata wa vaAsilya.

Nehemiya 1:4

Omo njazivile vyoshe evi, njatumbamene asi nakulila. Njalilile matangwa amangi kujeneka kulya. Co njalombelele kuli Njambi ngwange,

Nehemiya 13:25

Co njaluvalele na vaje vanalume, nakuvasinga, nakuvapupa, nakuvashutozola vin̄ambu vyavo. Njavasindiiye kulisinga mu lizina lya Njambi ngeci kesi vakelukilemo lalo vakevo nambe vana vavo kulyambatela na vaka-kwija.

Yombi 1:20

Yombi wakatukile watavwile vuzalo vwendi mukuviilila. Co watewile ku mutwe wendi, walyumbilile asi nakulemesa Shukulu Kalunga.

Myaso 119:53

Njikaluvala manene omo njimona vaka-vuvi kuvononoka mashiko ove,

Myaso 143:4

Ngecivene, mwonyo wange unazeye, na mbunge yange lalo inaombwa.

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Isaya 15:2

Vanu va ku Ndimboni vanalamata a lilundu kukalilila ku tuzangu twavo. Vanu va ku Mowavi valilila vinganda vya Nembo na Mendeva, vanateula mitwe yavo na minjezi yavo mukumwesa kuviilila kwavo.

Njelemiya 36:24

Oloni nambe mwene, nambe umo wa ali vamyata vendi uje wazivile vyoshe vije vasonekele muje mu livulu, kuvazivila lyova nambe kumwesa cimweso cimo ca vusiwa.

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Ezekiyele 3:15

Ngecivene, njetele ku Tele Avive ku Ndonga ya Kevale, kuje kuvakele vaje vakele mu vunzinda, co njakele kuje matangwa atanu na avali, njalikasamenene manene a vyuma vije njamwene nakuziva.

Ezekiyele 7:18

Vakazala vikeleya, co mivila yoshe ikajaja. Mitwe yavo ikapwa yakuteula, co voshe vakaziva shwamwa.

Ndanyele 4:19

Ngecivene, Ndanyele, uje vatumbwile lalo Mbeletesezale walikomokelele ngeci kasele kwendeka cuma cimo. Co mwene wendekele kuli ikeye ngwendi, “Mbeletesezale, kesi utave njozi eyi ikukomokese embwe.” Co Mbeletesezale wakumbulwile ngwendi, “Yove shukulu, nga citava njozi eyi na muje muyinalumbunukila inapande kukundama kuli vitozi vove kesi kuli yove.

Ndanyele 8:27

Co yange Ndanyele, njazeyele manene nakuvinja matangwa amo. Asinoni njendukile, co njapangele vipangi vya mwene vije vyanjikundikile, oloni njalikomokelele a cimona cije kunjasele kucizivisisa.

VaLevi 21:5

“Vaka-kukombelela kuvapandele kuteula ku mitwe yavo, nambe kukamba minjezi yavo, nambe kucata vinyato a mivila yavo kumwesa ngeci vali mu vusiwa embwe.

Mika 1:16

Vanu va ku Yunda, teuleni vin̄ambu vyeni a simbu ya vusiwa a vanike vamwazema. Liteuleni mandya ngwe makuvi, omwo vana veni vakavatundisa kuli yeni nakuvatwala mu vunzinda.

Yoshwa 7:6

Ngecivene, Yoshwa na vantwama va Isalele vatavwile vuzalo vwavo mukuviilila, co valyumbilile asi kulutwe lwa Cikasa ca Cikumiiyo ca Shukulu Kalunga. Valishuwilile lito ku mitwe yavo kumwesa vusiwa vwavo, co vakele kuje noo cingwezi.