Ezela 8:34 - Livulu lya Shukulu Kalunga

³⁴ Vyuma vyoshe vavilavele nakuvipeselesa, co vavisonekele simbu ije vene.

Ezela 8:34 Iomraidhean Croise

Ezela 8:29

Vinyungeni mwamuvwa noo muketa ku Njuvo ya Shukulu Kalunga mu Yelusalema. Co kuje ku Yelusalema mu mulili wa vaka-kukombelela, vipeseleseni, co vyaneni kuli vakulunu va vaka-kukombelela, na vakulunu va vaLevi, na kuli vantwama va vanu va Isalele.”

Ezela 8:33

Asinoni a litangwa lyamuciwana twaile ku Njuvo ya Shukulu Kalunga, twapeselesele siliva, na ngolinde, na vivala, co twavyanene kuli Melemote muka-kukombelela, muna Uliya. Ikeye wakele amo na Elyazale muna Finehase na vaLevi vavali, mazina avo, Yozavande muna Njeshuwa, na Noandiya muna Mbinui.

Ezela 8:35

Vanu voshe vaje velukile kutunda ku vunzinda vakombelelele vin̄ombelo vyavo vya kwenyeka kuli Njambi ya Isalele. Co vakombelelele vingombe va nkomba likumi na vavali ali Isalele yoshe, na majamba a vimanga makumi atanu na awana na atanu na limo, na vana va vimanga makumi atanu na avali na vatanu na vavali, co lalo vakombelelele vimembe likumi na vavali mukulijelesa ku vuvi. Vimuna voshe ava vavenyekele kupwa n̄ombelo ya kwenyeka kuli Shukulu Kalunga.