Ezela 8:22 - Livulu lya Shukulu Kalunga

²² Njakele na shwamwa yakulomba kuli mwene mbunga ya mashwalale ngeci vatunyunge ku vitozi mu vungenzi vwetu, omwo njamulekele ngwange Njambi yetu avezikisa munu woshe uje amukulaela, oloni akaluvala nakuhisa munu woshe uje amukengesa nima.

Ezela 8:22 Iomraidhean Croise

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 16:9

Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

Ezela 7:28

Omwo mema ku mbunge a Njambi njinawana ngozi ku mesho a mwene, na kuli vamyata vendi, na kuli vantwama vendi voshe va nzili, Shukulu Kalunga Njambi yange nanjisimpisa, co njinasa kusindiya vakulunu vavangi va vikota vya Isalele kwiluka amo nange ku Yelusalema.”

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Ezela 7:9

Omwo kukwasa kwa Njambi, vetele ku Yelusalema a litangwa lyakulivanga lya ngonde yamucitanu.

Ezela 8:31

Twatundile ku Ndonga ya Ahava ku litangwa lyamulikumi na avali ku ngonde yakulivanga akuya ku Yelusalema. Njambi yetu wakele amo netu, co watunyungile ku vitozi na kuli vaka-kutuvandamena mu ngila omo twakele nakwenda.

Nehemiya 2:9

Mwene watumine vamyata va nzita, na vaka-kwenda a tuvalu kuya amo nange, co njaile vungenzi vwa mu Kangombe ka Yambi ka Yufuleti. Co kuje njaanene vanguvulu mikanda ije yatundile kuli mwene.

Myaso 20:8

Vanu vangacije vakatanuka nakuwila asi, oloni yetu tukenduka nakwimana mbe!

Myaso 34:22

Shukulu Kalunga amena myonyo ya vangamba vendi, naumo wai atewela muli ikeye vakamuhise.

Myaso 90:11

Iyajo azivuka nzili ya vukalu vwove? Vukalu vwove vwapwa vwakama, ngwe lyova lije tukakuzivila.

Mbimbi 3:25

Shukulu Kalunga wapwa wamuvwa kuli voshe vaje vamukulaela,

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

1 Kolinte 9:15

Oloni kunjapangesele moko yange a vyuma evi embwe, nambe kunjesi nakusoneka evi ololo ngeci njilombe kukala na moko eyi. Mwamuvwa nga njinatsile akulivanga! Naumo wai atengulula moko yakulishasha kwange mu majwi amupulungwa!

2 Kolinte 7:14

Co njalishashele manene kuli ikeye ali yeni, co yeni kumwanjizivisile shwamwa. Yetu simbu yoshe tunendeka vushunga ali yeni, co mu ngila eyi vene, kulishashela kwetu ali Tito cinasholoka ca vushunga.

VaHevelu 10:38

Oloni vanu vange vaka-vushunga vakakulaela, co vakayoya, oloni nga umo wavo eluka munima, co kunjikavwaelela nendi.”

Yoshwa 22:16

“Omwo vikajo munalingila vuvi vwa ngacije kuli Njambi ya Isalele? Munatengulukila Shukulu Kalunga akuvyana kumukava akulitungila mutula ou yeni vavenya!

Yoshwa 23:16

Nga kumukanyungu cikumiiyo ca Shukulu Kalunga Njambi yeni cije camishikile, co nga mukapangela nakulemesa vinjambi veka nakuvatsikamena, vukalu vwa Shukulu Kalunga vukaija ali yeni, co mukanyonga vwasi mu lifuti lije lyalivwa lyanamyana.”

1 Petulu 3:12

Omwo Mwene akakenge ali vaka-vushunga, co akazivi malombelo avo, oloni akayeluwisa vaje vaka-kulinga vuvi.”