Ezela 8:21 - Livulu lya Shukulu Kalunga

²¹ Co kuje vene ku ndonga ya Ahava njaanene mashiko kuli yetu voshe, akulikela kulya na kulikeesa ku mesho a Njambi yetu, nakumulomba ngeci atutwamenene ku vungenzi vwetu nakutunyunga yetu, na vana vetu, na vufuko vwetu vwoshe.

Ezela 8:21 Iomraidhean Croise

2 Mizimbu 20:3

Njosefati wajajele manene, co walombelele kuli Shukulu Kalunga ngeci amutwamenene. Washikile lifuti lyoshe lya Yunda ngeci valikele kulya.

2 Mizimbu 20:4

Vanu va mu Yunda valikungulwile amo vatundile mu vinganda vyoshe vya mu Yelusalema vehwile Shukulu Kalunga ngeci avatwamenene,

Ezela 8:15

Njakungulwile mbunga ku ndonga yakuya ku nganda ya Ahava, twavandamene kuje matangwa atatu. Co omo njakengezekele-kengezekele mu mbunga, njawanenemo lika vaka-kukombelela, oloni vaLevi vai.

Ezela 8:31

Twatundile ku Ndonga ya Ahava ku litangwa lyamulikumi na avali ku ngonde yakulivanga akuya ku Yelusalema. Njambi yetu wakele amo netu, co watunyungile ku vitozi na kuli vaka-kutuvandamena mu ngila omo twakele nakwenda.

Nehemiya 9:1

A litangwa lyamumakumi avali na matangwa awana, mu ngonde ije vene vanu va Isalele valikungulwile nakuzila kulya mukumwesa vusiwa omwo vivi vyavo.

Esita 4:16

“Kungulula vaYunda voshe amolika mu Susa, co likeleni kulya nakunjilombelelako. Kesi mulye nambe kunwa cuma cimo a matangwa atatu mutanya na vutsiki embwe. Co vangamba vange va vambanda amolika nange tukalinga cuma cimo. Co munima yevi, njikaya kuli mwene, nameme kesi mukemwo munayi mashiko. Nga njikatsa akulinga cuma eci, co njinapande kutsa vene.”

Myaso 137:1

Twatumbamene asi ku vindonga vya Mbambilone, co twalilile omo twanukile Siyone.

Myaso 5:8

Shukulu Kalunga, njitwamenene mu vushunga vwove, omwo ya vitozi vange, njishungamesele ngila yove ngeci njiikavangeye!

Myaso 5:9

Vitozi vange kuvesi kwendeka vushunga, mukuyoya kwavo kwoshe vashakezeka lika kunyongesa vanu, vimbunge vyavo vinashulu na makuli, co vakaseveleka vanu na majwi a vungumba.

Myaso 8:2

vimbututu na vanike valinakuvwimba. Unovoka ku vitozi vove voshe, uvindika woshe uje akuyeluwisa.

Visimo 3:6

Simbu yoshe tava Shukulu Kalunga ngeci akutwamenene, co akakumwesa vingila vya vushunga.

Isaya 30:21

Nga mutengulukila ku cilyo nambe ku cimoshwe, co mukaziva lijwi lyendi ngwalyo, “Ngila eyi yenimo.”

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Isaya 42:16

“Njikatwamenena tupuputwa twange mu vitapalo vije kuvendele. Njikatengulula lisusulungu lyavo kupwa ceke, njikavavwaesela lifuti lije lya minkinda nakulipwisa lyakulambasa. Evi vikevyo vikulaeso vyange, co njikavanyunga, kunjikajuka embwe.

Isaya 49:10

kuvakakala na njala nambe na lihwila. Litanya na ntwima ya mu mambo kuvikavayandesa, uje wavazema akavatwamenena ku masima a tuvwelu-vwelu.

Isaya 58:3

Vanu vehula ngwavo, “Omwo vikajo tunapande kulikela kulya nga Shukulu Kalunga kacizivukile? Omwo vikajo tunapande kujeneka kukala na vyakulya nga ikeye kombuko mbunge?” Shukulu Kalunga alinakwendeka kuli vakevo ngwendi, “Vushunga vukevwo ovu, a simbu ije mulikela kulya, mulinakuungumuka na mashungu eni vavenya nakuyandesa vaka-kumipangela.

Isaya 58:5

Omo mulikela, mulinakuliyandesa lika yeni vavenya, akukulamesa manene mitwe yeni ngwe muti wakujendama, nambe akuzala cikeleya nakutumbama mu lito. Oku kukekwo mutumbula ngweni kulikela kulya ndi? Kuma muyongola ngweni njikasa kuvwaelela na vyuma evi ndi?

Njelemiya 10:23

Shukulu Kalunga, njazivuka ngeci munu ikeye vavenya na mana endi kasa kwangula ngila yaivwa ngeci endemo, munu ikeye vavenya kesi na nzili yakwenda mwoshe mwashakela.

Njelemiya 42:3

Lombela ngeci Shukulu Kalunga Njambi yetu, atumwese ngila itunapande kuya, na vije vitunapande kulinga.”

Ndanyele 9:3

Co njalombelele manene kuli Shukulu Kalunga Njambi, nakulambelela kuli ikeye, nakulikela kulya, co njazalele cikeleya, nakutumbama mu lito.

Njwele 1:14

Shikeni lishiko lyakulikela kulya, co saneni mbunga yoshe ya vanu! Kungulwileni vantwama na vanu voshe va mu Yunda mu Njuvo ya Shukulu Kalunga Njambi yeni nakulilila kuli ikeye!

VaLevi 16:29

“Eli likelyo lishiko munapande kunyunga simbu yoshe ya kulutwe. A litangwa lyamulikumi ku ngonde yamucitanu na vivali, vaIsalele na vaka-kwija, vaje valinakukala akati keni, vanapande kulikela kulya*. Co lalo kuvapandele kupanga cipangi cimo embwe,

VaLevi 16:31

Litangwa lije linapu litangwa lyakujela, likelyo mukalikela kulya nakupanga. Lishiko eli munapande kulinyunga ku simbu yoshe ya kulutwe.

VaLevi 23:29

Woshe uje akalya cuma cimo a litangwa lije, kuvakamulava lalo kupwa umo wa vanu va Njambi.

Yona 3:5

Co vanu vaka-Nenevayi vakulaelele lijwi lya Njambi, co vayongwele ngeci munu na munu napande kulikela kulya. Ngecivene, vanu voshe kushangumukila ku wakama nakweta ku wamundondo, vazalele vikeleya mukumwesa ngeci kuma vanatenguluka.

Yona 3:7

Asinoni wambulwile kuli vanu voshe va mu Nenevayi ngwendi, “Eli likelyo lishiko linatundu kuli mwene na vamyata vendi ngwavo, ‘Naumo wai alya cuma. Vanu voshe na vingombe na vimanga, vavavindike kulya nameme kunwa.

Kulava 14:3

Omwo vikajo Shukulu Kalunga natunenela muno mu lifuti ngeci tutse ku nzita? Vanakazi vetu na vana vetu vakavafungulula. Kuma kutwasa kwiluka ku Ingito ndi?”

Kulava 14:31

Yeni mwendekele ngweni vana veni vakavafungulula, oloni yange njikavatwala mu lifuti lije limwavyanene, co likelyo likapwa lifuti lyavo.

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Maako 20:26

Asinoni vanu voshe va Isalele valamatele ku Mbetele nakukalililako. Co kuje vakatumbamene ku mesho a Shukulu Kalunga, kujeneka kulya a litangwa lije noo ku cingwezi. Co vakombelelele vin̄ombelo vya kulitombola, na vin̄ombelo vimo vya kwenyeka vyamutunu vyoshe ku mesho a Shukulu Kalunga.

1 Samwele 7:6

Co voshe vakungulukilile ku Mizipa. Vatekwile mema nakuwetila kupwa n̄ombelo kuli Shukulu Kalunga, co valikelele kulya litangwa lyoshe lyamutunu. Co vendekele ngwavo, “Tunalingi vuvi ku mesho a Njambi.” Ngecivene, Samwele waakwilile vanu va Isalele ku Mizipa.