Ezela 7:5 - Livulu lya Shukulu Kalunga

⁵ Mbuki wapwile muna Avishwa, Avishwa wapwile muna Finehase, Finehase wapwile muna Elyazale, Elyazale wapwile muna Alone Muka-kukombelela Wakama.

Ezela 7:5 Iomraidhean Croise

1 Mizimbu 6:4

Vatekulwila va Elyazale kutunda ku cisemwa cimo nakweta ku cisemwa cikwavo vakevo ava, Finehase, na Avishwa,

2 Mizimbu 19:11

Amaliya Muka-kukombelela Wakama ikeye akasompa vin̄anda vyoshe vya vuNjambi, co mwata wa mu Yunda Zevandiya muna Ishimela, nguvulu wa mu Yunda, ikeye akasompa vin̄anda vyoshe vya cisemwa. Co vaLevi vakevo vakamikwasa. Pweni vakusimpa, nyungeni vilongesa evi, co Shukulu Kalunga akale na vaje valinga vushunga!”

2 Mizimbu 26:20

Co Azaliya na vakwavo vaka-kukombelela vakengele a luholo lwa mwene, co valikomokelele manene, vamutuwisile vwasi mu Njuvo ya Shukulu Kalunga. Co nendi watuukilemo vwasi, omwo Shukulu Kalunga wamuhisile.

Ezela 7:4

Melayote wapwile muna Zelahiya, Zelahiya wapwile muna Uzi, Uzi wapwile muna Mbuki,

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Kutuuka 6:25

Elyazale muna Alone wambatele umo wa ku vana va Putiyele va vanakazi, co wakitilileko Finehase. Ava vakevo vakulunu va naanga ya Levi ngwe ku cikota na cikota cavo.

VaLevi 10:12

Co Mosesa wendekele kuli Alone, na kuli Elyazale, na Itamale vana vendi vavali vaje vasaleleo ngwendi, “Twaleni mulambu wa vimbuto vya vinona uje wasalele ku vyakulya vakombelelele kuli Shukulu Kalunga, co vilyeni vyakujeneka musima, vilileni kumukulo wa mutula, omwo n̄ombelo eyi inapu yakujela manene.

VaLevi 10:16

Co Mosesa wehwile a membe wa n̄ombelo ya a vuvi, wawanene ngeci vanamwenyeka laja. Co waluvalele manene na Elyazale, na Itamale, wavehwile ngwendi,

VaLevi 10:6

Asinoni Mosesa wendekele kuli Alone, na kuli vana vendi, Elyazale, na Itamale ngwendi, “Kesi mulikele kusakula vin̄ambu vyeni, co lalo kesi mutavule vuzalo vweni mukumwesa ngeci mulinakulila embwe. Nga yeni mulingamo, co mukatsa, Shukulu Kalunga akaluvala na mbunga yoshe. Oloni vavushoko vweni vaIsalele voshe vanavatavesa kulila a kutsa oku kunalingiwa na tuhya tuje Shukulu Kalunga watumine.

Kulava 27:2

Co vana va Zelofehande vaile nakwimana ku cikolo ca Mbalaka Mwakuliwanena ku mesho a Mosesa na Elyazale muka-kukombelela, na kuli vantwama, na ku mbunga yoshe ngwavo,

Kulava 3:32

Co mukulunu wa vaLevi wapwile Elyazale muna Alone muka-kukombelela. Ikeye wakele na moko ali vaje vakele nakupanga mu Mwela Wakujela.

Kulava 31:31

Ngecivene, Mosesa na Elyazale muka-kukombelela valingile ngwe muje mwavashikile Shukulu Kalunga.

Kulava 31:54

Ngecivene, Mosesa, na Elyazale muka-kukombelela vambatele ngolinde nakuyitwala ku Mbalaka Mwakuliwanena ngeci Shukulu Kalunga anyunge vanu vaIsalele.

Kulava 31:6

Mosesa wavatumine ku nzita amo na muka-kushika Finehase muna Elyazale muka-kukombelela. Finehase ikeye wambatele vivala vyakujela, amo na malupembo akwimba kashashutwiya.

VaHevelu 5:4

Naumo wai walyangwile ikeye vavenya kupwa Muka-kukombelela Wakama na kasingimiko kuvanga vamusane kuli Njambi ngeci munu apwe Muka-kukombelela Wakama ngwe muvasanene Alone.

Yoshwa 14:1

Eyi ikeyo mitambela ivatambwile vaIsalele mu lifuti lya Kanana kupwa vushwana vwavo. Elyazale muka-kukombelela, na Yoshwa muna Nune, na vantwama va vikota vya miyati ya vaIsalele vakevo vavapangezeleleyo.

Yoshwa 22:13

Co vanu va Isalele vatumine Finehase muna Elyazale muka-kukombelela kuli vanu va miyati ya Luvena, na Ngande na litambelo lya Manase wa mu Ngangela mu lifuti lya Ngilyande.

Yoshwa 22:31

Co Finehase, muna Elyazale muka-kukombelela, wendekele kuli vakevo ngwendi, “Litangwa lya lelo tunazivuka ngeci kuma Shukulu Kalunga ali amo netu. Omwo kumwamutengulukilile embwe, ngecivene, munamena vanu va Isalele ku cihiso ca Shukulu Kalunga.”

Yoshwa 24:33

Co Elyazale muna Alone watsile, vamutsindile ku Ngimbeya, nganda ije yakele mu lifuti lya malundu lya Efalime lije livaanene kuli munendi Finehase.

Maako 20:28

Finehase muna Elyazale, muna Alone, ikeye wapwile muka-kucinyunga a matangwa aje, vehwile ngwavo, “Tunapande kuya nakukalwisa vandolome vetu vaMbenjemani lalo, indi tulikele?” Co Shukulu Kalunga wendekele ngwendi, “Yeni mukalwe navo, imene njikavakundika ku mavoko eni.”