Ezela 7:16 - Livulu lya Shukulu Kalunga

¹⁶ Co lalo unapande kwambata siliva na ngolinde yoshe ije imunalambula mu lifuti lya Mbambilone na milambu ije ivakana vanu va Isalele na vaka-kukombelela vavo ku Njuvo ya Shukulu Kalunga Njambi yavo mu Yelusalema.

Ezela 7:16 Iomraidhean Croise

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

1 Mizimbu 29:6

Asinoni vakulunu va vikota, na vamyata va miyati, na vaka-kushika nzita, na vaka-kwendesa vipangi vya mwene valyanene vakevo vavenya kwana vwana,

1 Mizimbu 29:9

Co vanu vaanene na cizango kuli Shukulu Kalunga, cavavwasele manene akumona ngeci vanana vyavingi. Co mwene Ndaviti lalo nendi wavwaelelele manene.

2 Mizimbu 31:14

Co Kole muna Imena, kaLevi ikeye wapwile muka-kunyunga ku Cikolo ca mu Ngangela ku Njuvo ya Shukulu Kalunga, ikeye wapwile mukulunu wakumona milambu ije ivaanene kuli Shukulu Kalunga nakuyipangazela.

2 Mizimbu 6:2

Ololo Shukulu njinakutungila Njuvo, mu mwela uje wasa kukala myaka yoshe.”

2 Mizimbu 6:5

‘Tunde a litangwa lije njatundisile vanu vange mu Ingito, kunjangwile nganda imo mu lifuti lyoshe lya Isalele ngeci vase kutungilamo Njuvo mwakunjilemesela, co kunjangwile munu umo ngeci atwamenene vanu vange va Isalele embwe.

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

Ezela 1:4

Nga vanu vendi vamo vaje vali mu vunzinda vashaka vukwasi ngeci veluke, co vandambo vavo vanapande kuvakwasa siliva, na ngolinde, na vivala, na vimuna vakwambata vivala, na vin̄ombelo vya kulitombola vya mu Njuvo ya Shukulu Kalunga Njambi ili mu Yelusalema.”

Ezela 1:6

Vandambo vavo voshe vavakwasele, co vavaanene vyuma vyavingi, malonga a siliva, na ngolinde, na vivala, na vimuna vakwambata vivala, na vyuma vikwavo lalo vya seo, na vin̄ombelo vya mu Njuvo ya Shukulu Kalunga.

Myaso 135:21

Shangazaleni Shukulu Kalunga mu Siyone na mu Yelusalema mwimbo lyendi. Shangazaleni Shukulu Kalunga!

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.