Ezela 6:21 - Livulu lya Shukulu Kalunga

²¹ Co vin̄ombelo vyoshe vavilile kuli vaIsalele voshe vaje velukile kutunda ku vunzinda, na vaje voshe vombilile vingila vya vaje vaka-kujeneka kukulaela, vaje vakele mu lifuti, oloni vezile nakulemesa Shukulu Kalunga Njambi ya Isalele.

Ezela 6:21 Iomraidhean Croise

2 Mizimbu 30:19

“Yove Shukulu Kalunga, Njambi ya vakukulwila vetu, vasambese vaje valinakukulemesa na vimbunge vyavo vyoshe, nameme kuvajelele.”

Ezela 9:1

Omo vyoshe evi vinahu, vantwama vamo va vanu va Isalele vezile nakunjileka ngwavo vanu va Isalele, na vaka-kukombelela, na vaLevi kuvalyangunukile na vanu va mu mafuti a Amoni, na Mowavi, na Ingito, nambe na vaKanana, na vaHiti, na vaPelezi, na vaNjevushi, na vaAmoli. Vakele nakulinga vyuma vya vunyengwe ngwe vije vivalingile vanu vaje.

Ezela 9:11

aje watwanene ali vangamba vove, vaka-kwimanena. Vatulekele ngwavo mu lifuti muje mutukakala mwapwa mwakujwala, omwo vanu vaje vatungamo, vashulisa lije lifuti na vilinga vya vunyengwe na mazilo, kutunda ku shongo imo, kweta na ku shongo ikwavo.

Nehemiya 10:28

Yetu vanu va Isalele, na vaka-kukombelela, na vaLevi, na vaka-kunyunga Njuvo ya Shukulu Kalunga, na vaka-kwimba mu Njuvo ya Shukulu Kalunga, na vaka-kupanga mu Njuvo ya Shukulu Kalunga, na voshe veka vaje vanononoka Mashiko a Njambi nakulyangunuka na vaka-kwija vaje vali mu lifuti lyetu, amo na vanakazi vetu, na vana vetu voshe vaje vanakolo mukuzivisisa vyuma,

Nehemiya 9:2

Vakevo valyangunukile laja na vaka-kwija voshe. Vazalele vikeleya nakulishuwila livu ku mitwe yavo kupwa cimweso cakuviilila. Asinoni vemanene nakulitavela vivi vije vivalingile vakevo na vakukulwila vavo.

Myaso 93:5

Shukulu Kalunga, mashiko ove akala ku myaka yoshe, mwa vushunga Njuvo yove yapwa yakujela ku myaka yoshe.

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.