Ezela 6:16 - Livulu lya Shukulu Kalunga

¹⁶ Asinoni vanu va Isalele, na vaka-kukombelela, na vaLevi, na vanu voshe veka vaje velukile kutunda ku vunzinda, vajolelele akukundika Njuvo ya Shukulu Kalunga.

Ezela 6:16 Iomraidhean Croise

1 Vimyene 8:62

Asinoni Mwene Solomoni na vanu vendi voshe vakombelelele vin̄ombelo kuli Shukulu Kalunga.

1 Vimyene 8:63

Wakombelelele vingombe vakupwa 22,000, na vimanga vakupwa 120,000 kupwa milambu ya kulitombola. Ngecivene, mwene na vanu voshe vakundikile Njuvo ya Shukulu Kalunga.

1 Mizimbu 15:28

Ngecivene, vaIsalele voshe vatwalele Cikasa ca Cikumiiyo ku Yelusalema na tuwelele twakuvwaelela, nakwoya kwa malupembo, na vimbinga, na vingenjo, na myaso ya a tulyalya.

1 Mizimbu 9:2

Co vakulivanga kwiluka ku vufuko vwavo na mu vinganda vyavo vapwile vaIsalele, na vaka-kukombelela, na vaLevi, na vaka-kupanga mu Njuvo ya Shukulu Kalunga.

2 Mizimbu 29:30

Co mwene na vantwama valekele vaLevi kwimbila Shukulu Kalunga myaso yakumushangazala ije yasonekele Ndaviti na Asafe muka-kwimanena. Ngecivene, munu na munu wembile nakujolela manene omo vatsikamene a mavuli nakulemesa Njambi.

2 Mizimbu 30:23

co voshe vaje vakungulukilile kuje vayongwele ngeci vaakeleko lalo matangwa atanu na avali. Ngecivene, valisambele nakujolela.

2 Mizimbu 30:26

Co mu nganda ya Yelusalema mwakele kujolela, omwo kukwakele cuma cimo calingiwilemo cakulifwa neci tunde a simbu ya Mwene Solomoni muna Ndaviti.

2 Mizimbu 7:5

Wakombelelele vingombe vakupwa 22,000, na vimanga vakupwa 120,000 kupwa milambu ya kulitombola. Ngecivene, mwene na vanu voshe vakundikile Njuvo ya Shukulu Kalunga.

Ezela 4:1

Omo vitozi va vanu va Yunda na vanu va Mbenjemani vazivile ngeci vinzinda vaje vaneluka valinakutungulula Njuvo ya Shukulu Kalunga, Njambi ya Isalele,

Ezela 6:22

A matangwa atanu na avali vajolelele nakulisamba a Ciwano ca Makende Akujeneka Musima. Vajolelele manene omwo Shukulu Kalunga walingisile mwene wa Asilya kukala na mema ku mbunge ali vakevo, ngeci wavakwasele ku vipangi vyavo vyakutungulula Njuvo ya Shukulu Kalunga Njambi ya Isalele.

Nehemiya 12:27

Omo vakundikile civumbe ca nganda ya Yelusalema, co vakashakele vaLevi kwoshe kuje kuvakele, ngeci navo vakulipandakane mukulisamba, akukundika nakwimba myaso ya cikandelela, na vingenjo, na tulyalya, na visanzi.

Nehemiya 12:43

A litangwa lije vakombelelele vin̄ombelo vyavingi, co vanu vajolelele manene, omwo Njambi wavavwaelelesele manene. Vanakazi na vanike valipandakanene mukulisamba, valingile muyoyo wakama uje vasele kuuziva kulyala manene.

Nehemiya 7:73

Vaka-kukombelela, na vaLevi, na vaka-kunyunga ku Njuvo ya Shukulu Kalunga, na vaka-kwimba, na vungi vwa vanu ngoco, na vaka-kupanga ku Njuvo ya Shukulu Kalunga, na vanu va Isalele, voshe ava vatungile mu vindandanga na mu vinganda vya mu Yunda.

Nehemiya 8:10

Yeni ku vinjuvo vyeni mukalinge ciwano. Lipangeleni vyakulya vyeni na vinyu na vaje vanajeneka. Litangwa lya lelo linapu lyakujela kuli Shukulu Kalunga ketu, ngecivene, kesi mukale na vusiwa. Kujolela kwa Shukulu Kalunga kukamitakamesa.”

Myaso 122:1

Njavwaelelele manene omo vanjilekele ngwavo, “Tuyeni ku Njuvo ya Shukulu Kalunga!”

Ndanyele 5:13

Ngecivene, vanenele Ndanyele ku mesho a mwene. Co mwene wendekele kuli ikeye ngwendi, “Yove vene Ndanyele, cinzinda wa kaYunda uje yanenele tate kuno kutunda ku Yunda ndi?

Yowano 10:22

Yapwile simbu ya cisika, co vanu valisambele Ciwano Cakukundika Njuvo ya Shukulu Kalunga mu Yelusalema.

Kwituluka mu Mashiko 12:7

Yeni na naanga yeni mukalya nakujolela mu vyoshe vimukalinga ku mesho a Shukulu Kalunga Njambi yeni uje namivezikisa.

Filipu 4:4

Joleleni muli Mwene simbu yoshe, njicendekamo lalo ngwange, joleleni!