Ezela 6:1 - Livulu lya Shukulu Kalunga

¹ Ngecivene, Mwene Ndalyuse washikile ngeci vashakezeke mu mavulu a vumwene aje avatulikile mu Mbambilone.

Ezela 6:1 Iomraidhean Croise

Ezela 4:15

ngeci utave kukale kwilula mu mikanda ije ivatulikile vakukulwila vove. Nga ulingamo, co ukawana ngeci nganda eyi visimbu vyoshe yapwa yakutengulukila, co lalo tunde ku visimbu vyalaja ikanena vukalu kuli vimyene na kuli vaka-kushwana va mu mafuti. Vanu vamwo simbu yoshe vapwa vavakalu kuvashwana. Eci cikeco cuma civanyongeselele eyi nganda.

Ezela 4:19

Njashikile ngeci valohwelele, mukemwo vanawana ngeci, tunde ku visimbu vyalaja nganda eyi ya Yelusalema yatengulukilile vimyene, co makuli na vungungu vyakele mu nganda eyi.

Ezela 5:17

“Co ololo, shukulu, nga ushaka, unapande kushakezeka mu mavulu a vumwene aje ali mu Mbambilone ngeci uwane nga Siluse waanene mashiko a Njuvo ya Shukulu Kalunga ya mu Yelusalema ngeci vaitungulule, cooni utuleke cizango cove a vipangi evi.”

Ezela 6:22

A matangwa atanu na avali vajolelele nakulisamba a Ciwano ca Makende Akujeneka Musima. Vajolelele manene omwo Shukulu Kalunga walingisile mwene wa Asilya kukala na mema ku mbunge ali vakevo, ngeci wavakwasele ku vipangi vyavo vyakutungulula Njuvo ya Shukulu Kalunga Njambi ya Isalele.

Ezela 7:13

“Yange njinashiki ngeci mu vumwene vwange vwoshe, vanu va Isalele voshe, na vaka-kukombelela, na vaLevi vaje vali na cizango cakuya amo nove ku Yelusalema vanapande kuya.

Yombi 29:16

Njapwile ngwe nji ishe ya tuutu, co njakwasele vangenzi vaje vakele mu tuyando.

Myaso 40:7

co njakumbulwile ngwange, “Yange uno, kulikundika kwange kuli yove vanacisoneka mu livulu lyove.

Visimo 25:2

Tusingimika Njambi a vyuma vije vyakushweka, tusingimika vimyene akutunungulwila vyuma vije vyakushweka.

Njelemiya 36:29

Shukulu Kalunga wanjilekele kwendeka kuli mwene ngwange, “Unenyeka livulu, co unehula Njelemiya ngwove omwo vikajo wasonekele ngwove mwene wa Mbambilone akaija nakunyongesa eli lifuti, nakutsiya vanu vamwo na tusitu vamwo.

Njelemiya 36:32

Co njanonele lalo livulu likwavo nakulyana kuli muka-kusoneka wange Mbaluke, co wasonekele lalo vyuma vyoshe vije njendekele. Co wasonekele vyuma vyoshe vije vyakele mu livulu lyakulivanga, na majwi akwavo lalo akulifwa na aje njendekele kuli ikeye.

Ezekiyele 2:9

Njamwene livoko lyakwolola liija kuli yange, lyakwatele livulu lyakuzenga.

Ezekiyele 3:1

Njambi wendekele kuli yange ngwendi, “Muna munu, lya livulu eli lyakuzenga, asina uye ukendeke kuli vanu va Isalele.”

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Kujombolola 5:1

Co njamwene livulu lyakuzenga mu livoko lya cilyo lya uje watumbamene a litanda, lije livasoneka anja na mukati, co valishokele na tusateso tutanu na tuvali.