Ezela 5:3 - Livulu lya Shukulu Kalunga

³ A simbu ije vene Nguvulu Tatenai wa mu Kangombe ka Yambi ka Yufuleti, na Shetale Mbozenai, na vamyata vakwavo vezile ku Yelusalema, vehwile ngwavo, “Iyajo namitavesa kutungulula Njuvo ya Shukulu Kalunga nakumanesa civumbe?”

Ezela 5:3 Iomraidhean Croise

Ezela 1:3

Ngecivene, ololo, yeni voshe vaje munapu vanu va Njambi, yeniko, co Shukulu Kalunga Njambi ya Isalele, Njambi uje ivalemesa mu Yelusalema akale amo neni.

Ezela 4:12

“Yetu tushaka yove shukulu uzivuke ngeci vaYunda vaje vezile kuno kutunda ku mitambela yove yeka, vanatungu mu Yelusalema, co valinakutungulula nganda yaivi, co yapwa yakutengulukila. Vanashangumuka kutungulula vivumbe, co ololo vamanesa.

Ezela 4:9

“Mukanda ou utunda kuli yange nguvulu Lehume, na kuli Shimeshai muka-kusoneka wa lifuti, amo na vimbunga vyavo, na maako, na vamyata voshe, vakevo vanalume vakutunda ku Eleki, na ku Mbambilone, na ku Susa mu lifuti lya Elame,

Ezela 5:6

Ou ukewo mukanda uvasonekelele kuli Mwene Ndalyuse.

Ezela 5:9

“Twehwile vantwama vavo ngeci vatuleke veyajo vanavaana moko yakutungulula Njuvo ya Shukulu Kalunga nakuyivwaesa mwamuvwa ngacije.

Ezela 6:13

Asinoni Nguvulu Tatenai, na Shetale Mbozenai, na vamyata vakwavo valingile vene ngwe muje mwashikile mwene.

Ezela 6:6

Asinoni Mwene Ndalyuse wakumbulwile ngwendi, “Kuli nguvulu Tatenai wa mu Kangombe ka Yambi ka Yufuleti, na Shetale Mbozenai, na vakweni vamyata va mu Kangombe ka Yambi ka Yufuleti. “Tundeniko oko ku Njuvo ya Shukulu Kalunga,

Ezela 7:21

“Yange Mwene Aletasheleshe, njinashiki vamyata voshe vaka-kunyunga mbango ya vumwene mu lifuti lya mu Kangombe ka Yambi ka Yufuleti kwana vwasi Ezela, muka-kukombelela na muka-kulilongesa Mashiko a Njambi wa Mwilu, vyuma vyoshe vije vyamilomba,

Hangai 1:1

Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Mateo 21:23

Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”

Vilinga vya Miluwa 4:7

Co vemikile miluwa ku mesho avo vavehwile ngwavo, “Vati munalingi eci? Nzili yeyayo mulinayo? Nambe mu lizina lyeyajo munalingi cuma eci?”