Ezela 5:16 - Livulu lya Shukulu Kalunga

¹⁶ Ngecivene, Sheshevazale wezile, wendile luvula lwa Njuvo ya Shukulu Kalunga, co kutunda aje vipangi vyaile kulutwe noo ku simbu ino, oloni Njuvo ya Shukulu Kalunga kanda ihwe.’

Ezela 5:16 Iomraidhean Croise

Ezela 3:10

Omo vaka-kutunga vashangumukile kwinda luvula lwa Njuvo ya Shukulu Kalunga, vaka-kukombelela vazalele vikoveyo vyavo vyavilaja vemanene mu mitambela yavo oku vanakwata malupembo mu mavoko avo, co na vaLevi va ku cikota ca Asafe vemanene oku vanakwata vingenjo. Vashangazalele Shukulu Kalunga ngwe ku vilongesa vije vivavaanene tunde ku simbu ya Mwene Ndaviti.

Ezela 3:8

Ngecivene, ku ngonde yamucivali ya mwaka uje vene omo vaneluka ku mutambela wa Njuvo ya Shukulu Kalunga mu Yelusalema, vashangumukile vipangi. Zelumbambele, na Yoshwa, na vavushoko vwavo voshe, na vaka-kukombelela, na vaLevi, na vinzinda voshe vaje velukile ku Yelusalema, valikumbasanene kupanga vipangi. VaLevi voshe vaje vakele na myaka makumi avali nambe kutuvakana vavapwisile vantwama ku vipangi vyakutungulula Njuvo ya Shukulu Kalunga.

Ezela 5:14

Co welwisile vivala vya ngolinde na siliva vije vyambatele Nevukaneza mu Njuvo ya Shukulu Kalunga mu Yelusalema, nakukavyaka mu njuvo yendi yakulemesela mu Mbambilone. Mwene Siluse waanene vivala evi kuli munalume umo lizina lyendi Sheshevazale, uje yemikile kupwa nguvulu wa mu Yunda.

Ezela 5:15

Co mwene wamulekele ngeci avyambate nakuviilwisa ku Njuvo ya Shukulu Kalunga ku Yelusalema, nakutungulula Njuvo ya Shukulu Kalunga ku mwela uje vene kuyakele laja.

Ezela 5:2

Omo Zelumbambele muna Sheyaletiyele, na Yoshwa muna Yehozandake vazivile majwi avo, co vashangumukile kutungulula Njuvo ya Shukulu Kalunga mu Yelusalema, co vaje vaka-kwimanena vavali vavakwasele.

Ezela 6:15

Vamanesele Njuvo ya Shukulu Kalunga a litangwa lyamucitatu ku ngonde ya Andale mu mwaka wamucitanu na umo wakushwana kwa mwene Ndalyuse.

Hangai 2:18

Lelo linapu litangwa lyamumakumi avali na awana ku ngonde yamucitanu na viwana, likelyo litangwa munamanesa luvula lwa Njuvo yange. Kengeni vije vikalingiwa lelo nakuya kulutwe.

Zakaliya 4:10

Vakevo vanazivi shwamwa omwo vyuma vyavindondo lika vilinakulingiwa. Oloni vakamona Zelumbambele atwalao kutunga Njuvo yange, co vakajolela.” Co kangelo wanjilekele ngwendi, “Evi vindeya vitanu na vivali vinapu mesho a Shukulu Kalunga atanu na avali, aje alinakumona ano asi oshe.”

Zakaliya 4:9

Wendekele ngwendi, “Zelumbambele najala luvula lwa Njuvo yange, co ikeye lalo akaimanesa kuyitunga. Omo eci cikalingiwa, vanu vange vakazivuka ngeci yange njakutumine kuli vakevo.

Yowano 2:20

Vamwihwile ngwavo, “Kuma yove wasa kuyitungulula lalo a matangwa atatu ndi? Eyi Njuvo ya Shukulu Kalunga vaitungile myaka makumi awana na myaka itanu na umo!”