Ezela 4:9 - Livulu lya Shukulu Kalunga

⁹ “Mukanda ou utunda kuli yange nguvulu Lehume, na kuli Shimeshai muka-kusoneka wa lifuti, amo na vimbunga vyavo, na maako, na vamyata voshe, vakevo vanalume vakutunda ku Eleki, na ku Mbambilone, na ku Susa mu lifuti lya Elame,

Ezela 4:9 Iomraidhean Croise

Kushangumuka 10:22

Vana va Shemi va vanalume mazina avo, Elame, na Ashule, na Alepakeshande, na Lunde, na Alama. Vakevo vapwile vakukulwila va vanu vaje valilukile mazina avo.

2 Vimyene 17:24

Mwene wa Asilya wambatele vanu vaje vakele mu vinganda vya Mbambilone na Kute na Ivaha na Hamate na Sefalevaime, co wavaakele mu vinganda vya Samaliya kwinga muli vaIsalele vaje vavatwalele ku vunzinda. Co vambatele vinganda evi nakutungamo.

Ezela 4:8

Co lalo nguvulu Lehume, na muka-kusoneka wa lifuti Shimeshai, vasonekele mukanda kuli mwene Aletasheleshe omwo Yelusalema ngwavo,

Ezela 5:3

A simbu ije vene Nguvulu Tatenai wa mu Kangombe ka Yambi ka Yufuleti, na Shetale Mbozenai, na vamyata vakwavo vezile ku Yelusalema, vehwile ngwavo, “Iyajo namitavesa kutungulula Njuvo ya Shukulu Kalunga nakumanesa civumbe?”

Ezela 5:6

Ou ukewo mukanda uvasonekelele kuli Mwene Ndalyuse.

Ezela 6:6

Asinoni Mwene Ndalyuse wakumbulwile ngwendi, “Kuli nguvulu Tatenai wa mu Kangombe ka Yambi ka Yufuleti, na Shetale Mbozenai, na vakweni vamyata va mu Kangombe ka Yambi ka Yufuleti. “Tundeniko oko ku Njuvo ya Shukulu Kalunga,

Nehemiya 4:2

Co wendekele ku mesho a vavushoko vwendi na kuli mashwalale va vaSamaliya ngwendi, “Vikajo vivalinga ava vaYunda vakuzeya? Vashaka kutungulula nganda? Kuma vayongola ngeci akukombelela vin̄ombelo, vasa kumanesa vipangi mu litangwa limo ndi? Kuma a vyuma vije vinenye vasa kulingao mamanya indi?”

Esita 1:2

A matangwa aje Sheleshe wakele a litanda lyendi lya vumwene mu Pelesha mu Susa nganda yakama.

Esita 2:3

Shukulu, imika vamyata mu lifuti limo na limo lya vumwene vwove ngeci vawane vambanda vavavwa vaje kanda valimone na vanalume nakuvanena muno mu Susa, mu nganda, ku njuvo ya vambanda, ngeci kayunuke Hengai muka-kunyunga vanakazi vove akavanyunge, co vakavane mazi akunika lwengo lwaluvwa ngeci vavwave.

Isaya 21:2

Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Njelemiya 25:25

na vimyene voshe va mu Zimeli, na Elame, na Mendiya,

Njelemiya 49:34

Omo Zendekiya wapwile mwene wa mu Yunda, co Shukulu Kalunga Muka-nzili yoshe, wendekele kuli yange a lifuti lya Elame.

Ezekiyele 32:24

“Elame kwali, amo na vimbumbo vya mashwalale vendi voshe vinamuzengeleka. Voshe vanatsi, vavatsiilile mu nzita, voshe vaile mwisi ya livu, kuvapwile vaka-kukulaela. Vazivisile vanu lyova mu lifuti lya vaka-kuyoya, oloni ololo valinakuziva shwamwa amo na vaje vali mu mbulu.

Ndanyele 8:2

Mu cimona eci njamwene njili mu nganda ya cimpaka mu Susa, nganda ije yakele mu lifuti lya Elame. Njemanene ku ngenge ya Ndonga ya Ulai,

Vilinga vya Miluwa 2:9

Vamo vetu vatunda ku Palitiya, Mendiya na ku Elame, vakwavo ku Mesopotamya, Yundeya na ku Kapandosiya, vakwavo ku Pontiyasi na ku Asiya,