Ezela 4:4 - Livulu lya Shukulu Kalunga

⁴ Co vanu vakele muje mu lifuti vajujwisile vaYunda nakuvazivisa lyova nakuvavindika kutunga Njuvo ya Shukulu Kalunga.

Ezela 4:4 Iomraidhean Croise

2 Samwele 4:1

Omo Ishemboshete muna Saulu wazivile ngeci Avinele vanamutsii ku Hevelone, co wakele na lyova, co vanu va Isalele voshe valikomokelele.

Ezela 3:3

Nameme ngoco vinzinda vaje velukile ku Yelusalema vakele na lyova lya vanu vaje vakele muje mu lifuti, oloni vatungulwile mutula aje vene awemanene akulivanga. Asinoni vashangumukile lalo kwenyekelao vin̄ombelo vya a litangwa na litangwa mutondo na cingwezi.

Ezela 4:5

Co lalo vaanene lizika-kanwa kuli vamyata va vaka-kushwana va Pelesha ngeci vavavindike. Co vakele nakulinga ngacije a simbu yakushwana kwa Siluse na a simbu yakushwana kwa Ndalyuse.

Nehemiya 4:11

Vitozi vetu vayongwele ngeci kutwasa kuvamona nambe kuzivuka vije vilinakulingiwa, kuvanga noo vanaija kuli yetu, nakututsiya nakwimika vipangi vyetu.

Nehemiya 4:2

Co wendekele ku mesho a vavushoko vwendi na kuli mashwalale va vaSamaliya ngwendi, “Vikajo vivalinga ava vaYunda vakuzeya? Vashaka kutungulula nganda? Kuma vayongola ngeci akukombelela vin̄ombelo, vasa kumanesa vipangi mu litangwa limo ndi? Kuma a vyuma vije vinenye vasa kulingao mamanya indi?”

Nehemiya 6:9

Vashakele kutuzivisa lyova tuvavoshe ngeci vipangi vimane. Co njalombelele ngwange, “Ololo, Shukulu Njambi, njipwise muka-nzili!”

Njelemiya 38:4

Asinoni vamyata vaile kuli mwene nakwendeka ngwavo, “Njelemiya vanapande kumutsiya, omwo akwendeka kwendi ngeci alinakujujwisa mashwalale va mu nganda, co alinakulinga cuma cimolika kuli munu na munu uje nasala mu nganda. Njelemiya kesi nakukwasa vanu, oloni ashaka lika kuvavavalesa ku vimbunge.”

Ndanyele 10:13

Kangelo muka-kunyunga vumwene vwa Pelesha wanjivindikile matangwa makumi avali na limo. Asinoni Mingeli, uje mukulunu wa tungelo, wezile nakunjikwasa, omo njasalele ange lika muje mu vumwene vwa Pelesha.

Ndanyele 10:20

Co wendekele kuli yange ngwendi, “Yove uzivuka omwo vikajo njinezila kuli yove? Njinaija mukusholola vije vivanasonekele mu Livulu lya Vushunga. Co ololo njilinakwiluka nakukalwa nzita na uje kangelo muka-kunyunga Pelesha.