Ezela 4:24 - Livulu lya Shukulu Kalunga

²⁴ Co vipangi vya Njuvo ya Shukulu Kalunga vyemanene noo mu mwaka wamucivali wakushwana kwa Ndalyuse mwene wa Pelesha.

Ezela 4:24 Iomraidhean Croise

Ezela 3:8

Ngecivene, ku ngonde yamucivali ya mwaka uje vene omo vaneluka ku mutambela wa Njuvo ya Shukulu Kalunga mu Yelusalema, vashangumukile vipangi. Zelumbambele, na Yoshwa, na vavushoko vwavo voshe, na vaka-kukombelela, na vaLevi, na vinzinda voshe vaje velukile ku Yelusalema, valikumbasanene kupanga vipangi. VaLevi voshe vaje vakele na myaka makumi avali nambe kutuvakana vavapwisile vantwama ku vipangi vyakutungulula Njuvo ya Shukulu Kalunga.

Ezela 4:23

Omo valavelele Lehume, na Shimeshai, na vimbunga vyavo mukanda uje watundile kuli mwene Aletasheleshe, co vanalume ava vaile vwasi ku Yelusalema, vasindiiye vaYunda ngeci valikele kutungulula nganda.

Ezela 4:5

Co lalo vaanene lizika-kanwa kuli vamyata va vaka-kushwana va Pelesha ngeci vavavindike. Co vakele nakulinga ngacije a simbu yakushwana kwa Siluse na a simbu yakushwana kwa Ndalyuse.

Ezela 5:1

A simbu ije Hangai na Zekaliya muna Indo vaka-kwimanena vavali, vambulwile vuka-kwimanena mu lizina lya Njambi ya Isalele kuli vaYunda vaje vakele mu Yunda na mu Yelusalema.

Ezela 5:5

Oloni mesho a Njambi yavo akele ali vantwama va vaYunda, co vamyata va vaPelesha kuvavavindikile noo vasonekelele mukanda kuli Mwene Ndalyuse, co wavakumbulwile.

Ezela 6:1

Ngecivene, Mwene Ndalyuse washikile ngeci vashakezeke mu mavulu a vumwene aje avatulikile mu Mbambilone.

Ezela 6:14

Co vantwama va vaYunda valingile mwamuvwa akutunga Njuvo ya Shukulu Kalunga, co Hangai na Zekaliya vaka-kwimanena vavatakamesele. Co vamanesele Njuvo ya Shukulu Kalunga ngwe mwavashikile Njambi ya Isalele, na Siluse, na Ndalyuse, na Aletasheleshe, vimyene va Pelesha.

Ezela 6:15

Vamanesele Njuvo ya Shukulu Kalunga a litangwa lyamucitatu ku ngonde ya Andale mu mwaka wamucitanu na umo wakushwana kwa mwene Ndalyuse.

Nehemiya 6:3

Njatumine miluwa kuli vakevo nakukavaleka ngwange, “Yange njilinakupanga vipangi vyakama, kunjasa kuyako embwe. Kunjasa kwimika vipangi nakwija oko nakumimona lika embwe.”

Nehemiya 6:9

Vashakele kutuzivisa lyova tuvavoshe ngeci vipangi vimane. Co njalombelele ngwange, “Ololo, Shukulu Njambi, njipwise muka-nzili!”

Yombi 20:5

kujolela kwa vaka-vuvi kukwesi kwishwala. Co kuvwaelela kwa vaka-kujeneka kukulaela kwapwa kwa kasimbu kakandondo.

Ndanyele 11:2

Co evi vinjikuleka yange ololo vinapu vya vushunga.” Kangelo wendekele ngwendi, “Vimyene vatatu vakashwana Pelesha, co kukakala lalo wamuciwana, ikeye akafuka manene kutuvakana vakwavo voshe. Omo nawana nzili a vufuko vwendi, co akafungulula vumwene vwa Ngelese.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Hangai 1:1

Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Hangai 1:15

Co vipangi vyashangumukile a litangwa lyamumakumi avali na awana ku ngonde yamucitanu na imo ku mwaka wamucivali omo Ndalyuse wapwile mwene.

Hangai 2:15

Shukulu Kalunga alinakwendeka ngwendi, “Kumwamwene vije vinalingiwa kuli yeni? Simbu kanda mushangumuke kutungulula Njuvo yange,

Hangai 2:18

Lelo linapu litangwa lyamumakumi avali na awana ku ngonde yamucitanu na viwana, likelyo litangwa munamanesa luvula lwa Njuvo yange. Kengeni vije vikalingiwa lelo nakuya kulutwe.

Zakaliya 1:1

Ku ngonde yamucitanu na vitatu mu mwaka wamucivali omo Ndalyuse wapwile mwene wa mu Pelesha, Shukulu Kalunga wendekele majwi awa kuli muna Mbelekiya, Zakaliya muka-kwimanena, mutekulu wa Indo.

1 Tesalonika 2:18

Twashakele kwiluka kuli yeni. Yange vene njesekele manene kwiluka lwalungi, oloni Satana katutavesele.