Ezela 4:19 - Livulu lya Shukulu Kalunga

¹⁹ Njashikile ngeci valohwelele, mukemwo vanawana ngeci, tunde ku visimbu vyalaja nganda eyi ya Yelusalema yatengulukilile vimyene, co makuli na vungungu vyakele mu nganda eyi.

Ezela 4:19 Iomraidhean Croise

2 Vimyene 18:7

Ngecivene, Shukulu Kalunga wakele amo nendi, co wavezikile mu vyuma vyoshe vije vyalingile. Watengulukilile mwene wa Asilya, co kamwononokele.

2 Vimyene 24:20

Co Shukulu Kalunga waluvalele manene na vanu va mu Yelusalema na mu Yunda ngeci wavatundisile ku mesho endi.

Ezela 4:15

ngeci utave kukale kwilula mu mikanda ije ivatulikile vakukulwila vove. Nga ulingamo, co ukawana ngeci nganda eyi visimbu vyoshe yapwa yakutengulukila, co lalo tunde ku visimbu vyalaja ikanena vukalu kuli vimyene na kuli vaka-kushwana va mu mafuti. Vanu vamwo simbu yoshe vapwa vavakalu kuvashwana. Eci cikeco cuma civanyongeselele eyi nganda.

Ezela 4:18

“Mukanda mwatumine vananjilavelawo nakuunungulula.

Ezela 4:20

Vimyene vaka-nzili vashwanene mu Yelusalema, na lifuti lyoshe lya mu Kangombe ka Yambi ka Yufuleti, co vakele nakuvalambwila milambu nakuvafweta lisimu.

Ezela 5:17

“Co ololo, shukulu, nga ushaka, unapande kushakezeka mu mavulu a vumwene aje ali mu Mbambilone ngeci uwane nga Siluse waanene mashiko a Njuvo ya Shukulu Kalunga ya mu Yelusalema ngeci vaitungulule, cooni utuleke cizango cove a vipangi evi.”

Visimo 25:2

Tusingimika Njambi a vyuma vije vyakushweka, tusingimika vimyene akutunungulwila vyuma vije vyakushweka.

Kwituluka mu Mashiko 13:14

Co nga mukaziva lingwavo lyangacije, munapande kwilula nga ikeyo inapu n̄anda ya vushunga, cuma cangacije ca vunyengwe cinalingiwa akati keni,