Ezela 3:9 - Livulu lya Shukulu Kalunga

⁹ Co kaLevi umo lizina lyendi Njeshuwa na vana vendi na vavushoko vwendi, na Kandimyele na vana vendi va ku cikota ca Hondaviya ikeye Yunda valipandakanene amo mukwendesa vipangi vyakutungulula Njuvo ya Shukulu Kalunga. Vavakwasele kuli vaLevi va ku cikota ca Henandande.

Ezela 3:9 Iomraidhean Croise

1 Mizimbu 23:4

Mwene waangwile vanalume 24,000 kwendesa vipangi vya mu Njuvo ya Shukulu Kalunga, co vanu vakupwa 6,000 vapwile vaka-kunyunga mavulu nakusompa vin̄anda,

2 Mizimbu 34:12

Ava vanu vapangele cipangi eci na vimbunge vyavo vyoshe. Vavatwamenenene kuli vaLevi vawana mazina avo, Njahate na Ovandiya va ku cikota ca Melali, Zekaliya na Meshulame va ku cikota ca Kohate. (Co vaLevi voshe vapwile vaka-kusungika kukwimba.)

Ezela 2:40

Ou ukewo mukana wa vaLevi vaje velukile kutunda ku vunzinda. Va ka cikota ca Njeshuwa na Kandimyele vatekulwila va Hondaviya vapwile 74.

Ezela 3:8

Ngecivene, ku ngonde yamucivali ya mwaka uje vene omo vaneluka ku mutambela wa Njuvo ya Shukulu Kalunga mu Yelusalema, vashangumukile vipangi. Zelumbambele, na Yoshwa, na vavushoko vwavo voshe, na vaka-kukombelela, na vaLevi, na vinzinda voshe vaje velukile ku Yelusalema, valikumbasanene kupanga vipangi. VaLevi voshe vaje vakele na myaka makumi avali nambe kutuvakana vavapwisile vantwama ku vipangi vyakutungulula Njuvo ya Shukulu Kalunga.

Nehemiya 3:24

Mbinui muna Henandande watungile mutambela wakwatako, kutunda ku njuvo ya Azaliya nakweta ku mbango ya civumbe.

Nehemiya 7:43

Vikota vya vaLevi vaje velukile kutunda ku vunzinda, Njeshuwa na Kandimyele vatekulwila va Hondaviya vapwile 74.