Ezela 3:6 - Livulu lya Shukulu Kalunga

⁶ Nameme vanu te kanda vacishangumuke kutungulula Njuvo ya Shukulu Kalunga, oloni a litangwa lyakulivanga ku ngonde yamucitanu na vivali vashangumukile kukombelela vin̄ombelo vya kwenyeka kuli Shukulu Kalunga.

Ezela 3:6 Iomraidhean Croise

Ezela 3:5

co lalo vakombelelele vin̄ombelo vya kwenyeka vyamutunu a litangwa na litangwa, na vije vyakukombelela a Ciwano Cakutenema kwa Ngonde, na ku vikungulukilo vyeka lalo vije vyakulemesa Shukulu Kalunga, na vin̄ombelo vya cizango vyakwana kuli Shukulu Kalunga.

Ezela 3:7

Vanu vecele vimbongo vyakufweta vaka-kushonga mamanya, na vaka-kushonga, co vaanene vyakulya, na vyakunwa, na mazi a olive kuli vanu va ku Tile, na Sindone, nakulandakana na miti ya kendale ya ku Lembanone, ngeci vavinene na mema a kalunga ku Yopa. Vyoshe evi vavilingile na lisesa lya kuli mwene Siluse wa Pelesha.

VaLevi 23:24

“Leka vanu va Isalele ngwove, a litangwa lyakulivanga ku ngonde yamucitanu na vivali munapande kunyunga litangwa lyakama lyakuhwima. Co mukakunguluka amo nakulemesa omo malupembo emba.

VaLevi 23:25

Mukakombelela n̄ombelo ya vyakulya kuli Shukulu Kalunga, co kesi mukapange vipangi vyeni vya a litangwa na litangwa.”

Kulava 29:1

“A litangwa lyakulivanga ku ngonde yamucitanu na vivali mukakala na cikungulukilo cakujela, co kesi mukapange. Likelyo litangwa limukaimba malupembo

Kulava 29:2

Co mukakombelela kuli Shukulu Kalunga n̄ombelo ya kwenyeka, co lwengo lwaluvwa lwa n̄ombelo eyi lukavwaelelesa Shukulu Kalunga. Mukakombelela muna ngombe wa nkomba umolika, na lijamba lya manga umo, na vana va vimanga vatanu na vavali va mwaka umolika, voshe vakujeneka kapenga.