Ezela 3:2 - Livulu lya Shukulu Kalunga

² co Yoshwa muna Yehozandake, na nakwavo vaka-kukombelela, na Zelumbambele muna Sheyaletiyele, amo na vavushoko vwendi, vatungulwile mutula wa Njambi ya Isalele, ngeci venyekeleo vin̄ombelo ngwe ku vilongesa vije vivasoneka mu Lishiko lya Mosesa, munu wa Njambi.

Ezela 3:2 Iomraidhean Croise

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

1 Mizimbu 23:14

Oloni vana va Mosesa, munu wa Njambi, vavakumbasanene amo na vaLevi.)

1 Mizimbu 3:17

Ava vakevo vatekulwila va Mwene Yehoyakine, uje vatwalele ku vunzinda ku vaMbambilone. Yehoyakine wakele na vana vatanu na vavali mazina avo, Sheyaletiyele,

1 Mizimbu 3:19

Pendaya wakele na vana vavali mazina avo, Zelumbambele, na Shimei. Zelumbambele wakele na vana va vanalume vavali mazina avo, Meshulame, na Hananiya, na umo wa munakazi lizina lyendi, Shelomiti.

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

Ezela 10:18

Ou ukewo mukana wa mazina a vaje vanalume vambatele vanakazi kesi vaYunda. Mukana wa vikota vya vaka-kukombelela. Ku cikota ca Yoshwa na vandolome vendi, vana va Yehozandake vapwile, Maseya, Elyazale, Njalive, na Ngendaliya.

Ezela 10:20

Ku cikota ca Imeli kwakele, Hanani, na Zevandiya.

Ezela 10:21

Ku cikota ca Halime kwakele, Maseya, na Elinja, na Shemaya, na Njehiyele, na Uziya.

Ezela 10:22

Ku cikota ca Pashehule kwakele, Elyoenai, na Maseya, na Ishimele, na Netanela, na Njozavande, na Elasa.

Ezela 2:2

Vantwama vavo vapwile, Zelumbambele, na Yoshwa, na Nehemiya, na Selaya, na Lelaya, na Molendekai, na Mbileshane, na Misepale, na Mbingevai, na Lehume, na Mbana. Ou ukewo mukana wa vikota vya Isalele, na vungi vwa vaje vatundile ku cikota na cikota ca vanu vaje velukile kutunda ku vunzinda.

Ezela 3:8

Ngecivene, ku ngonde yamucivali ya mwaka uje vene omo vaneluka ku mutambela wa Njuvo ya Shukulu Kalunga mu Yelusalema, vashangumukile vipangi. Zelumbambele, na Yoshwa, na vavushoko vwavo voshe, na vaka-kukombelela, na vaLevi, na vinzinda voshe vaje velukile ku Yelusalema, valikumbasanene kupanga vipangi. VaLevi voshe vaje vakele na myaka makumi avali nambe kutuvakana vavapwisile vantwama ku vipangi vyakutungulula Njuvo ya Shukulu Kalunga.

Ezela 5:2

Omo Zelumbambele muna Sheyaletiyele, na Yoshwa muna Yehozandake vazivile majwi avo, co vashangumukile kutungulula Njuvo ya Shukulu Kalunga mu Yelusalema, co vaje vaka-kwimanena vavali vavakwasele.

Nehemiya 12:1

Ou ukewo mukana wa mazina a vaka-kukombelela na vaLevi vaje velukile kutunda ku vunzinda na Zelumbambele muna Sheyaletiyele amo na Yoshwa Muka-kukombelela Wakama. Vaka-kukombelela vapwile, Selaya, na Njelemiya, na Ezela,

Nehemiya 12:8

VaLevi vapwile, Njeshuwa, na Mbinui, na Kandimyele, na Sheleviya, na Yunda, na Mataniya. Vakevo vakele na moko yakwimbisa myaso ya cikandelela.

Myaso 78:68

oloni waangwile muyati wa Yunda, na Munkinda wa Siyone uje wazemene.

Kutuuka 27:1

“Shonga mutula wa mavaya a mungongo. Unapande kupwa mumolika, mamita 2.2 mu vulaja na mamita 2.2 mu vwihi, na mamita 1.3 mu kulova.

Hangai 1:1

Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Hangai 1:12

Asinoni Zelumbambele na Yoshwa, na vanu voshe vaje velukile kutunda ku vunzinda ku Mbambilone, vononokele majwi a Shukulu Kalunga Njambi yavo. Vakele na lyova, co vononokele Hangai muka-kwimanena, muluwa wa Shukulu Kalunga.

Hangai 1:14

Shukulu Kalunga watakamesele munu na munu kupanga vipangi vya ku Njuvo ya Shukulu Kalunga, Zelumbambele, nguvulu wa mu Yunda, na Yoshwa, Muka-kukombelela Wakama, na vanu voshe vaje vatundile ku vunzinda. Vashangumukile kupanga ku Njuvo ya Shukulu Kalunga Muka-nzili yoshe, Njambi yavo.

Hangai 2:21

“Leka Zelumbambele, nguvulu wa mu Yunda ngwove, njikajajesa lilu na asi,

Hangai 2:23

A litangwa lije vene njikakwambata yove Zelumbambele ngamba yange, co ukashwana mu lizina lyange. Yove vene injinaangula.” Mukemwo mwanendeka Shukulu Kalunga, Muka-nzili yoshe.

Zakaliya 3:1

Mu cimona cikwavo Shukulu Kalunga wanjimwesele Yoshwa Muka-kukombelela Wakama nemana ku mesho a kangelo ka Shukulu Kalunga. Co kumukulo wa Yoshwa kwemanene lalo Satana, ngeci amuvangeye.

Zakaliya 3:8

Tolilila, Yoshwa akupwa yove Muka-kukombelela Wakama, cooni tolilileni, yeni vakwavo vaka-kukombelela, yeni munapu cimweso cacivwa ca kulutwe. Njikasholola ngamba yange, uje ivatumbula ngwavo Munango!

Zakaliya 6:11

Tambula siliva na ngolinde vije vivanaana upange cilongo, ukacizike ku mutwe wa Yoshwa Muka-kukombelela Wakama, muna Yehozandake.

Kulava 28:2

“Shika vanu va Isalele vanjinenele vin̄ombelo vya vyakulya ku visimbu vije vemika, vin̄ombelo vije vinjashaka yange Njambi.

Luka 3:27

Yonda wapwile muna Yowanane, Yowanane wapwile muna Lehesa, Lehesa wapwile muna Zelumbambele, Zelumbambele wapwile muna Sheyaletiyele, Sheyaletiyele wapwile muna Neli,

Maako 6:24

Co Ngilyone watungilile Shukulu Kalunga mutula nakuuluka lizina lyawo ngwendi, “Shukulu Kalunga Ikeye Kwoloka.” (Na lelo lino vene mutula uje anga wemanena kuje ku Ofela, mwela uje wakundama ku cikota ca Aviyezele.)