Ezela 3:10 - Livulu lya Shukulu Kalunga

¹⁰ Omo vaka-kutunga vashangumukile kwinda luvula lwa Njuvo ya Shukulu Kalunga, vaka-kukombelela vazalele vikoveyo vyavo vyavilaja vemanene mu mitambela yavo oku vanakwata malupembo mu mavoko avo, co na vaLevi va ku cikota ca Asafe vemanene oku vanakwata vingenjo. Vashangazalele Shukulu Kalunga ngwe ku vilongesa vije vivavaanene tunde ku simbu ya Mwene Ndaviti.

Ezela 3:10 Iomraidhean Croise

1 Mizimbu 15:24

Co vaka-kukombelela, Shembaniya, na Njosifate, na Netanela, na Amasai, na Zekaliya, na Mbenaya, na Elyazale, vavaangwile kupwa vaka-kwimba malupembo kulutwe lwa Cikasa ca Cikumiiyo.

1 Mizimbu 15:27

Ndaviti wazalele cikoveyo cacilaja ca linyu lyalivwa, co vaka-kwimba, na ntwama yavo Kenaniya, na vaLevi vaje vambatele Cikasa ca Cikumiiyo navo lalo vazalele vikoveyo vyavilaja vya linyu. Co Ndaviti lalo wazalele kangamuna ka linyu.

1 Mizimbu 16:37

Mwene Ndaviti waakele Asafe na vavushoko vwendi vaLevi kupwa vaka-kupanga vipangi vyakulemesa simbu yoshe ku mwela kuje kuvanyungilile Cikasa ca Cikumiiyo. Co vapangele vipangi vyavo kuje a litangwa na litangwa.

1 Mizimbu 16:42

Hemane, na Njendutune lalo vakele na moko ya malupembo, na vingenjo, na vyakwimbisa vikwavo vije vakele nakwimba omo vembile myaso yakulemesa. Co vanu vaka-cikota ca Njendutune vakele na moko yakunyunga ku vikolo.

1 Mizimbu 23:5

co ava 4,000 vapwile vaka-kunyunga ku vikolo, co vanu vakupwa 4,000 vapwile vaka-kushangazala Shukulu Kalunga na visanzi vije vyaanene Ndaviti ngeci vavipangese.

1 Mizimbu 25:25

yamulikumi na itanu na itatu yawililile kuli Hanani, na vavushoko vwendi, na vana vendi likumi na vavali,

2 Mizimbu 35:14

Omo vamanesele kulinga evi, vaLevi valipangelele situ na vaka-kukombelela vatekulwila va Alone, omwo vaka-kukombelela vaungamene noo vutsiki, mukwenyeka vimuna vaje venyekele vamutunu na mazi akukombelela.

2 Mizimbu 35:15

Co vaLevi vaka-kwimba va ku cikota ca Asafe vakele mu myela yavo ngwe muvavaaneneyo ngwe ku mashiko a Mwene Ndaviti mazina avo, Asafe na Hemane na Njendutune, muka-kwimanena wa mwene. Co vaka-kunyunga ku vikolo vya Njuvo ya Shukulu Kalunga kuvatundile mu myela yavo, omwo vaLevi veka vavavwaeselele Ciwano ca Pasovala.

2 Mizimbu 5:12

Co vaLevi voshe vaje vapwile vaka-kwimba, Asafe, na Hemane, na Njendutune, na vanu va ku vikota vyavo, vazalele vuzalo vwa linyu. Co vaLevi vemanene ku mutambela wa mu ngangela kuyehi na mutula vakwatele vingenjo, na tulyalya, amo na vaka-kukombelela vakupwa 120 vaje vakele nakwimba malupembo.

Ezela 2:41

Vaka-kwimba mu Njuvo ya Shukulu Kalunga vatekulwila va Asafe vapwile 128.

Ezela 5:16

Ngecivene, Sheshevazale wezile, wendile luvula lwa Njuvo ya Shukulu Kalunga, co kutunda aje vipangi vyaile kulutwe noo ku simbu ino, oloni Njuvo ya Shukulu Kalunga kanda ihwe.’

Myaso 150:5

Mushangazaleni na vingenjo vyavindondo! Mushangazaleni na vingenjo vyakama.

Hangai 2:15

Shukulu Kalunga alinakwendeka ngwendi, “Kumwamwene vije vinalingiwa kuli yeni? Simbu kanda mushangumuke kutungulula Njuvo yange,

Zakaliya 4:10

Vakevo vanazivi shwamwa omwo vyuma vyavindondo lika vilinakulingiwa. Oloni vakamona Zelumbambele atwalao kutunga Njuvo yange, co vakajolela.” Co kangelo wanjilekele ngwendi, “Evi vindeya vitanu na vivali vinapu mesho a Shukulu Kalunga atanu na avali, aje alinakumona ano asi oshe.”

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Zakaliya 4:7

Minkinda yakama kuyikasa kwimana ku mesho ove. Ukatungulula Njuvo yange, co omo ukaka limanya lyakumanesela mu mutambela walyo, co vanu vakatambeke ngwavo, ‘Kuvwaha, kuvwaha!’ ”

Zakaliya 6:12

Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange.

Zakaliya 7:3

nakwihula cihula eci kuli vaka-kukombelela na kuli vaka-kwimanena ngwavo, “Kuma tunapande kutwalao kulila nakulikela kulya ku ngonde yamucitanu ngwe mutwakele nakulinga myaka yaingi omwo Njuvo ya Shukulu Kalunga inanyongo ndi?”

1 Samwele 22:18

Ngecivene, Saulu wendekele kuli Ndoenge ngwendi, “Vatsiye!” Co Ndoenge wavatsiile voshe. A litangwa lije, watsiile makumi atanu na atatu na vanu vatanu vaka-kukombelela, vaje vapandelemo mukuzala tungamuna twa linyu.