Ezela 2:68 - Livulu lya Shukulu Kalunga

⁶⁸ Omo vinzinda vetele ku Njuvo ya Shukulu Kalunga mu Yelusalema, vantwama vamo va vikota vaanene vin̄ombelo vya cizango vyakukwasa kutungulula Njuvo ya Shukulu Kalunga a mutambela wayo walaja.

Ezela 2:68 Iomraidhean Croise

1 Mizimbu 21:18

Co kangelo ka Shukulu Kalunga walekele Ngande aleke Ndaviti aye nakutungila Shukulu Kalunga mutula ku mutambela wa lijungwilo lya Alauna.

1 Mizimbu 22:1

Ngecivene, Ndaviti wendekele ngwendi, “Kuno kukekwo vakatungila Njuvo ya Shukulu Kalunga Njambi. Oku kukekwo ku mutula kuje vanu va Isalele vakakombelela vin̄ombelo vya kwenyeka.”

2 Mizimbu 3:1

Mwene Ndaviti, ishe ya Solomoni, wavwaeselele cimweja mwela wakutungila Njuvo ya Shukulu Kalunga. Mwela wakele mu Yelusalema, ku Munkinda wa Moliya, kuje Shukulu Kalunga walisholwele kuli Ndaviti ku lijungwilo lya Alauna kaNjevushi. Co Mwene Solomoni washangumukile kutunga Njuvo ya Shukulu Kalunga

Ezela 2:67

Vimula vapwile 245, na Tumelo vapwile 435, na vimulu vapwile 6,720.

Ezela 2:69

Vaanene vyavingi manene ku vipangi vije ngwe muvaselele, co vyoshe vyapwile makilo 500 a ngolinde na makilo 2,800 a siliva na vuzalo vwa vulaja vwa vaka-kukombelela vwapwile 100.

Ezela 3:3

Nameme ngoco vinzinda vaje velukile ku Yelusalema vakele na lyova lya vanu vaje vakele muje mu lifuti, oloni vatungulwile mutula aje vene awemanene akulivanga. Asinoni vashangumukile lalo kwenyekelao vin̄ombelo vya a litangwa na litangwa mutondo na cingwezi.

Ezela 9:9

Twapwile tu vinzinda, oloni kuwatusezele mu vunzinda embwe. Yove walingisile vimyene va vaPelesha kutuzivilako mema ku mbunge, nakututava tuyoye mwamuvwa, nakutungulula Njuvo yove Shukulu Kalunga, ije yasiwukile, nakukala mwamuvwa muno mu Yunda na mu Yelusalema.

Myaso 110:3

A litangwa lije ukalwisa vitozi vove, mashwalale vove vakakala na cizango cakulwa. Ngwe mbundu ya mutondo-tondo, vakwenje vove vakaija kuli yove a malundu akujela.

Kutuuka 25:2

“Leka vaIsalele valambule mulambu kuli yange, co tambula milambu yoshe-iyoshe ije vanu vashaka kwana kuli yange.

Kutuuka 35:21

co munu woshe uje mbunge yendi yamusindiiye na woshe uje wakele na cizango cakulinga ngacije wanenele mulambu kuli Shukulu Kalunga yakutungisa Mbalaka Mwakuliwanena. Co vanenele vyuma vyoshe vije vyashakiwile mukupangesa Mbalaka Mwakuliwanena, na vipangi vyayo vyoshe, amo na vuzalo vwakujela vwa vuka-kukombelela.

Kutuuka 35:29

Co vanu voshe va Isalele, vanalume na vanakazi, vaje vimbunge vyavo vyavasindiiye, vanenele milambu yavo ya cizango kuli Shukulu Kalunga yakupangesa vipangi vyoshe ngwe muje mwashikile Shukulu Kalunga Mosesa kulingamo.

Kutuuka 36:3

Co vatambwile milambu yoshe ije ivanenele vaIsalele mukutungisa Mbalaka yakujela. Oloni vanu va Isalele vakele nakunena milambu yavo kuli Mosesa a mutondo a mutondo.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

2 Kolinte 8:3

Mwa vushunga vene njimileka ngwange, vaanene ngwe kwasa kwavo, nambe kuhyana vije. Na cizango cavo coshe,

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.