Ezela 2:2 - Livulu lya Shukulu Kalunga

² Vantwama vavo vapwile, Zelumbambele, na Yoshwa, na Nehemiya, na Selaya, na Lelaya, na Molendekai, na Mbileshane, na Misepale, na Mbingevai, na Lehume, na Mbana. Ou ukewo mukana wa vikota vya Isalele, na vungi vwa vaje vatundile ku cikota na cikota ca vanu vaje velukile kutunda ku vunzinda.

Ezela 2:2 Iomraidhean Croise

Ezela 1:11

Vyoshe vyapwile 5,400 malonga a ngolinde, na malonga a siliva, na vivala vikwavo vyambatele Sheshevazale na vinzinda vakwavo omo vatundile ku Mbambilone nakuya ku Yelusalema.

Ezela 1:8

Co wavyanene kuli Mitelendate, mukulunu wakunyunga vufuko vwa vumwene, uje wavilavelele kuli Sheshevazale, nguvulu wa mu Yunda.

Ezela 2:1

Vinzinda vavangi vatundile mu lifuti lya Mbambilone velukile ku Yelusalema na ku Yunda, munu na munu welukile kwimbo lyendi. Naanga yavo vakele mu vunzinda mu Mbambilone tunde aje Mwene Nevukaneza wavatwalele kuje kupwa vinzinda.

Ezela 2:3

Ku cikota ca Paloshe vapwile 2,172.

Ezela 3:2

co Yoshwa muna Yehozandake, na nakwavo vaka-kukombelela, na Zelumbambele muna Sheyaletiyele, amo na vavushoko vwendi, vatungulwile mutula wa Njambi ya Isalele, ngeci venyekeleo vin̄ombelo ngwe ku vilongesa vije vivasoneka mu Lishiko lya Mosesa, munu wa Njambi.

Ezela 4:3

Oloni Zelumbambele, na Yoshwa, na vakulunu va vikota vavalekele ngwavo, “Kutushaka ngeci mutukwase kutunga Njuvo ya Shukulu Kalunga, Njambi yetu. Tukaitunga yetu vavenya, ngwe mwatushikile Siluse mwene wa Pelesha.”

Ezela 4:8

Co lalo nguvulu Lehume, na muka-kusoneka wa lifuti Shimeshai, vasonekele mukanda kuli mwene Aletasheleshe omwo Yelusalema ngwavo,

Ezela 5:2

Omo Zelumbambele muna Sheyaletiyele, na Yoshwa muna Yehozandake vazivile majwi avo, co vashangumukile kutungulula Njuvo ya Shukulu Kalunga mu Yelusalema, co vaje vaka-kwimanena vavali vavakwasele.

Ezela 8:1

Ou ukewo mukana wa vikota vya vakulunu vaje vakele mu vunzinda mu Mbambilone, vaje velukile amolika na Ezela ku Yelusalema omo Aletasheleshe wapwile mwene.

Nehemiya 10:15

na Mbuni, na Azengande, na Mbevai,

Nehemiya 12:47

A simbu ya Zelumbambele, na a simbu lalo ya Nehemiya, vanu va Isalele voshe vakele nakwana vwana a litangwa na litangwa vwakukwasa vaka-kwimba na vaka-kunyunga ku Njuvo ya Shukulu Kalunga. Co vanu vaanene mulambu wakujela kuli vaLevi, co vaLevi vaanene mutambela wa vije vishakiwa kuli vaka-kukombelela.

Nehemiya 7:7

Vantwama vavo vapwile Zelumbambele, na Yoshwa, na Nehemiya, na Azaliya, na Lamiya, na Nahamani, na Molendekai, na Mbileshane, na Misepale, na Mbingevai, na Nehume, na Mbana.

Hangai 1:1

Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Hangai 1:12

Asinoni Zelumbambele na Yoshwa, na vanu voshe vaje velukile kutunda ku vunzinda ku Mbambilone, vononokele majwi a Shukulu Kalunga Njambi yavo. Vakele na lyova, co vononokele Hangai muka-kwimanena, muluwa wa Shukulu Kalunga.

Hangai 1:14

Shukulu Kalunga watakamesele munu na munu kupanga vipangi vya ku Njuvo ya Shukulu Kalunga, Zelumbambele, nguvulu wa mu Yunda, na Yoshwa, Muka-kukombelela Wakama, na vanu voshe vaje vatundile ku vunzinda. Vashangumukile kupanga ku Njuvo ya Shukulu Kalunga Muka-nzili yoshe, Njambi yavo.

Hangai 2:2

Shukulu Kalunga walekele Hangai kwendeka kuli Zelumbambele, nguvulu wa mu Yunda, na kuli Yoshwa Muka-kukombelela Wakama, na kuli vanu, ngwendi,

Hangai 2:21

“Leka Zelumbambele, nguvulu wa mu Yunda ngwove, njikajajesa lilu na asi,

Hangai 2:4

Oloni ololo kesi muzeye yeni voshe, pangeni vipangi, yange njili amo neni.

Zakaliya 3:1

Mu cimona cikwavo Shukulu Kalunga wanjimwesele Yoshwa Muka-kukombelela Wakama nemana ku mesho a kangelo ka Shukulu Kalunga. Co kumukulo wa Yoshwa kwemanene lalo Satana, ngeci amuvangeye.

Zakaliya 3:3

Co Yoshwa wemanene kuje, oku nazala vuzalo vwa mazilo.