Ezela 2:1 - Livulu lya Shukulu Kalunga

¹ Vinzinda vavangi vatundile mu lifuti lya Mbambilone velukile ku Yelusalema na ku Yunda, munu na munu welukile kwimbo lyendi. Naanga yavo vakele mu vunzinda mu Mbambilone tunde aje Mwene Nevukaneza wavatwalele kuje kupwa vinzinda.

Ezela 2:1 Iomraidhean Croise

2 Vimyene 25:11

Asinoni Nevuzalandane watwalele mbunga ya vanu ku Mbambilone, vaje vasalele mu nganda, vaka-vipangi vya vutongwe, na vanu vaje valiitile kuli vaMbambilone,

1 Mizimbu 9:1

Vanu va Isalele voshe vavasonekele ngwe ku naanga yavo, co vin̄anda evi vavisonekele mu Livulu lya Mizimbu ya Vimyene va mu Isalele. Co vanu va mu Yunda vavatwalele ku vunzinda ku Mbambilone omwo yakuvulumuna kwavo.

1 Mizimbu 9:2

Co vakulivanga kwiluka ku vufuko vwavo na mu vinganda vyavo vapwile vaIsalele, na vaka-kukombelela, na vaLevi, na vaka-kupanga mu Njuvo ya Shukulu Kalunga.

Ezela 1:11

Vyoshe vyapwile 5,400 malonga a ngolinde, na malonga a siliva, na vivala vikwavo vyambatele Sheshevazale na vinzinda vakwavo omo vatundile ku Mbambilone nakuya ku Yelusalema.

Ezela 2:2

Vantwama vavo vapwile, Zelumbambele, na Yoshwa, na Nehemiya, na Selaya, na Lelaya, na Molendekai, na Mbileshane, na Misepale, na Mbingevai, na Lehume, na Mbana. Ou ukewo mukana wa vikota vya Isalele, na vungi vwa vaje vatundile ku cikota na cikota ca vanu vaje velukile kutunda ku vunzinda.

Ezela 2:70

Co vaka-kukombelela, na vaLevi, na vanu vamo vatungile muyehi na Yelusalema, na vaka-kwimba, na vaka-kunyunga ku Njuvo ya Shukulu Kalunga, na vaka-kupanga ku Njuvo ya Shukulu Kalunga vatungile mu vinganda vya kuyehi, co vungi vwa vaIsalele vatungile mu vinganda muje muvakele vakukulwila vavo.

Ezela 5:8

“Yove shukulu zivuka ngeci yetu twaile ku lifuti lya Yunda, co twawanene Njuvo ya Shukulu Kalunga, Njambi uje wakuhyana vanaitungulula na vimbazuvwila vya mamanya akama, co vanaaka laja mikambo mu vivumbe. Vipangi evi valinakuvipanga na vutongwe, co vilinakuya kulutwe mwamuvwa.

Ezela 6:2

Oloni livulu muvasonekele mashiko valiwanene mu nganda ya Ekevatana mu lifuti lya Mendiya mukemwo muvawanene livulu lyakuzenga, mu livulu lije vasonekelemo ngwavo,

Ezela 8:35

Vanu voshe vaje velukile kutunda ku vunzinda vakombelelele vin̄ombelo vyavo vya kwenyeka kuli Njambi ya Isalele. Co vakombelelele vingombe va nkomba likumi na vavali ali Isalele yoshe, na majamba a vimanga makumi atanu na awana na atanu na limo, na vana va vimanga makumi atanu na avali na vatanu na vavali, co lalo vakombelelele vimembe likumi na vavali mukulijelesa ku vuvi. Vimuna voshe ava vavenyekele kupwa n̄ombelo ya kwenyeka kuli Shukulu Kalunga.

Nehemiya 12:1

Ou ukewo mukana wa mazina a vaka-kukombelela na vaLevi vaje velukile kutunda ku vunzinda na Zelumbambele muna Sheyaletiyele amo na Yoshwa Muka-kukombelela Wakama. Vaka-kukombelela vapwile, Selaya, na Njelemiya, na Ezela,

Esita 1:1

Eci calingiwile a matangwa a Sheleshe, uje vene washwanene mafuti akupwa 127, kutunda ku Indiya nakweta ku Sundane.

Esita 1:11

vanene Lishano Vashiti, oku nazala cilongo cendi ca vumwene. Lishano Vashiti wapwile wamuvwa manene, co mwene washakele kumwesa vuvwa vwendi kuli vamyata vendi na kuli vangenzi vendi voshe vaje vakungulukile kuje.

Esita 1:3

Mu mwaka wamucitatu wakushwana kwendi, Sheleshe walingile ciwano ca vamyata vendi voshe, amolika na vakulunu va vipangi. Mashwalale va Pelesha na Mendiya amo na vanguvulu na vaka-kufuka va mu mafuti aje, voshe vakele ku ciwano cije.

Esita 1:8

Co vyakunwa kuvyakele naa avihwila, omwo mwene waanene mashiko kuli vangamba vendi va ku lipela ngeci munu na munu nasa kunwa ngwe mwanashakela vavenya.

Esita 8:9

Co evi vyalingiwile a litangwa lyamumakumi avali na atatu ku ngonde yamucitatu, ngonde ya Sivane. Co Molendekai wasanene vaka-kusoneka va mwene ngeci vasoneke mikanda kuli vaYunda, na kuli vanguvulu, na kuli vaka-kutwamenena, na kuli vamyata voshe vakupwa 127 va mu mafuti kutunda ku Indiya nakutwala ku Sundane. Mikanda ije vaisonekele ku lifuti limo na limo mu lilimi lyavo na mu cifwa cavo cakusoneka na kuli vaYunda lalo mu lilimi lyavo na mu cifwa cavo cakusoneka.

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Njelemiya 50:19

Njikelwisila vanu va Isalele ku lifuti lyavo. Co vakalya vyakulya vije vilinakumena a Munkinda wa Kalemele mu lifuti lya Mbashane, co vakalya vyoshe vije vivashaka ku vimbuto vije vilinakumena mu mafuti a Efalime na Ngilyande.

Mbimbi 1:3

Vanu va mu Yunda vanapu vinzinda, vanaseze membo avo, omwo kayando kakama manene na mapakeso a muuka, valinakuyoya mu mafuti eka, kuvesi na mutambela wavo. Vitozi vavo vanavazengeleka ku mitambela yoshe, noku kuvatewela kwai.

Mbimbi 1:5

Vitozi vendi vanamufungulula, co ali mu mavoko avo. Shukulu Kalunga namunyanyamesa omwo vuvi vwendi vwavungi, vana vendi vanavafungulula nakuvatwala.

Mbimbi 4:22

Siyone natambula fweto yendi ya vuvi, co Shukulu Kalunga kakavatumbika lalo mu vunzinda embwe. Oloni Endome, Shukulu Kalunga akakunyanyamesa nakusholola milonga ya vilinga vyove.

Zefaniya 2:7

Vanu va mu Yunda vaje vasalao vakatambula lifuti lyeni. Vakalisila matanga avo a vimanga kuje, co vakakala mu vinjuvo vya vaka-Ashekelone. Co Shukulu Kalunga Njambi yavo akakala amo navo, co akavavezikisa lalo.

Vilinga vya Miluwa 23:34

Nguvulu walavele uje mukanda nakwihula Paulu ku lifuti kuje kwatundile. Omo wawanene ngeci Paulu watundile ku Silisha,