Ezela 10:6 - Livulu lya Shukulu Kalunga

⁶ Asinoni Ezela watundile kulutwe lwa Njuvo ya Shukulu Kalunga, wakovelele mu njuvo ya Njehohanane muna Elyashimbe, walalele muje vutsiki nakulinyenga omo kukulaela kwa vaje vinzinda. Co kalile nambe kunwa.

Ezela 10:6 Iomraidhean Croise

Ezela 10:1

Omo Ezela wakele nakulombela, nakulitavela, nakulila, nakulyumbila asi kulutwe lwa Njuvo ya Shukulu Kalunga, mbunga yakama ya vaIsalele, vanalume, na vanakazi, na vanike, valikungulwilile kuli ikeye, nakulila manene.

Ezela 10:7

Co vatambekele mutambi mu Yelusalema na mu Yunda mwoshe ngeci voshe vaje velukile kutunda ku vunzinda vakalikungulwile mu Yelusalema,

Ezela 9:4

Njatumbamene kuje mu vusiwa noo simbu ya cingwezi yetele yakukombelela vin̄ombelo, co vanu valikungulwilile kuli yange, voshe vaje vazivile lyova a majwi a Njambi ya Isalele omwo a vuvi vwa vaje velukile kutunda ku vunzinda.

Nehemiya 12:10

Yoshwa wapwile ishe ya Njoyakime, Njoyakime wapwile ishe ya Elyashimbe, Elyashimbe wapwile ishe ya Njoyanda,

Nehemiya 12:22

Livulu lya vakulunu va naanga ya vaLevi na naanga ya vaka-kukombelela valitulikile a simbu ya kuyoya kwa Vaka-kukombelela ava vakama, Elyashimbe, na Njoyanda, na Yonatana, na Njandwa. Co Livulu eli lyahwile omo Ndalyuse wapwile mwene wa Pelesha.

Nehemiya 13:28

Umo wa vana va Njoyanda muna Elyashimbe Muka-kukombelela Wakama, wambatele muna Sanevalate, wa ku limbo lya Mbete Holone, ngecivene, njamushekele mu Yelusalema.

Nehemiya 13:5

Co watavesele Toviya kupangesa mulili wakama uje vapandele lika kutulikilamo milambu ya vimbuto, na insense, na vivala vyakupangesa mu Njuvo ya Shukulu Kalunga, na milambu ya vaka-kukombelela, na vyavulikumi vya vimbuto, na vinyu, na mazi a olive aje vakele nakwana kuli vaLevi, na kuli vaka-kwimba mu Njuvo ya Shukulu Kalunga, na kuli vaka-kunyunga ku Njuvo ya Shukulu Kalunga.

Nehemiya 3:1

Eyi ikeyo ngila ivatungulwile civumbe ca nganda. Elyashimbe Muka-kukombelela Wakama na vakwavo vaka-kukombelela vatungulwile Cikolo ca Vimanga, co vacikundikile, nakwakako vikolo. Co vakundikile civumbe kutunda ku Kaposhi ka Ciita nakweta ku Kaposhi ka Hananele.

Nehemiya 3:20

Mbaluke muna Zavai watungile mutambela wakwatako, nakweta ku vukovelelo vwa njuvo ya Elyashimbe Muka-kukombelela Wakama.

Yombi 23:12

Simbu yoshe njikalingi vije Njambi avishika, co njikalingi cizango cendi, kesi cizango cange embwe.

Myaso 102:4

Mbunge yange inazeye, co inomu cau ngwe mwila, nange kunjesi lalo na cizango cakulya vyakulya.

Kutuuka 34:28

Co Mosesa wakele kuje na Shukulu Kalunga matangwa makumi awana vutsiki na mutanya, kalile vyakulya nameme kunwa mema. Co ikeye wasonekele a vitale majwi a cikumiiyo, akewo Mashiko Likumi.

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Ndanyele 9:3

Co njalombelele manene kuli Shukulu Kalunga Njambi, nakulambelela kuli ikeye, nakulikela kulya, co njazalele cikeleya, nakutumbama mu lito.

Kwituluka mu Mashiko 9:18

Co njalyumbilile asi nakuvulumana ku mesho a Shukulu Kalunga matangwa makumi awana a mutanya na vutsiki. Kunjalile vyakulya nambe kunwa mema. Njalingile eci omwo a vuvi vuje mwalingile ku mesho a Shukulu Kalunga ngeci mwashambeyeye vukalu vwendi.