Ezela 10:3 - Livulu lya Shukulu Kalunga

³ Co ololo tunapande kulinga cikulaeso na Njambi yetu ngeci tukakondola vanakazi ava na vana vavo vavanakiti. Tukalinga vije viwunatunangula yove na veka vaje vasingimika mashiko a Njambi. Co tukalinga ngwe muwashaka Mashiko a Njambi.

Ezela 10:3 Iomraidhean Croise

2 Vimyene 11:17

Yehoyanda wakolesele cikumiiyo akati ka Shukulu Kalunga na mwene amo na vanu ngeci vapwe vanu va Shukulu Kalunga, co lalo walikumiiye cikumiiyo akati ka mwene na vanu.

2 Mizimbu 29:10

“Co ololo njinayongola kulinga cikumiiyo na Shukulu Kalunga, Njambi ya Isalele, ngeci kesi atuluvalele lalo.

2 Mizimbu 30:12

Cizango ca Njambi lalo cakele mu Yunda, co Njambi wavanene mbunge imo ngeci vononoke kukava mashiko a mwene na vamyata vendi.

2 Mizimbu 34:21

“Yeni mukanjihwileko kuli Shukulu Kalunga nakwihwilako vanu ava vanasala mu Isalele na mu Yunda a vilongesa evi vili mu livulu eli livanawana. Shukulu Kalunga naluvala netu omwo vakukulwila vetu kuvasele kulinga vije vivasonekele mu livulu eli.”

2 Mizimbu 34:27

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njinazivile lilombelo lyove,

Ezela 10:11

Ngecivene, ololo, litaveleni vuvi vweni kuli Shukulu Kalunga, Njambi ya vakukulwila veni, nakulinga vije asshaka. Lyangunukeni na vanu va mu lifuti lino, co lalo lyangunukeni na vanakazi vaje kesi vaYunda.”

Ezela 10:44

Vanalume voshe ava vambatele vanakazi kesi vaYunda. Co valyangunukile navo, vavakondwele amolika na vana vavo.

Ezela 10:9

Co a matangwa aje atatu, ku litangwa lyamumakumi avali ku ngonde yamucitanu na viwana, vanalume voshe vaje vakele mu mutambela wa Yunda na Mbenjemani vezile ku Yelusalema, vakungulukilile mushandangala ku Njuvo ya Shukulu Kalunga. Co nyonzi yanyokele, co omwo lisika na vukama vwa cikungulukilo cije, munu na munu wakele nakujaja.

Ezela 9:4

Njatumbamene kuje mu vusiwa noo simbu ya cingwezi yetele yakukombelela vin̄ombelo, co vanu valikungulwilile kuli yange, voshe vaje vazivile lyova a majwi a Njambi ya Isalele omwo a vuvi vwa vaje velukile kutunda ku vunzinda.

Nehemiya 10:1

Wakulivanga kwakao cisateso wapwile nguvulu Nehemiya muna Hakaliya, asinoni Zendekiya. Vaka-kukombelela vapwile,

Nehemiya 8:14

Co vawanene ngeci Mashiko, aje aanene Shukulu Kalunga ali Mosesa, ashikile vanu va Isalele, kukala kasimbu lika mu mapapela a simbu ya Ciwano ca Mapapela.

Nehemiya 9:38

Omwo a evi vyoshe vije vinalingiwa, yetu vanu va Isalele, tulinakulinga lizivasano lyakukola lyakusoneka, co vantwama vetu, na vaLevi vetu, na vaka-kukombelela vetu vasateleo visateso vyavo.

Myaso 119:120

Njijaja manene omo njikuyongola, njili na lyova lya kusompa kwove.

Myaso 119:59

Njayongola yoyesi yange, co njikulaesa kunyunga mashiko ove.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Isaya 8:20

Co yeni vakumbululeni ngweni, “Tolilileni ku vije vyamilongesa Shukulu Kalunga! Kesi mutolilile kuli vaka-kwendeka na vakulu mbwe, vije vivamileka kuvyasa kumikwasa.”

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Kwituluka mu Mashiko 29:12

Munemana kuno ku litangwa lya lelo mukulikumiiya cikumiiyo na Shukulu Kalunga Njambi yeni, cikumiiyo cije cakusatesa na cisingo,

Yoshwa 9:6

Ngecivene, vaile kuli Yoshwa ku cilombo ku Ngilingale vendekele kuli ikeye na kuli vanalume va vaIsalele ngwavo, “Yetu tutunda ku lifuti lya kulyala. Tushaka tulikumiiye cikumiiyo neni.”