Ezela 10:11 - Livulu lya Shukulu Kalunga

¹¹ Ngecivene, ololo, litaveleni vuvi vweni kuli Shukulu Kalunga, Njambi ya vakukulwila veni, nakulinga vije asshaka. Lyangunukeni na vanu va mu lifuti lino, co lalo lyangunukeni na vanakazi vaje kesi vaYunda.”

Ezela 10:11 Iomraidhean Croise

2 Mizimbu 30:22

Co Hezekiya washangazalele vaLevi a mana avo akupangela mwamuvwa Shukulu Kalunga. Omo kuneti matangwa atanu na avali vakombelelele vin̄ombelo nakushangazala Shukulu Kalunga, Njambi ya vakukulwila vavo,

Ezela 10:10

Co Ezela muka-kukombelela wemanene nakwendeka kuli vakevo ngwendi, “Munapokola lishiko omwo akwambata vanakazi veka, co munanena mulonga a Isalele.

Ezela 10:12

Co vanu vakumbulwile nakutambeka ngwavo, “Mukemwo, tukalinga vyoshe evi viwunendeka.”

Ezela 10:3

Co ololo tunapande kulinga cikulaeso na Njambi yetu ngeci tukakondola vanakazi ava na vana vavo vavanakiti. Tukalinga vije viwunatunangula yove na veka vaje vasingimika mashiko a Njambi. Co tukalinga ngwe muwashaka Mashiko a Njambi.

Ezela 9:1

Omo vyoshe evi vinahu, vantwama vamo va vanu va Isalele vezile nakunjileka ngwavo vanu va Isalele, na vaka-kukombelela, na vaLevi kuvalyangunukile na vanu va mu mafuti a Amoni, na Mowavi, na Ingito, nambe na vaKanana, na vaHiti, na vaPelezi, na vaNjevushi, na vaAmoli. Vakele nakulinga vyuma vya vunyengwe ngwe vije vivalingile vanu vaje.

Nehemiya 13:3

Omo vanu va Isalele vavalavelele lishiko eli, co vatundisile vaka-kwija voshe akati kavo.

Nehemiya 9:2

Vakevo valyangunukile laja na vaka-kwija voshe. Vazalele vikeleya nakulishuwila livu ku mitwe yavo kupwa cimweso cakuviilila. Asinoni vemanene nakulitavela vivi vije vivalingile vakevo na vakukulwila vavo.

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Isaya 56:4

Shukulu Kalunga alinakwendeka kuli munalume wa cifwa cangacije ngwendi, “Nga unjisingimika nakunyunga Litangwa Lyakuhwima, co nga ulinga vije vinjivwaelelesa nakunyunga cikumiiyo cange,

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 7:3

Valeke ngwove Shukulu Kalunga Muka-nzili yoshe, Njambi ya Isalele nendeka ngwendi, ‘Tengulukeni ku vingila vyeni na vilinga vyeni, co njikamitavesa kukala mu mwela uno.’

Ezekiyele 18:30

Shukulu Kalunga wa Akamwa ya Vyoshe alinakwendeka ngwendi, “Ngecivene, yange Kalunga wa Akamwa ya Vyoshe, njilinakumileka yeni vaIsalele ngwange, njikasompa munu na munu a vije vyanalingi. Tengulukeni mutunde ku vuvi vweni vwoshe vuje vumulinakulinga, kesi mutave vuvi vuminyongese.

Yowano 9:24

Ngecivene, vasanene uje munalume wapwile kapuputwa lwamucivali vamwihwile ngwavo, “Kulaesa ku mesho a Njambi ngeci wendeka vushunga! Tunazivuka ngwetu munalume ou nakutonesa napu muka-vuvi.”

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

VaHevelu 13:21

amyane vyuma vyoshe vyavivwa vije munajeneka ngeci mulinge cizango cendi, ngeci apange muli yeni vije vimuvwaelelesa ali Yesu Kilistu. Co kuli ikeye kukale vumpau ku myaka na myaka! Ewa.

Yoshwa 7:19

Asinoni Yoshwa wendekele kuli ikeye ngwendi, “Munange, endeka vushunga ku mesho a Shukulu Kalunga Njambi ya Isalele, co litavele. Njileke evi viwunalingi. Kesi unjishwekelevyo.”