Ezela 1:6 - Livulu lya Shukulu Kalunga

⁶ Vandambo vavo voshe vavakwasele, co vavaanene vyuma vyavingi, malonga a siliva, na ngolinde, na vivala, na vimuna vakwambata vivala, na vyuma vikwavo lalo vya seo, na vin̄ombelo vya mu Njuvo ya Shukulu Kalunga.

Ezela 1:6 Iomraidhean Croise

1 Mizimbu 29:9

Co vanu vaanene na cizango kuli Shukulu Kalunga, cavavwasele manene akumona ngeci vanana vyavingi. Co mwene Ndaviti lalo nendi wavwaelelele manene.

Ezela 1:4

Nga vanu vendi vamo vaje vali mu vunzinda vashaka vukwasi ngeci veluke, co vandambo vavo vanapande kuvakwasa siliva, na ngolinde, na vivala, na vimuna vakwambata vivala, na vin̄ombelo vya kulitombola vya mu Njuvo ya Shukulu Kalunga Njambi ili mu Yelusalema.”

Ezela 8:33

Asinoni a litangwa lyamuciwana twaile ku Njuvo ya Shukulu Kalunga, twapeselesele siliva, na ngolinde, na vivala, co twavyanene kuli Melemote muka-kukombelela, muna Uliya. Ikeye wakele amo na Elyazale muna Finehase na vaLevi vavali, mazina avo, Yozavande muna Njeshuwa, na Noandiya muna Mbinui.

Nehemiya 6:9

Vashakele kutuzivisa lyova tuvavoshe ngeci vipangi vimane. Co njalombelele ngwange, “Ololo, Shukulu Njambi, njipwise muka-nzili!”

Myaso 106:46

Shukulu Kalunga walingisile vitozi kuzivilako vanu vendi mema ku mbunge.

Myaso 110:3

A litangwa lije ukalwisa vitozi vove, mashwalale vove vakakala na cizango cakulwa. Ngwe mbundu ya mutondo-tondo, vakwenje vove vakaija kuli yove a malundu akujela.

Kutuuka 12:35

Co vaIsalele valingile ngwe mwavalekele Mosesa, valombele vaka-Ingito vyakuzala vya senga vya ngolinde na siliva na vuzalo lalo.

Kutuuka 12:36

Shukulu Kalunga walingisile vaka-Ingito kusingimika vanu va Isalele kuvana vije vivavalombele. Mu ngila eyi mukemwo vaIsalele vambatele vufuko vwa vaka-Ingito.

Isaya 35:3

Koleseni mavoko aje anazeye, co takameseni mavuli aje akuvotsiya.

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.