Ezela 1:4 - Livulu lya Shukulu Kalunga

⁴ Nga vanu vendi vamo vaje vali mu vunzinda vashaka vukwasi ngeci veluke, co vandambo vavo vanapande kuvakwasa siliva, na ngolinde, na vivala, na vimuna vakwambata vivala, na vin̄ombelo vya kulitombola vya mu Njuvo ya Shukulu Kalunga Njambi ili mu Yelusalema.”

Ezela 1:4 Iomraidhean Croise

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

1 Mizimbu 29:3

Co lalo akamwa yevi vyoshe njinalingi, njinaana siliva na ngolinde vyakutunda ku vufuko vwange, omwo ya cizemo cange a Njuvo ya Shukulu Kalunga Njambi.

1 Mizimbu 29:9

Co vanu vaanene na cizango kuli Shukulu Kalunga, cavavwasele manene akumona ngeci vanana vyavingi. Co mwene Ndaviti lalo nendi wavwaelelele manene.

2 Mizimbu 31:14

Co Kole muna Imena, kaLevi ikeye wapwile muka-kunyunga ku Cikolo ca mu Ngangela ku Njuvo ya Shukulu Kalunga, ikeye wapwile mukulunu wakumona milambu ije ivaanene kuli Shukulu Kalunga nakuyipangazela.

Ezela 1:3

Ngecivene, ololo, yeni voshe vaje munapu vanu va Njambi, yeniko, co Shukulu Kalunga Njambi ya Isalele, Njambi uje ivalemesa mu Yelusalema akale amo neni.

Ezela 1:5

Asinoni vakulunu va vikota vya miyati ya Yunda na Mbenjemani, na vaka-kukombelela, na vaLevi, na vanu voshe vaje wakasumwisile Njambi vimbunge vyavo, vaile nakutungulula Njuvo ya Shukulu Kalunga mu Yelusalema.

Ezela 9:15

Yove Shukulu Kalunga Njambi ya Isalele, yove muka-vushunga, yove unatava ngeci yetu tuyoye. Tulitavela mulonga wetu kuli yove, kutwapandele kwimana ku mesho ove.”

Kutuuka 35:29

Co vanu voshe va Isalele, vanalume na vanakazi, vaje vimbunge vyavo vyavasindiiye, vanenele milambu yavo ya cizango kuli Shukulu Kalunga yakupangesa vipangi vyoshe ngwe muje mwashikile Shukulu Kalunga Mosesa kulingamo.

Isaya 10:21

Vanu va Isalele vavandondo likae vakeluka kuli Njambi yavo Muka-nzili yoshe.

Vilinga vya Miluwa 24:17

“Omo njatundile ku Yelusalema myaka yaingi, njelukileko kutwala vimbongo kuli vanu vange nakukakombelela vin̄ombelo.

Ngalatiya 6:2

Likwaseni kulyambatela vitele umo na mukwavo, co mu ngila eyi mukononoka lishiko lya Kilistu.