Ezela 1:2 - Livulu lya Shukulu Kalunga

² “Eli likelyo lishiko lya Siluse, mwene wa Pelesha. Shukulu Kalunga, Njambi wa Mwilu, ikeye nanjipwisa muka-kushwana kaye koshe, co nanjana moko yakumutungila Njuvo mu Yelusalema mu Yunda.

Ezela 1:2 Iomraidhean Croise

1 Vimyene 8:27

“Oloni yove Njambi kumani wasa kukala asi ndi? Inonwa mwilu mwoshe kuwasa kufwamo, co vatijo Njuvo eyi njinakutungila ufwamo ndi?

2 Mizimbu 2:12

Shangazaleni Shukulu Kalunga Njambi ya Isalele, uje watangele lilu na asi, co naana Mwene Ndaviti mwana wa mana, wakushula nakuzivisisa na vutongwe, uje ali na vutumbe vwakutunga Njuvo ya Shukulu Kalunga Njambi, na lipela lyendi vavenya.

Ezela 1:5

Asinoni vakulunu va vikota vya miyati ya Yunda na Mbenjemani, na vaka-kukombelela, na vaLevi, na vanu voshe vaje wakasumwisile Njambi vimbunge vyavo, vaile nakutungulula Njuvo ya Shukulu Kalunga mu Yelusalema.

Ezela 3:7

Vanu vecele vimbongo vyakufweta vaka-kushonga mamanya, na vaka-kushonga, co vaanene vyakulya, na vyakunwa, na mazi a olive kuli vanu va ku Tile, na Sindone, nakulandakana na miti ya kendale ya ku Lembanone, ngeci vavinene na mema a kalunga ku Yopa. Vyoshe evi vavilingile na lisesa lya kuli mwene Siluse wa Pelesha.

Ezela 4:3

Oloni Zelumbambele, na Yoshwa, na vakulunu va vikota vavalekele ngwavo, “Kutushaka ngeci mutukwase kutunga Njuvo ya Shukulu Kalunga, Njambi yetu. Tukaitunga yetu vavenya, ngwe mwatushikile Siluse mwene wa Pelesha.”

Ezela 5:15

Co mwene wamulekele ngeci avyambate nakuviilwisa ku Njuvo ya Shukulu Kalunga ku Yelusalema, nakutungulula Njuvo ya Shukulu Kalunga ku mwela uje vene kuyakele laja.

Ezela 6:10

Evi vinapande kulingiwa ngeci vakombelele vin̄ombelo vije vyatambula Njambi wa Mwilu nakulomba vivezikiso vyendi viije ali yange na ali vana vange va vanalume.

Ezela 6:3

“Mu mwaka wakulivanga wa kushwana kwendi, mwene Siluse washikile ngeci Njuvo ya Shukulu Kalunga mu Yelusalema vaitungulule kupwa mwela kuje vakakombelela nakwenyekela vin̄ombelo. Co Njuvo ya Shukulu Kalunga ikapwe mamita makumi avali na atanu na avali mu vulaja vwa akamwa, na mamita makumi avali na atanu na avali mu vwihi.

Ezela 7:12

“Yange Mwene Aletasheleshe njilinakusoneka mukanda ou kuli Ezela muka-kukombelela na muka-kulilongesa Mashiko a Njambi wa Mwilu.

Nehemiya 1:4

Omo njazivile vyoshe evi, njatumbamene asi nakulila. Njalilile matangwa amangi kujeneka kulya. Co njalombelele kuli Njambi ngwange,

Nehemiya 1:5

“Yove Shukulu Kalunga Njambi wa mwilu! Yove Njambi wakama, wakujujwisa. Yove muka-kunyunga cikumiiyo na cizemo cije kucesi kutenguluka kuli vaje vakuzema nakunyunga mashiko ove.

Myaso 136:26

Kandeleleni kuli Njambi wa mwilu, omwo cizemo cendi cije kucesi kutenguluka cakala ku myaka yoshe.

Myaso 85:2

Yove unasambesa vanu vove ku vuvi vwavo, nakuzimangana kupenga-penga kwavo kwoshe.

Visimo 21:1

Mbunge ya mwene yakala mu livoko lya Shukulu Kalunga, akayendesa ngwe muje mwakendesa mema a mu muta.

Isaya 41:2

“Iyajo uje wanenele Siluse mwene wa Pelesha kutunda mu ngangela nakumuhyanesa kwoshe kuje aya? Iyajo alinakumwasesa ngeci afungulule vimyene na miyati ya vanu? Mukwale wendi uvapwisa ngwe likungu lyangoco. Mikili yendi ivashandola ngwe mwila ushandoka na lihunzi!

Isaya 44:26

Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Isaya 44:28

Njendeka kuli Siluse ngwange, ‘Yove ukatwamenena vanu vange, ukalinga vije vinjinashakele kulinga, ukashika ngeci Yelusalema vaitungulule, na luvula lwa Njuvo ya Shukulu Kalunga valujale.’ ”

Isaya 45:1

Shukulu Kalunga naangula Siluse kupwa mwene! Namwangula kufungulula mafuti, namutumu kutundisa nzili ya vimyene, Shukulu Kalunga akamushokolwela vikolo vya vinganda. Shukulu Kalunga alinakwendeka kuli Siluse ngwendi,

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Njelemiya 10:11

(Yeni vanu munapande kuvaleka ngweni vinjambi vaje kuvatangele kaye na lilu vakanyonga. Nakumo kwai kuvakakala ano asi.)

Njelemiya 27:5

“Yange njatangele kaye, na vanu, na tusitu, vaje vali ano asi, na nzili yange yakama na livoko lyange lyakwolola, co njivyana kuli munu uje injashaka.

Njelemiya 29:10

“Shukulu Kalunga alinakwendeka ngwendi, ‘Omo myaka yakukala mu Mbambilone makumi atanu na avali inahu, co njikakala na ngozi neni nakunyunga cikulaeso cange cakumiilwisila lalo kwimbo.

Ndanyele 1:21

Co Ndanyele wakele mu mbanja ya vumwene noo Siluse mwene wa Pelesha wafungulwile Mbambilone.

Ndanyele 2:21

Akatengulula visimbu na myaka, atumbika vimyene nakutundisa vimyene. Akana mana nakuzivisisa.

Ndanyele 2:28

Oloni kwali Njambi lika uje ali mwilu, uje asa kujombolola mahungu. Njozi iwalotele yapwile yakukunangula yove shukulu vyuma vije vikalingiwa kulutwe. Ngecivene, ololo njikuleka njozi yove, na cimona cije ciwamwene omo walalele.

Ndanyele 4:25

Vakakusheka kukutundisa kuli vanu, co ukakala amo na tusitu. Ukalya mwila ngwe ngombe, nakulala anja, co ukajula na lime myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.

Ndanyele 4:32

Vakakusheka kuli vanu, co ukakala amo na tusitu, ukalya mwila ngwe ngombe myaka itanu na ivali. Asinoni ukazivuka ngwove Njambi wa Akamwa ya Akamwa ali na nzili a vumwene vwoshe vwa vanu, co asa kwana vumwene kuli woshe uje yashaka.”

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ndanyele 6:25

Asinoni Mwene Ndalyuse wasonekelele vanu va ka mafuti oshe na miyati yoshe ya vanu na vanu vaka-kwendeka mu vindaka vyoshe va ano asi ngwendi, “Ciindu kuli yeni voshe!

Yona 1:9

Yona wavakumbulwile ngwendi, “Yange nji kaHevelu. Njikalemesa Shukulu Kalunga, Njambi wa mwilu, uje watangele mema a kalunga na kaye.”