Ezekiyele 9:2 - Livulu lya Shukulu Kalunga

² Co vwasi-vwasi vanalume vatanu na umo vezile kutundilila ku cikolo ca ku kunto ca ku Njuvo ya Shukulu Kalunga, umo na umo wambatele citwa cendi ca vushungu. Akati kavo akele munalume umo wazalele vuzalo vwa linyu, wambatele cisonekeso. Voshe vakovelele mu Njuvo ya Shukulu Kalunga vemanene kuyehi na mutula wa vunengu.

Ezekiyele 9:2 Iomraidhean Croise

2 Vimyene 15:35

Oloni katundisile ije mitambela vakele nakulemesela vaje vaka-kujeneka kukulaela, co vanu vakele nakukombelelako vin̄ombelo nakwenyekelako insense. Yotame ikeye watungile Cikolo ca ku Kunto ca ku Njuvo ya Shukulu Kalunga.

2 Mizimbu 27:3

Yotame ikeye watungile Cikolo ca ku Kunto ca ku Njuvo ya Shukulu Kalunga, co watungilileko lalo cipango ca Ofele.

2 Mizimbu 4:1

Mwene Solomoni watungile mutula wa vunengu, wapwile mamita atanu na awana mu vwihi, co mu vulaja wapwile mamita awana na litambelo.

Kutuuka 40:29

co kulutwe lwa livamba waakeleko mutula wakwenyekela milambu. Wakombeleleleo milambu ya kwenyeka na milambu ya vimbuto, ngwe muje mwamushikile Shukulu Kalunga.

Njelemiya 1:15

omwo njilinakusana miyati yoshe ya vanu vali ku kunto vaije. Vimyene vavo vakatumbika nakuzengeleka matanda avo ku vikolo vya Yelusalema na ku vivumbe vyayo, co lalo vakazengeleka vinganda vikwavo vya mu Yunda.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 26:10

Omo vantwama va mu Yunda vazivile vije vyalingiwile, co vazambwile kutunda ku lipela nakuya ku Njuvo ya Shukulu Kalunga, nakutumbama mu myela yavo ku Cikolo Caciha.

Njelemiya 4:6

Junduleni pandelo muleke vanu vaye ku Siyone! Yeni mukavande! Kesi mwishwale embwe! Shukulu Kalunga alinakunena tuyando twakama, nakunyongesa kwakama kutunda ku kunto.

Ezekiyele 10:2

Co Njambi wendekele kuli uje munu wazalele vuzalo vwa nanga ya linyu ngwendi, “Ya mukati ka mavalo mwisi ya vaje vikashama, shulisa mavoko ove na manungu a tuhya. Asinoni shandwela manungu akamwa ya nganda.” Co njamukengelelele omo waile.

Ezekiyele 8:3

Wolwele cuma cafwile ngwe livoko, wanjikokele ku vin̄ambu. Co mu cimona eci vene, Munzinzime wa Njambi wanjijundwile mu mukambwila, wanjitwalele ku Yelusalema. Wanjitwalele mukati ka cikolo ca ku kunto ca Njuvo ya Shukulu Kalunga, kuje kwakele kamponya ka vunyengwe kaje kaluvalesele Njambi.

Ezekiyele 9:11

Asinoni munu uje wazalele nanga ya linyu, waile nakwambulula kuli Shukulu Kalunga ngwendi, “Njinalingi ngwe muwanjishikile.”

Ezekiyele 9:3

Co vumpau vwa Njambi ya Isalele vwatuukile ku vakelumbi, vwezile ku cikolo ca Njuvo ya Shukulu Kalunga. Co Shukulu Kalunga watambekele kuli munalume uje wazalele nanga ya linyu ngwendi,

Ndanyele 10:5

Njakengele, co njamwene munalume umo wazalele vuzalo vwa linyu na mwiva wa ngolinde yaivwa.

Ndanyele 12:6

Co umo wendekele kuli uje wazalele vuzalo vwa linyu, uje wakele sambwa lije lya ndonga ngwendi, “Kukaita simbu ingaijo ngeci vikomokeso evi vikahwe?”

VaLevi 16:4

“Omo Alone kanda acikovele mu Mwela Wakujela Manene, napande kujwela a muvila wendi nakuzala vuzalo vwa vuka-kukombelela na cikoveyo cacilaja cakujela ca linyu na kaputula na mwiva na kalupusa.

Amose 9:1

Njamwene Shukulu Kalunga nemana kumukulo wa mutula. Co washikile lishiko ngwendi, “Pupeni manene mitwe ya vimanda vya Njuvo yange ngeci vipamba vijaje. Vipokozoleni ngeci viwile a mitwe ya vanu. Co njikatsiila mu nzita vanu vaje vakasalao. Naumo wai akasalao, naumo wai akaputumuka.

Kujombolola 15:6

Na tungelo vaje vatanu na vavali vakele na tuyando twakumanesela vatuukile mu Njuvo ya Shukulu Kalunga, vazalele vuzalo vwakujela vwakutoka vwa linyu, na miva ya ngolinde vaikutile ku vinulo vyavo.