Ezekiyele 8:3 - Livulu lya Shukulu Kalunga

³ Wolwele cuma cafwile ngwe livoko, wanjikokele ku vin̄ambu. Co mu cimona eci vene, Munzinzime wa Njambi wanjijundwile mu mukambwila, wanjitwalele ku Yelusalema. Wanjitwalele mukati ka cikolo ca ku kunto ca Njuvo ya Shukulu Kalunga, kuje kwakele kamponya ka vunyengwe kaje kaluvalesele Njambi.

Ezekiyele 8:3 Iomraidhean Croise

1 Vimyene 18:12

Cikapwa vati nga Munzinzime wa Shukulu Kalunga akutwala ku mutambela weka uje kuuzivuka omo njikuseza ano vene? Co omo njikaleka Ahave ngwange uli kuno, co nga kakuwanako, co akanjitsiya. Anuka ngeci yange njinapu muka-kulemesa Shukulu Kalunga na mbunge yange yoshe tunde ku vwanike vwange.

2 Vimyene 16:14

Co mutula wa vunengu uje uvakundikile kuli Shukulu Kalunga wakele akati ka mutula wauha na Njuvo ya Shukulu Kalunga, ngecivene, Ahaze waakele uje mutula ku kunto ya mutula wendi wauha.

2 Vimyene 2:16

co vendekele ngwavo, “Yetu tunapu makumi atanu, tuvavoshe tunapu vanalume va nzili. Tuye tukashakezeke shukulu yove. Amo munzinzime wa Shukulu Kalunga unamutwala kulyala, co unamuseze a munkinda nambe mu cana.” Elisha wavakumbulwile ngwendi, “Embwe, kesi muyeko.”

2 Vimyene 21:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

Myaso 78:58

Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Kutuuka 20:4

“Kesi mukalishongele cifwa ca cuma cimo cili mwilu, nambe cili ano asi, nambe cili mu mema mwisi ya asi.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kutuuka 34:14

“Ngecivene, kesi mukalemese njambi weka lalo, omwo yange Kalunga, njapwa Njambi wa lifuwa.

Njelemiya 32:34

Vanaaka tumponya tuje tunjazinda mu Njuvo yange, mwela uje njatumbwile ngwange mukemwo vakanjilemesela, co vanaijwalesa.

Njelemiya 7:30

“Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Ezekiyele 1:1

A litangwa lyamucitanu ku ngonde yamuciwana ku mwaka wamumakumi atatu, yange Ezekiyele muka-kukombelela, muna Mbuzi, njakele amo na vaYunda vaje vakele mu vunzinda ku Ndonga ya Kevale mu Mbambilone. Lilu lyashokolokele, co njamwene cimona ca Njambi.

Ezekiyele 10:3

Vikashama vemanene mu mbwela ya Njuvo ya Shukulu Kalunga, omo wakovelelemo, co lishelwa lyashulisile mukati ka cipango.

Ezekiyele 11:1

Munzinzime wa Njambi wanjijundwile nakunjitwala ku cikolo ca mu ngangela ca ku Njuvo ya Shukulu Kalunga. Co kuyehi na cikolo njamwene vanalume makumi avali na vatanu, amo na Njazaniya muna Azule na Pelatiya muna Mbenaya, vantwama vavali va muyati.

Ezekiyele 11:24

Mu cimona, Munzinzime wa Njambi wanjijundwile nakunjiilwisila lalo ku vinzinda ku Mbambilone. Asinoni cije cimona njamwene caile,

Ezekiyele 2:9

Njamwene livoko lyakwolola liija kuli yange, lyakwatele livulu lyakuzenga.

Ezekiyele 3:12

Asinoni Munzinzime wa Njambi wanjijundwile, co njazivile lijwi lyakuluma manene munima yange lyendekele ngwalyo, “Shangazaleni vumpau vwa Shukulu Kalunga vuli mwilu!”

Ezekiyele 3:14

Asinoni Munzinzime wa Shukulu Kalunga wanjijundwile nakunjambata, co njaluvalele nakuviilila.

Ezekiyele 37:1

Nzili ya Shukulu Kalunga yezile ali yange, co Munzinzime wendi wanjitwalele ku cimbongo cije cashulile na vitsiya.

Ezekiyele 40:2

Mu cimona Njambi wanjitwalele ku lifuti lya Isalele, co wakanjakele a munkinda waulaja. Njamwene kulutwe lwange vinjuvo vyavingi vyasholokele kufwa ngwe nganda.

Ezekiyele 43:5

Munzinzime wa Shukulu Kalunga wanjijundwile nakunjitwala mu cipango ca mbanja ca mukati, co kuje njamwene vumpau vwa Shukulu Kalunga vwashulisile Njuvo yendi.

Ezekiyele 43:8

Vimyene vatungile vipamba na vivuliko vya vinganda vyavo kushungama na vipamba na vivuliko vya Njuvo yange, ngeci civumbe lika catwangunwine akati ketu. Vashawile lizina lyange lyakujela akulinga vyuma vyoshe vya vunyengwe, cooni mu vukalu vwange njavanyongesele.

Ezekiyele 5:11

“Ngecivene, ngwe omo njapwa Njambi wakuyoya, eli likelyo lijwi lya Shukulu Kalunga wa Akamwa ya Vyoshe, omwo mwajwalesele Njuvo yange na vuvi vwoshe, na vyuma vya vunyengwe vije vimwalingile, njikamikengesa nima kujeneka kumizivila mema ku mbunge.

Ezekiyele 7:20

Valyalesele na vuvwa vwa mamanya avo a seo, oloni vavipangesele mukulinga tumponya twa vunyengwe. Omu mukemwo Shukulu Kalunga walingisile vufuko vwavo kupwa vunyengwe kuli vakevo.

Ezekiyele 8:5

Njambi wendekele kuli yange ngwendi, “Muna munu, kenga ku kunto.” Co njakengeleko, kuje kuyehi na mutula, ku vukovelelo vwa ngila ya ku cikolo, njamwene kamponya ka vunyengwe kaje kaluvalesele Njambi.

Ezekiyele 9:2

Co vwasi-vwasi vanalume vatanu na umo vezile kutundilila ku cikolo ca ku kunto ca ku Njuvo ya Shukulu Kalunga, umo na umo wambatele citwa cendi ca vushungu. Akati kavo akele munalume umo wazalele vuzalo vwa linyu, wambatele cisonekeso. Voshe vakovelele mu Njuvo ya Shukulu Kalunga vemanene kuyehi na mutula wa vunengu.

Ndanyele 10:10

Asinoni livoko lyanjikwatele nakunjimika, oloni anga njakele nakujaja vene.

Ndanyele 10:18

Co wanjikwatele lalo, asinoni njakele na nzili.

Ndanyele 5:5

Vwasi-vwasi livoko lya munu lyasholokele, co lyashangumukile kusoneka a civumbe ca lipela cakusalimba, ku mutambela wa civumbe kuje kwakele ceke cakama. Omo mwene wamwene livoko lilinakusoneka a civumbe,

Vilinga vya Miluwa 8:39

Omo vajavulukile mu mema, Munzinzime wa Shukulu Kalunga watwalele Filipu kweka. Co uje mukulunu kamumwene lalo, oloni waile vungenzi vwendi nakuvwaelela manene.

Kwituluka mu Mashiko 32:16

Vashangumwine lifuwa lya Shukulu Kalunga akulemesa tumponya, co vamuluvalesele na vilinga vyavo vya vunyengwe.

Kwituluka mu Mashiko 32:21

Vananjiluvalesa na tumponya twavo, nakunjilingisa lifuwa na vinjambi vavo va makuli, vinjambi vaje kesi vinjambi va vushunga embwe. Ngecivene, njikashangumwina vaIsalele muyati wa vanu veka ngeci vavaluvalese, co njikavashangumwina lifuwa na muyati wa vulema.

Kwituluka mu Mashiko 4:24

Omwo Shukulu Kalunga Njambi yeni wapwa ngwe tuhya twakunyongesa, ikeye Njambi wa lifuwa, katava kulipandakana na vinjambi veka.

Kwituluka mu Mashiko 5:9

Kesi mukatsikamene tumponya, nambe kuvalemesa, omwo yange njapwa Kalunga Njambi yeni, Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kwituluka mu Mashiko 6:15

Kesi mukalemese vinjambi veka, kutewa mukashambeya vukalu vwa Shukulu Kalunga Njambi yeni, omwo Shukulu Kalunga Njambi yeni, ou ali akati keni, ikeye Njambi wa lifuwa, co akaminyongesa njwa.

Yoshwa 24:19

Co Yoshwa wendekele kuli vanu va Isalele ngwendi, “Oloni kumukasa kupangela Shukulu Kalunga, omwo ikeye wapwa Njambi wakujela, co ikeye wapwa Njambi wa lifuwa. Ikeye kakamisambesa ku vuvi vweni na ku milonga yeni,