Ezekiyele 8:18 - Livulu lya Shukulu Kalunga

¹⁸ Vakaziva nzili yoshe ya vukalu vwange. Kunjikavecelela ngoco, nambe kuvazivilako mema ku mbunge. Vakalombela nakutambeka kuli yange ngwe muvasela, oloni kunjikavatolilila.”

Ezekiyele 8:18 Iomraidhean Croise

Visimo 1:28

Asinoni mukasana mana, oloni kunjikamikumbulula, mukanjishakezeka noku-noku, oloni kumukanjiwana.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 59:1

Kesi muyongole ngweni Shukulu Kalunga wapwa wakuzeya manene mukumyamena, nambe wapwa kasinda-matwi manene mukuziva malombelo eni ngeci amikwase embwe!

Isaya 59:2

Oloni vuvi vweni vukevwo vunamyangununa na Njambi yeni. Njambi kesi kuziva malombelo eni omwo vuvi vweni.

Njelemiya 11:11

Ngecivene, ololo, yange Kalunga, njivaleka ngwange njikanena tuyando ali vakevo tuje kuvakasa kuputumuka. Nameme vakatambeka kuli yange, oloni kunjikavatolilila embwe.

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Njelemiya 23:39

mwa vushunga vene njikavambata, co njikavombila kuti, amolika na vakevo na nganda ije injanene kuli vakevo na kuli vakukulwila vavo.

Njelemiya 44:3

omwo vanu vamwo valingile vuvi, co vanjiluvalesele. Vanakombelela vin̄ombelo ku vinjambi veka, nakupangela vinjambi vaje nambe vakevo, nambe yeni, nambe vakukulwila veni kuvavalemesele.

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Mbimbi 1:5

Vitozi vendi vanamufungulula, co ali mu mavoko avo. Shukulu Kalunga namunyanyamesa omwo vuvi vwendi vwavungi, vana vendi vanavafungulula nakuvatwala.

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Ezekiyele 16:42

Asinoni vukalu vwange vukahwa, njikoloka kuluu. Kunjikaluvala lalo nambe kulinga lifuwa.

Ezekiyele 23:25

Omo njinaluvala nove, vukalu vwavo vukaija ali yove. Co vakavatula lijulu lyove na matwi ove nakutsiya vana vove. Eyo, vakambata vana vove va vanalume na ava va vanakazi, co vakavenyeka mu tuhya.

Ezekiyele 24:13

Yove Yelusalema, vilinga vyove vya vupangala vinakujwalesa. Nameme njesekele kukujelesa, anga vene wajwalele. Yove kuukajele lalo kuvanga noo unazivi vukalu vwange.

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Ezekiyele 9:5

Co njazivile Njambi endeka lalo kuli vaje vanalume vakwavo ngwendi, “Mukaveni mu nganda, co tsiyeni. Kesi musezeo munu, kesi muzivileo munu umo mema ku mbunge.

Mika 3:4

Simbu ilinakwija omo mukalilila kuli Shukulu Kalunga, oloni kakamikumbulula, kakatolilila ku malombelo eni, omwo munalingi vuvi.

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Zakaliya 1:2

Co Shukulu Kalunga Muka-nzili yoshe walekele Zakaliya kwendeka kuli vanu ngwendi, “Yange Kalunga, njaluvalele manene na vakukulwila veni,

Zakaliya 7:13

Omwo kuvatolililile omo njendekele, co kunjavakumbulwile omo valombelele.

Luka 13:25

Omwo vavenya njuvo akemana nakushoka lipito, cooni omo mukemana anja nakutota a lipito ngweni, ‘Shukulu, tushokolweleko!’ Co akamikumbulula ngwendi, ‘Kunjizivuka oku kumutunda.’

1 Samwele 8:18

A litangwa lije, mukatatoka manene omwo mwene yeni uje imunalyangwila, oloni Shukulu Kalunga kakatolilila kukulinyenga kweni embwe.”