Ezekiyele 8:13 - Livulu lya Shukulu Kalunga

¹³ Asinoni Shukulu Kalunga wendekele kuli yange ngwendi, “Ukavamona valinga vyuma vya vunyengwe manene kutuvakana evi.”

Ezekiyele 8:13 Iomraidhean Croise

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Ezekiyele 8:12

Co Njambi wanjihwile ngwendi, “Muna munu, wamono vije valinakulinga mu vushweke vantwama va vaIsalele ndi? Voshe valinakulemesela mu mulili muje munashulu na vifwa vya tumponya. Valyola malambi ngwavo, ‘Shukulu Kalunga katumono! Ikeye naseze lifuti.’ ”

Ezekiyele 8:14

Ngecivene, wanjitwalele ku cikolo ca ku kunto ca mu Njuvo ya Shukulu Kalunga, wanjimwesele vanakazi vakele nakulila kutsa kwa njambi Tamuze.

Ezekiyele 8:15

Ikeye wehwile ngwendi, “Muna munu, unamono evi ndi? Ukamona vyuma vya vunyengwe manene.”

Ezekiyele 8:6

Njambi wendekele kuli yange ngwendi, “Muna munu, wamono vije vilinakulingiwa ndi? Kenga ku vyuma vya vunyengwe vije vivalinakulinga vanu va Isalele kuje, valinakunjishekela kulyala manene kutunda ku mwela wange wakujela. Ukamona vyuma vya shwamwa manene kutuvakana evi.”

2 Timateo 3:13

co vanu vaka-vuvi na vaka-manseno vakatwalelelao kulinga vuvi manene, nakukwisa vakwavo nakulikwisa vakevo vavenya.