Ezekiyele 8:12 - Livulu lya Shukulu Kalunga

¹² Co Njambi wanjihwile ngwendi, “Muna munu, wamono vije valinakulinga mu vushweke vantwama va vaIsalele ndi? Voshe valinakulemesela mu mulili muje munashulu na vifwa vya tumponya. Valyola malambi ngwavo, ‘Shukulu Kalunga katumono! Ikeye naseze lifuti.’ ”

Ezekiyele 8:12 Iomraidhean Croise

2 Vimyene 17:9

VaIsalele valingile vyuma vije kashakele Shukulu Kalunga Njambi yavo. Vatungile mitambela yakulemesela vaka-kujeneka kukulaela mu vinganda vyavo vyoshe, kushangumuka ku limbo lyalindondo, kweta na ku nganda yakama.

Myaso 10:11

Muka-vuvi endeka mu mbunge yendi ngwendi, “Njambi nevala, nakenge kweka, co kasa kunjimona!”

Myaso 14:1

Vilema vendeka ngwavo, “Njambi waiko!” Voshe vanapu vakujeneka seo, vanalingi vyuma vyavivi vyakukomokesa, naumo wai nalingi mwamuvwa.

Myaso 73:11

Vendeka ngwavo, “Njambi azivuka vatijo? Wa Akamwa ya Akamwa amona vatijo?”

Isaya 29:15

Ngongo yavo vaje vashwekela Shukulu Kalunga matumbe avo. Vaje valinga vyuma mu vushweke, co valinakuyongola ngwavo naumo wai navamono nambe kuzivuka vije valinakulinga.

Isaya 47:10

“Wavandele mu vuvi vwove vavenya, wayongwele ngwove naumo wai asa kukumona. Mana ove nakuzivuka kwove vyakukwisile, wayongwele ngwove, ‘Yange Njambi, kukwesi weka lalo wakulifwa nange.’

Ezekiyele 14:1

Vamo vantwama va vaIsalele vezile nakunjihula cizango ca Shukulu Kalunga.

Ezekiyele 20:1

Lyapwile litangwa lyamulikumi, ku ngonde yamucitanu mu mwaka wamucitanu na ivali a simbu ya vunzinda vwetu. Co vantwama vamo va mbunga ya vaIsalele vezile nakunjihula cizango ca Shukulu Kalunga, co vatumbamene asi kulutwe lwange.

Ezekiyele 8:11

Vantwama va vaIsalele makumi atanu na vavali vakele kuje, amo na Njazaniya muna Shafane. Munu na munu wakwatele cikango cakwenyekela insense, co vwisi vwa insense vwakele nakukakumuka.

Ezekiyele 8:13

Asinoni Shukulu Kalunga wendekele kuli yange ngwendi, “Ukavamona valinga vyuma vya vunyengwe manene kutuvakana evi.”

Ezekiyele 8:15

Ikeye wehwile ngwendi, “Muna munu, unamono evi ndi? Ukamona vyuma vya vunyengwe manene.”

Ezekiyele 8:17

Shukulu Kalunga wendekele kuli yange ngwendi, “Muna munu, unamono evi ndi? Ava vanu va mu Yunda kuvapwisilemo kulinga vyuma vyangoco vya vunyengwe vije viwunamono kuno, na vukalu vuje vunashandokela mu lifuti lyoshe. Embwe, vanapandele kwija nakuvilingila muno mu Njuvo yange, ngeci vanjiluvalese manene. Kenga muvali nakunjishaula akwaka minango ku majulu avo!

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

Zefaniya 1:12

“A simbu ije njikambata ndeya nakushakezeka mu Yelusalema. Njikanyanyamesa vanu vaje valinakulivwaelelesa nakulikulaesa vakevo vavenya, vaje vendeka ngwavo, ‘Shukulu Kalunga kakalingi cuma cimo kuli yetu.’

Efeso 5:12

(Mwa vushunga, nambe kwendeka vyuma vivalinga mu vushweke vinena shwamwa.)

Kwituluka mu Mashiko 27:15

“ ‘Cisingo ca Njambi cikale ali munu woshe uje ashonga kamponya ka limanya, nambe ka citi, nambe ka cikuvo, nakukalemesela mu vushweke, cuma eci cinapu ca vunyengwe kuli Shukulu Kalunga.’ “Co vanu voshe vakakumbulula ngwavo, ‘Ewa!’