Ezekiyele 8:10 - Livulu lya Shukulu Kalunga

¹⁰ Ngecivene, njakovelelemo nakumona. Vivumbe vyapwile vyakufwika na masona a manyoka na tusitu veka vakujeneka kujela, na vyuma vyeka vije vakele nakulemesa vaIsalele.

Ezekiyele 8:10 Iomraidhean Croise

Kutuuka 20:4

“Kesi mukalishongele cifwa ca cuma cimo cili mwilu, nambe cili ano asi, nambe cili mu mema mwisi ya asi.

Isaya 44:13

Muka-kushonga eseka livaya. Atwao cipalo na memba, alishonga na vyakushongesa vyendi, nakulipwisa citso cacivwa ca munu, na kucaka mu njuvo yendi.

Njelemiya 16:18

Akulivanga njikavayandesa luvali omwo vuvi vwavo nakuvulumuna kwavo, omwo vanajwalesa lifuti lyange na tumponya tuje kutwesi na mwonyo, co vanashulisa lifuti na vinjambi vavo va makuli.”

Njelemiya 3:9

co kakele na shwamwa. Wajwalesele lifuti, co walingile vupangala vwakulemesa tumponya va mamanya na viti.

Njelemiya 44:21

“Ngwe a vin̄ombelo vyeni na vakukulwila veni, na vimyene veni, na vantwama veni, na vanu va mu lifuti na mu vinganda vya mu Yunda na mu vitapalo vya mu Yelusalema, kuma mwayongola ngweni Shukulu Kalunga kavizivukile nambe kuvyanuka ndi?

Njelemiya 44:4

Njakele nakumitumina vangamba vange vaka-kwimanena, vaje vamilekele ngwavo kesi mulinge cuma cije cakukomokesa cinjazinda.

Ezekiyele 11:12

Co mukazivuka ngweni yange njapwa Kalunga, omwo kumwanyungile mashiko ange, nambe kulinga vije vinjamishikile, oloni munononoka mashiko a miyati ya vaje vanamizengeleka.”

Ezekiyele 23:14

“Oholimba wahyanesele vukwizi vwendi, omwo wamwene vifwa vya vaMbambilone vyakusoneka a vivumbe na mufwitilo wakuvenga,

Ezekiyele 8:11

Vantwama va vaIsalele makumi atanu na vavali vakele kuje, amo na Njazaniya muna Shafane. Munu na munu wakwatele cikango cakwenyekela insense, co vwisi vwa insense vwakele nakukakumuka.

Ezekiyele 8:9

Wanjilekele ngwendi, “Kovela mukati umone vuvi, na vyuma vya vunyengwe vije vivalinakulinga kuje.”

Loma 1:23

co vanalikela kulemesa Njambi wakuyoya myaka yoshe, oloni valemesa vyuma vya vifwa vya munu uje kesi kuyoya myaka yoshe na vifwa vya tuzila nambe tusitu nambe vyakulikoka.

Kwituluka mu Mashiko 14:3

“Kesi mukalye cuma coshe cije canatumbula Shukulu Kalunga ngwendi ca vunyengwe.

Kwituluka mu Mashiko 4:16

Nyanyameni ngeci kesi muliviise yeni vavenya, nakulishongela kamponya ka cifwa ca munalume, nambe ca munakazi,

Kwituluka mu Mashiko 4:18

nambe ca vyakulikoka asi, nambe ca isi.

Kwituluka mu Mashiko 4:23

Nyanyameni ngeci kesi mwivale cikumiiyo cije Shukulu Kalunga Njambi yeni walikumiiye neni. Co kesi mulishongele cifwa ca kamponya.

Kwituluka mu Mashiko 4:25

“Nameme omo mukakala simbu yakama mu lifuti lije nakukitilamo vana na vatekulu, kesi mukalinge vuvi vwakulishongela kamponya mu cifwa cimo embwe. Eci cinapu vuvi ku mesho a Shukulu Kalunga, co cikamuluvalesa.