Ezekiyele 7:8 - Livulu lya Shukulu Kalunga

⁸ “Ololo ukaziva vukalu vwange vwoshe. Njilinakukusompa omwo a vije viwunalingi, co njikakwilwisila vunyengwe vwove vwoshe a futisi yove.

Ezekiyele 7:8 Iomraidhean Croise

2 Mizimbu 34:21

“Yeni mukanjihwileko kuli Shukulu Kalunga nakwihwilako vanu ava vanasala mu Isalele na mu Yunda a vilongesa evi vili mu livulu eli livanawana. Shukulu Kalunga naluvala netu omwo vakukulwila vetu kuvasele kulinga vije vivasonekele mu livulu eli.”

Myaso 79:6

Hisa miyati ya vanu vaje kuvakuzivuka, vanu vaje kuvesi kukulemesa!

Isaya 42:25

Ngecivene, twazivile nzili ya vukalu vwendi, nakumona tuyando twa nzita, vukalu vwendi vwashukumine mu Isalele ngwe tuhya, oloni kutwazivukile vije vyalingiwile, nacimo cai twalilongeseleo.

Njelemiya 36:31

Njikakunyanyamesa, na vatekulwila vove, na vamyata vove, omwo a vuvi vuje vumunalingi muvavoshe. Nambe yove, nambe vanu va mu Yelusalema na mu Yunda kumwombile vimbunge kukunangula kwange, ngecivene, njikanena tuyando twakama ali yeni voshe tuje njalishungwiiye.”

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Mbimbi 2:4

Wananele mikili yendi ali yetu ngwe citozi, ikeye watsiile voshe vaje twavwaelelele nakujolela navo. Twazivile vukalu vwendi ngwe tuhya muno mu Yelusalema.

Mbimbi 4:11

Shukulu Kalunga wecelele vukalu vwendi vwakama, washwamekele tuhya a Siyone tuje twayenyekele yoshe njwa.

Ezekiyele 11:21

Oloni njikanyanyamesa lika vanu vaje vazema kulemesa vyakujwala, na tumponya twa vunyengwe. Njikavanyanyamesa omwo vije vivanalingi.” Shukulu Kalunga wa Akamwa ya Vyoshe, nendekamo.

Ezekiyele 14:19

“Nambe nga njituma mushongo wakulitambwisa a lifuti lije, co kuluvala kwange kukatsiya myonyo ya vanu vavangi, kutsiya vanu na tusitu,

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Ezekiyele 16:59

Shukulu Kalunga wa Akamwa ya Vyoshe alinakwendeka ngwendi, “Yange njikakupangesa ngwe mu ngila ije inakupande, omwo kuwombile mbunge ku vikulaeso vyove, co wapokwele cikumiiyo.

Ezekiyele 18:30

Shukulu Kalunga wa Akamwa ya Vyoshe alinakwendeka ngwendi, “Ngecivene, yange Kalunga wa Akamwa ya Vyoshe, njilinakumileka yeni vaIsalele ngwange, njikasompa munu na munu a vije vyanalingi. Tengulukeni mutunde ku vuvi vweni vwoshe vuje vumulinakulinga, kesi mutave vuvi vuminyongese.

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

Ezekiyele 20:33

“Mwa vushunga vene yange Kalunga wa Akamwa ya Vyoshe, njapwa Njambi wakuyoya njiminangula ngwange mukuluvala kwange njikamishwana na livoko lya nzili, na nzili yange yoshe.

Ezekiyele 20:8

Oloni vanjitengulukilile, co kuvanjitolililile. Kuvombilile kuti tumponya twa vunyengwe, nambe kwecela vinjambi va vaka-Ingito. Njalivwaesela cimweja kuvatava ngeci vazive nzili ya vukalu vwange vwoshe muje mu Ingito.

Ezekiyele 22:31

Ngecivene, vukalu vwange vukakala ali vakevo omwo vije vivanalingi, co njikavanyongesa ngwe muje mutukanyongesa tuhya.” Shukulu Kalunga wa Akamwa ya Vyoshe nendekamo.

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Ezekiyele 30:15

Co njikatava nganda ya Pelusiyame, cimpaka cakama ca Ingito, kuziva vukalu vwange vwakama. Njikanyongesa vufuko vwa Tevese.

Ezekiyele 33:20

Oloni Isalele, wendeka ngwove vije njilinakulinga kesi vya vushunga. Njikakusompa a vije ulinakulinga.”

Ezekiyele 6:12

Vaje vali kulyala vakavinja, co vakatsa, na vaje vali muyehi vakatsila mu nzita, co vaje vakasalao vakalanduka ku njala. Vakaziva nzili ya vukalu vwange.

Ezekiyele 7:27

Mwene akalila na vana va vimyene kuvakakala lalo na cinyangavili, co vanu vakajaja na lyova. Njikaminyanyamesa omwo a vyoshe vije vimunalingi, co njikamisompa mu ngila ije vene mwasompele nayo vakweni. Co eci cikamimwesa ngeci kuma yange Kalunga.”

Ezekiyele 7:9

Kunjikakusezao nambe kukuzivila mema ku mbunge. Njikakunyanyamesa omwo vyuma vya vunyengwe viwunalingi, ngeci uzivuke ngwove kuma yange Kalunga, yange muka-kuminyanyamesa.”

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Ezekiyele 9:8

Omo vakele nakutsiya vanu, njasalele ange lika. Co njakulamene asi nakutambeka ngwange, “Yove Shukulu Kalunga wa Akamwa ya Vyoshe, kuma unaluvala na Yelusalema ngeci ulinakutsiya munu woshe uje nasalao mu Isalele ndi?”

Ndanyele 9:11

Isalele yoshe vapokwele mashiko ove nakuvyana kutolilila ku vije viwavalekele. Twalingile vuvi ku mesho ove, ngeci watusingile na cisingo cije civasoneka mu Lishiko lya Mosesa ngamba yove.

Ndanyele 9:27

Ngecivene, ntwama uje akalizivasana na vanu vavangi a myaka itanu na ivali, omo vingonde vitatu na litambelo vya myaka eyi vineti, co akavindika vanu kukombelela nakulambula. Co Cimweso ca Vunyengwe cikakala akamwa-kamwa ya Njuvo ya Shukulu Kalunga, noo uje wacakeleo vakamunyongesa kuli Njambi.”

Hoziya 12:3

Kukulwila yavo Yakomba walwile na munaina simbu vacili mwimo lya vaina, co omo Yakomba wakolele, walwile na Njambi.

Hoziya 5:10

Shukulu Kalunga alinakwendeka ngwendi “Yange njinaluvala omwo vantwama va mu Yunda vanakovelela Isalele nakwiva lifuti lyendi. Ngecivene, njikamwanyena cihiso ali vakevo ngwe livazi.

Nahumi 1:6

Omo naluvala, iyajo asa kuyoya? Iyajo asa kuyoya ku vukalu vwendi vwakama? Etila vukalu vwendi ngwe milangi ya tuhya, mamanya atavozoka apwa likungu ku mesho endi.

Kujombolola 14:10

ikeye lalo akanwa ku vinyu vya Njambi, vinyu vya vukalu vwendi, vije kesi vyakukumbasana mu nganja ya vukalu vwendi! Voshe vaje valinga eci vakakala mu n̄avava yakama mu tuhya na sulufa ku mesho a tungelo vakujela na ku mesho a Muna Manga.