Ezekiyele 7:3 - Livulu lya Shukulu Kalunga

³ “Isalele, kukotoka cinete. Njikaluvala nove, omwo njikakusompa a vije viwunalingi. Njikakwilwisila vilinga vyove vya vunyengwe vyoshe viwunalingi.

Ezekiyele 7:3 Iomraidhean Croise

Kushangumuka 6:13

Co Njambi wendekele kuli Nowa ngwendi, “Njayongola kuzilula vanu voshe. Njikavanyongesa voshe amolika na kaye, omwo kaye kanashulu na vilinga vyavo vyavivi.

Isaya 47:7

Yove wayongwele ngwove ukapwa vamwene simbu yoshe, oloni kuwaakeleko mbunge ku vyuma vije, nambe kuyongola ngwove vyuma evi vikahwa.

Njelemiya 13:14

Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Ezekiyele 11:21

Oloni njikanyanyamesa lika vanu vaje vazema kulemesa vyakujwala, na tumponya twa vunyengwe. Njikavanyanyamesa omwo vije vivanalingi.” Shukulu Kalunga wa Akamwa ya Vyoshe, nendekamo.

Ezekiyele 16:38

Njikakuhisa akulinga vupangala nakutsiya, co mukuluvala kwange na mu vukalu vwange, njikakusompela kutsa.

Ezekiyele 16:43

Yove unevala munjakulingile omo wapwile u mwanike, co unanjiluvalesa a vyuma vyoshe vije viwalingile. Mukemwo njinakulingisa ngeci ufwete omwo a vije vyoshe. Omwo vikajo unaakelako lalo vupangala ku vyuma vyoshe vya vunyengwe vije viwalingile?” Mwanendeka Shukulu Kalunga wa Akamwa ya Vyoshe.

Ezekiyele 16:59

Shukulu Kalunga wa Akamwa ya Vyoshe alinakwendeka ngwendi, “Yange njikakupangesa ngwe mu ngila ije inakupande, omwo kuwombile mbunge ku vikulaeso vyove, co wapokwele cikumiiyo.

Ezekiyele 18:30

Shukulu Kalunga wa Akamwa ya Vyoshe alinakwendeka ngwendi, “Ngecivene, yange Kalunga wa Akamwa ya Vyoshe, njilinakumileka yeni vaIsalele ngwange, njikasompa munu na munu a vije vyanalingi. Tengulukeni mutunde ku vuvi vweni vwoshe vuje vumulinakulinga, kesi mutave vuvi vuminyongese.

Ezekiyele 21:25

“Yove muka-vuvi, muka-kushwana wa Isalele wakujela, litangwa lya cihiso cove cakumanesela lilinakwija.

Ezekiyele 22:31

Ngecivene, vukalu vwange vukakala ali vakevo omwo vije vivanalingi, co njikavanyongesa ngwe muje mutukanyongesa tuhya.” Shukulu Kalunga wa Akamwa ya Vyoshe nendekamo.

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Ezekiyele 33:20

Oloni Isalele, wendeka ngwove vije njilinakulinga kesi vya vushunga. Njikakusompa a vije ulinakulinga.”

Ezekiyele 36:19

Njavahisile omwo akuyoya kwavo kwakuvi, na vilinga vyavo vyavivi, co njavashandwelele akati ka miyati yeka.

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Ezekiyele 7:2

“Muna munu, evi vikevyo yange Kalunga wa Akamwa ya Vyoshe, njilinakwendeka ku lifuti lya Isalele, eci cikeco kukotoka kwa lifuti lyoshe!

Ezekiyele 7:27

Mwene akalila na vana va vimyene kuvakakala lalo na cinyangavili, co vanu vakajaja na lyova. Njikaminyanyamesa omwo a vyoshe vije vimunalingi, co njikamisompa mu ngila ije vene mwasompele nayo vakweni. Co eci cikamimwesa ngeci kuma yange Kalunga.”

Ezekiyele 7:4

Nalumo lwai njikakusezao, nambe kukuzivila mema ku mbunge. Njikakunyanyamesa omwo a vyuma vya vunyengwe vije viwunalingi, ukazivuke ngeci kuma yange Kalunga.”

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Hoziya 12:3

Kukulwila yavo Yakomba walwile na munaina simbu vacili mwimo lya vaina, co omo Yakomba wakolele, walwile na Njambi.

Amose 8:2

Shukulu Kalunga wanjihwile ngwendi, “Amose, vika unamono?” Co njamukumbulwile ngwange, “Njamono mutonga wa vushuka.” Co Shukulu Kalunga wendekele kuli yange ngwendi, “Kukotoka kwa vanu vange va Isalele kunete. Kunjikatengulula lalo viyongola vyange vyakuvanyanyamesa.