Ezekiyele 7:23 - Livulu lya Shukulu Kalunga

²³ “Vyuma vyoshe vili mu citanga, lifuti linashulu na vaka-kutsiya na vinganda vinashulu na muuka.

Ezekiyele 7:23 Iomraidhean Croise

2 Vimyene 21:16

Manase watsiile vanu vavangi vakujeneka mulonga, co mu vitapalo vya mu Yelusalema mwoshe mwakele nakwita maninga, walingile evi mukutwamenena vanu va mu Yunda ku tumponya, kuvalingisa vuvi ku mesho a Shukulu Kalunga.

2 Vimyene 24:4

vunene vene a vanu vakujeneka mulonga vaje vatsiile. Co Shukulu Kalunga kasambesele Manase a vije vyalingile.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 59:3

Vyendeka vyeni vinashulu na makuli na matumbe a muuka, na mavoko eni anashulu na maninga.

Isaya 59:7

Simbu yoshe mutumba matumbe a vyuma vya vuvi, co mukawalingi vwasi-vwasi. Mukazambula mukutsiya vanu vakujeneka mulonga. Kwoshe kumuya mukasezako vingundu nakuviisako,

Njelemiya 2:34

Vuzalo vweni vuli na vipesa vya maninga kesi maninga a vezi vaka-kutuva vinjuvo embwe, oloni na maninga a tuutu na vanu vaka-kujeneka mulonga. “Oloni a vyoshe evi,

Njelemiya 22:17

Oloni viyongola vyove vinapu vya muuka lika, utsiya vanu vakujeneka mulonga, nakuyandesa vanu vove na muuka. Mwanendeka Shukulu Kalunga.

Njelemiya 27:2

njilipangele mandauluwa ya mikole ya vilambu na viti vya vimanda nakuyaka mu mukoshi wange.

Njelemiya 40:1

Shukulu Kalunga wendekele kuli yange, omo Nevuzalandane mukulunu wa vaka-kunyunga wanjecelele ku Lama. Vanjitwalele kuje oku vananjikutu malyenge, amolika na vanu voshe vaje vatundile ku Yelusalema na Yunda, vaje vavatwalele mu vunzinda ku Mbambilone.

Njelemiya 6:7

Vuvi vwa Yelusalema vulinakuzinzuka ngwe mwakazinzuka mema mu lisima. Njilinakuziva lwozi nakunyongesa mu nganda, co lalo njilinakumona mishongo na vanu vaje vanavulumuka valinakutsa.

Njelemiya 7:6

Kesi muyandese vangenzi, na visiwa, na vifwile. Kesi mutsiye vanu vakujeneka mulonga mu lifuti lino. Kesi mulemese vinjambi veka vakaminyongesa.

Mbimbi 3:7

Nanjikutu mu malyenge, co njinapu nji cinzinda, kunjesi lalo na cinyangavili cakuputumukamo cai.

Ezekiyele 11:6

Munatsii vanu vavangi manene muno mu nganda, co mu vitapalo mwoshe munashulu na mivila ya vanu vaje munatsii.

Ezekiyele 12:19

Leka muyati woshe ngwove awa akewo majwi a Shukulu Kalunga wa Akamwa ya Vyoshe kuli vanu va mu Yelusalema, vaje vacili nakuyoya mu lifuti lyavo ngwove vakajaja omo vakalya, nakulijujukila na lyova omo vakanwa. Lifuti lyavo likemuka ngundu, omwo vanu voshe vaje valinakukalamo kuvesi nakukava mashiko.

Ezekiyele 18:12

Muka-kukwisa tuutu, nakwiva, nakushweka vije vyamwanene muka-kukumuna kupwa cishimbikiya. Muka-kuya ku mitambela ije vakalemesela vaka-kujeneka kukulaela, nakulemesa tumponya twa vunyengwe,

Ezekiyele 22:13

“Njikapangesa nzili yange ali yeni omwo vinganyo vyeni vya makuli vimunanganyala nakutsiya kuje munakala nakutsiya vanu.

Ezekiyele 22:27

Vamyata va vaka-kushwana vanalifu na tungunga vaje vakasanyozola tusitu vaje vavanatsii. Vakevo vakatsii ngeci vawane vufuko.

Ezekiyele 22:9

Vanu veni vamo valinakuvangela vakwavo vya makuli ngeci vavatsiye. Vamo valinakulya vin̄ombelo vyakukombelela ku tumponya. Vamo valinakukutisa mashungu avo.

Ezekiyele 45:9

Shukulu Kalunga wa Akamwa ya Vyoshe wendekele ngwendi, “Yeni vaka-kushwana va Isalele munavulumuna simbu yakama manene! Likeleni muuka na lipakeso. Lingeni vije vyakushungama na vushunga. Kesi lalo musheke vanu vange mu lifuti lyavo embwe. Yange Kalunga wa Akamwa ya Vyoshe, njimileka evi.

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Ezekiyele 8:17

Shukulu Kalunga wendekele kuli yange ngwendi, “Muna munu, unamono evi ndi? Ava vanu va mu Yunda kuvapwisilemo kulinga vyuma vyangoco vya vunyengwe vije viwunamono kuno, na vukalu vuje vunashandokela mu lifuti lyoshe. Embwe, vanapandele kwija nakuvilingila muno mu Njuvo yange, ngeci vanjiluvalese manene. Kenga muvali nakunjishaula akwaka minango ku majulu avo!

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

Hoziya 4:2

Valinga vikulaeso, co lalo vavipokola, vendeka makuli, nakutsiya, nakwiva, nakulinga vupangala. Muuka unatumu, co lalo kutsiya kwakulikavasana kulinakutwalao simbu yoshe.

Mika 2:2

Omo vashaka mahya, co vawambata, omo vashaka vinjuvo, co vavitunga. Naimo naanga ya munu nambe cuma cili mwamuvwa cai.

Mika 7:2

Kukwesi munu wa kulongwa nasala mu lifuti, naumo wai wa kulongwa kuli Njambi. Vanu voshe vanavandamena simbu yakutsiya. Vanu voshe valinakuyomba vandolome vavo ngeci vavatsiye.

Nahumi 3:10

Oloni vanu va ku Tevese vavatwalele mu vunzinda. Vana vavo vavapupile nakuvatsiila a masambwa-ngila. Vanalume vavo va kasingimiko vavakutile malyenge nakuvatwala nakulipangezelavo akati ka vaje vavakwatele.