Ezekiyele 7:20 - Livulu lya Shukulu Kalunga

²⁰ Valyalesele na vuvwa vwa mamanya avo a seo, oloni vavipangesele mukulinga tumponya twa vunyengwe. Omu mukemwo Shukulu Kalunga walingisile vufuko vwavo kupwa vunyengwe kuli vakevo.

Ezekiyele 7:20 Iomraidhean Croise

2 Vimyene 21:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi lizina lyendi vakalilemesela mu Yelusalema.

2 Vimyene 21:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

2 Mizimbu 2:9

ngecivene, vanjivwaesele viti vyavingi, omwo Njuvo ya Shukulu Kalunga injinayongola kutunga ikapwa yakama yakukomokesa.

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Ezela 3:12

Vungi vwa vaka-kukombelela va vakulunu, na vaLevi, na vakulunu va vikota vaje vamwene Njuvo ya Shukulu Kalunga yakulivanga, vatendekele nakulila. Oloni veka vaje vakele kuje omo vamwene luvula lwa Njuvo ya Shukulu Kalunga valinakulwinda vatambekele manene nakujolela.

Myaso 48:2

Siyone munkinda wa Njambi, ukewo uli kulyala ku kunto, co lalo wauvwa, nganda ya mwene wakama inena kujolela mu kaye mwoshe!

Myaso 50:2

Njambi alinakutwila ceke cendi mu Siyone, nganda ije yaivwa manene.

Isaya 30:22

Mukambata tumponya tweni twakufwika na siliva, na tumponya tweni twakufwika na ngolinde, mukatumbila kuti ngwe mazilo, co mukatambeka ngweni, “Tundeni kuli yetu!”

Isaya 64:11

co Njuvo yove, mwela wakujela wauvwa kuje vakukulwila vetu vakulemeselele, vanainyongesa na tuhya. Vinjuvo vyetu vyoshe vyavivwa vinasiwuka.

Njelemiya 7:14

Ngecivene, vije njalingile ku Shilo, vikevyo vinjikalinga ku Njuvo yange ije mwakulaela. Ku mwela uno vene unjaanene kuli vakukulwila veni amo neni, njikalinga cuma cimo vene ngeci cije njalingile ku Shilo.

Njelemiya 7:30

“Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Mbimbi 1:10

Vitozi vendi vamwivile vufuko vwendi vwoshe. Wavamwene vakovela mu Njuvo ya Shukulu Kalunga citona-mesho, muje vene vavenya Shukulu Kalunga wavindikile vaka-kujeneka kukulaela kukovelamo.

Mbimbi 2:1

Shukulu Kalunga mu vukalu vwendi, nafwiki Siyone na lisusulungu. Nawisila asi vuvwa vwa Isalele nakuvupwisa vwangoco. A litangwa lya vukalu vwendi Shukulu Kalunga wasezele nameme vene Njuvo yendi.

Mbimbi 2:7

Shukulu Kalunga wasezele mutula wendi, nakuseza lalo Njuvo yendi yakujela, ikeye watavele vitozi kusiwula vivumbe vyayo. Vitozi valingile muyoyo mu Njuvo ya Shukulu Kalunga, ngwe a litangwa lya ciwano.

Ezekiyele 11:18

Omo vakeluka, vakatundisa vyoshe vije vyakujwala na tumponya va vunyengwe vaje vakawana.

Ezekiyele 16:16

Wapangesele vuzalo vwove nakuvucakeya mu mitambela yove yakulemesela ngeci mwa cikwizi, walikundikile kuli munu woshe-iwoshe.

Ezekiyele 16:19

Njakwanene vyakulya, na vunga vwavuvwa vwa tiliku na mazi a olive na vuki, oloni yove wavikombelelele ku tumponya ngeci uvavwaelelese. Evi vikevyo vyanendeka Shukulu Kalunga wa Akamwa ya Vyoshe.

Ezekiyele 23:38

Co evi kesi vikevyo lika vivalingile embwe. Vajwalesele Njuvo yange, nakushaula Litangwa Lyakuhwima lije njemikile.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Ezekiyele 5:11

“Ngecivene, ngwe omo njapwa Njambi wakuyoya, eli likelyo lijwi lya Shukulu Kalunga wa Akamwa ya Vyoshe, omwo mwajwalesele Njuvo yange na vuvi vwoshe, na vyuma vya vunyengwe vije vimwalingile, njikamikengesa nima kujeneka kumizivila mema ku mbunge.

Ezekiyele 7:22

Kunjikombuko mbunge omo Njuvo yange ya vufuko vaizilula, omo vezi vaituva nakukovelamo nakuyijwalesa.

Ezekiyele 9:7

Njambi wendekele kuli vakevo ngwendi, “Jwaleseni Njuvo yange. Shuliseni vipango na mivila ya vanu. Pangeni vipangi!” Ngecivene, vashangumukile kutsiya vanu vaje vakele mu nganda.

Hangai 2:3

“Kwali umo akati keni uje acili nakwanuka vuvwa vwa Njuvo yange yalaja ndi? Vatijo munaimono muyinafu ololo? Inapu vene ngwe vyangoco.

Maako 8:24

Oloni ikeye wendekele ngwendi, “Njimilomba ngeci munu na munu anjane vimbilingwa vije mwapukwile kuli vaMindyani.” (Capwile cilika ca vaMindyani kuzala vimbilingwa vya ngolinde ku matwi avo, omwo vapwile vaIshimaele vanu va mu mambo.)

Maako 8:27

Co Ngilyone wafulile kamponya ka ngolinde, co wakaakele mu limbo lyendi mu Ofela. Co vaIsalele voshe vakengesele Njambi nima, vaile nakulemesa kamponya. Co eci capwile mweto kuli Ngilyone na naanga yendi.