Ezekiyele 7:19 - Livulu lya Shukulu Kalunga

¹⁹ Vakombila ngolinde yavo na siliva mu vitapalo ngwe vishwashwa vyangoco, omwo siliva nambe ngolinde kuvyasa kuvaamena ku vukalu vwa Shukulu Kalunga. Kuvakavipangesa mukujawisa mashungu avo, nambe kushulisa mafu avo. Ngolinde na siliva vyavatwamenenene ku vuvi.

Ezekiyele 7:19 Iomraidhean Croise

2 Vimyene 7:15

Co vaje vanalume vaile noo vaketele ku Yondau, co mu ngila mwoshe vamwene vuzalo na vivala vije vivasezele vaSilya omo vatewele. Asinoni velukile, co vakambulwile vukaleo kuli mwene.

Visimo 10:2

Vufuko vwakuwana mu ngila yaivi kuvwesi na seo, oloni kulongwa kwamena mwonyo wove.

Visimo 11:4

Vufuko vukapwa vwangoco a litangwa lyove lya kutsa, oloni kulongwa kwasa kwamena mwonyo wove.

Muka-kwambulula 5:10

Uje woshe azema manene vimbongo, kasa kuviwana, uje woshe azema manene vufuko, kasa kuvuwana. Vinapu vyangoco.

Isaya 2:20

Omo litangwa lije lyeta, vanu voshe vakombila kuti tumponya twa ngolinde na tumponya twa siliva tuje tuvanalingi, co vakavisezela vin̄olo na vindima-ndima.

Isaya 30:22

Mukambata tumponya tweni twakufwika na siliva, na tumponya tweni twakufwika na ngolinde, mukatumbila kuti ngwe mazilo, co mukatambeka ngweni, “Tundeni kuli yetu!”

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Mbimbi 4:1

Vuvwa vwa ngolinde yetu yakuvyazima vunahu, mamanya a Njuvo ya Shukulu Kalunga anashandokela mu vitapalo mwoshe.

Ezekiyele 13:5

Kuvesi nakunyunga ku mitambela kuje kunaviya vivumbe, nambe kutungulula vivumbe, ngecivene, Isalele kasa kulyamena omo nzita ikaija a litangwa lya Shukulu Kalunga.

Ezekiyele 14:7

“Simbu yoshe omo umo wa vaIsalele nambe umo wa vaka-kwija uje alinakukala mu munga ya vaIsalele atunda kuli yange nakulemesa tumponya, co aya nakwihula kuli muka-kwimanena, co yange Kalunga njikamukumbulula!

Ezekiyele 30:3

Litangwa lili muyehi, omo Shukulu Kalunga akapanga, likapwa litangwa lya mashelwa nakunyonga kwa miyati.

Ezekiyele 44:12

Oloni omwo valingisile vanu va Isalele kulemesa tumponya, co mu ngila eyi vene vatwamenenene vanu mu vuvi, yange Kalunga wa Akamwa ya Vyoshe, njalikumiiya nakulisinga ngwange vanapande kuvanyanyamesa.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Zefaniya 1:3

vanu voshe na tusitu, tuzila na visi. Njikatundisa vaka-vuvi voshe, njikanyongesa vanu voshe, co naumo wai akasalao. Yange Kalunga, njinendekamo.

Mateo 16:26

Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai! Nacimo cai munu asa kwingisamo ngeci awane mwonyo wendi.

Loma 11:9

Co Ndaviti alinakwendeka ngwendi, “Viwano vyavo vipwe myeto, co vatsemo, vanapande kuwa, vanapande kuvanyanyamesa!