Ezekiyele 7:18 - Livulu lya Shukulu Kalunga

¹⁸ Vakazala vikeleya, co mivila yoshe ikajaja. Mitwe yavo ikapwa yakuteula, co voshe vakaziva shwamwa.

Ezekiyele 7:18 Iomraidhean Croise

Kushangumuka 15:12

Omo litangwa lyatokele, Avilama walalele manene, co wakele na lyova na cangasisi.

Yombi 21:6

Omo njiyongola evi vinalingiwa ali yange, co njalikomokela, njitsa cintsima nakujaja.

Myaso 35:26

Voshe vaje vavwaelela a tuyando twange, vavafungulule nakuvatanganesa, voshe vaje valitumbula kupwa vavavwa kutuvakana yange, vazive shwamwa nakushauka!

Isaya 3:24

Mu mwela wa mazi akunika lwengo lwaluvwa, mukakala mazi akunika mwamuvi. Mu mwela wa miva yaivwa, vakazalelamo mikole yakuvola. Mitwe yavo kuyikakala na vin̄ambu vyavivwa, ikakala na mandya. Kuvakakala na vuzalo vwavuvwa, vakazala vuzalo vwakutavozoka. Vuvwa vwavo vukemuka shwamwa!

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 48:37

Voshe vanateula mitwe yavo nakukamba minjezi yavo. Voshe vanalilengula vimbandu a mavoko avo, co munu woshe nazala cikeleya.

Njelemiya 6:25

Kesi mutuuke nakuya ku mahya nambe kwenda mu vingila, omwo vitozi vali na vitwa, co vushonde vuli kwoshe-ikwoshe.”

Njelemiya 6:26

Shukulu Kalunga alinakwendeka kuli vanu vendi ngwendi, “Zaleni vikeleya, co livulungeni mu livu. Lileni manene ngwe munatsisa mwana umolika, omwo vwasi-vwasi vitozi vaija nakumilwisa kujeneka kumileka.

Ezekiyele 27:31

Vanateula mitwe yavo omwo yove, co vanazala vikeleya. Vimbunge vyavo vivavala manene omwo valinakulila.

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.